ຂ່າວດີ ກວດພະຍາດຜິວໜັງໂດຍບໍ່ເສຍຄ່າ ເນື່ອງໃນວັນພະຍາດຫລວງ (ຂີ້ຫູດ) ສາກົນ

    0
    295

    ພະຍາດຫລວງ (ຂີ້ທູດ) ແມ່ນພະຍາດຊຶມເຊື້ອຈຸລິນຊີ ທີ່ມີຊື່​ວິ​ທະ​ຍາ​ສາດວ່າ ​ມີ​ໂກ​ແບກ​ທີ​ຣິອອມ ເລ​ເປ​ຣ (Mycobacterium leprae).​​ ເຊື້ອ​ດັ່ງ​ກ່າວ​ຈະ​ອອກ​ທາງ​ລະ​ບົບ​ຫາຍ​ໃຈ​ໂດຍ​ການ​ປາກ​ເວົ້າ, ໄອ, ຈາມ ຂອງ​ຄົນ​ເຈັບ​ທີ່​ເປັນ​ພະ​ຍາດ​ຫລວງປະ​ເພດ​ເຊື້ອ​ຫລາຍ ທີ່​ຍັງ​ບໍ່​ທັນ​ໄດ້​ຮັບ​ການ​ປິ່ນ​ປົວ​ມາກ່ອນ ແລະ ເຂົ້າ​ສູ່​ຄົນ​ເຮົາ​ໂດຍ​ທາງ​ລະ​ບົບ​ຫາຍ​

    ໃຈ​ເຊັ່ນ​ກັນ, ແຕ່​ພະ​ຍາດນີ້​ບໍ່​ສາ​ມາດ​ຕິດ​ຕໍ່​ກັນ​ໄດ້​ໄວ, ຜູ້​ທີ່​ຕິດ​ເຊື້ອ​ແລ້ວ​ຖ້າ​ບໍ່​ໄດ້​ຮັບ​ການ​ປິ່ນ​ປົວ​ແຕ່​ເລີ່ມ​ຕົ້ນ​ຈະ​ກໍ່​ໃຫ້​ເກີດ​ຄວາມ​ພິ​ການ ຕາ, ມື, ຕີນ, ກົງ​ກັນ​ຂ້າມ ພະ​ຍາດນີ້ຖ້າ​ໄດ້​ຮັບ​ການ​ປິ່ນ​ປົວ​ແຕ່​ເລີ່ມ​ຕົ້ນ​ສາ​ມາດ​ປ້ອງ​ກັນ​ຄວາມ​ເປັນ​ພິ​ການ​ໄດ້.

    ລັກສະນະອາການຂອງພະຍາດຫລວງ (ຂີ້ທູດ): ຜິວໜັງເປັນວົງດ່າງສີຈຶດຈາງ, ສີແດງ, ເປັນແຜ່ນ, ເປັນຕຸ່ມໜ່ວຍ, ເສຍຄວາມຮູ້ສຶກຢູ່ບໍລິເວນແຜໜັງດ່າງ, ບໍ່ເຈັບ, ບໍ່ຄັນ, ບໍ່ມີນໍ້າເຫື່ອ, ບາງຄັ້ງບໍລິເວນດັ່ງກ່າວມີຂົນຫລົ່ນນຳ

    ເຊິ່ງໃນວັນທີ 27 ມັງກອນ 2023 ນີ້, ສູນຜິວໜັງແຫ່ງຊາດ ຂໍເຊີນຊວນບັນດາທ່ານເຂົ້າຮ່ວມກິດຈະກຳການກວດພະຍາດຜິວໜັງໂດຍບໍ່ໄດ້ເສຍຄ່າ ເນື່ອງໃນໂອກາດ “ວັນພະຍາດຫລວງ (ຂີ້ທູດ) ສາກົນ”

    ສຳລັບຜູ້ທີ່ກວດພົບວ່າເປັນພະຍາດຫລວງ (ຂີ້ທູດ) ແມ່ນຈະໄດ້ຮັບການປິ່ນປົວໃຫ້ຫາຍຂາດໂດຍບໍ່ໄດ້ເສຍຄ່າ. ສະນັ້ນ, ຈຶ່ງຖືໂອກາດນີ້ເຊີນຊວນພໍ່ແມ່ພີ່ນ້ອງປະຊາຊາຊົນຈົ່ງຊ່ວຍກັນໂຄສະນາເຜີຍແຜ່ສ້າງຄວາມຮັບຮູ້ນໍາກັນວ່າ “ພະຍາດຫລວງ (ຂີ້ທູດ) ສາມາດປີ່ນປົວດີແທ້ແນ່ນອນ”.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.