ເມົາແຫກໂຄ້ງ ຕຳລົດຈັກແລ້ວເສຍຫລັກຂ້າມຟາກທາງມາຕຳເອົາລົດຈັກອີກ 2 ຄັນ ເສຍຊີວິດຄາທີ່ 1 ຄົນ

    0
    1161

    ເວລາປະມານ 00:30 ນາທີຂອງວັນທີ 16 ມັງກອນ 2023 ທີ່ຜ່ານມາ ເກີດເຫດ ລົດໃຫຍ່ ຕຳລົດຈັກ ແລ້ວເສຍຫລັກ ຂ້າມຟາກທາງມາຕຳລົດຈັກ ອີກ 2 ຄັນ ແລະ ລົດໃຫຍ່ອີກ 1 ຄັນ ຈອດຢູ່ແຄມທາງ ທີ່ຖະໜົນກຳແພງເມືອງ ເຂດບ້ານດອນກອຍ ເມືອງສີສັດຕະນາກ ນະຄອນຫລວງວຽງຈັນ

    ຫລ້າສຸດ ໃນວັນທີ 17 ມັງກອນ 2023  ທ່ານ ພັທ ເດດລືຊາ ໄຊຍະສານ ຮອງພະແນກຈະລາຈອນນະຄອນຫລວງວຽງຈັນ ໃຫ້ສຳພາດຜ່ານທາງລາຍການຂັບຂີ່ປອດໄພ ວິທະຍຸກະຈາຍສຽງແຫ່ງຊາດ ວ່າ: ຕໍ່ກັບກໍລະນີ ລົດໃຫຍ່ເສຍຫລັກ ຂ້າມຟາກທາງມາຕຳລົດຈັກ ອີກ 2 ຄັນ ແລະ ລົດໃຫຍ່ ອີກ 1 ຄັນ ທີ່ຈອດຢູ່ແຄມທາງ ເຮັດໃຫ້ຜູ້ຂັບຂີ່ລົດຈັກ ເສຍຊີວິດຄາທີ່ 1 ຄົນ ບາດເຈັບ ສາຫັດ 1 ຄົນ ບາດເຈັບເລັກໜ້ອຍ 1 ຄົນ, ຜ່ານການສືບສວນສອບສວນເບື້ອງຕົ້ນ ພົບວ່າ ການເກີດອຸບັດເຫດຄັ້ງນີິ້ມາຈາກຜູ້ຂັບຂີ່ລົດດື່ມສິ່ງມຶນເມົາທັງຂີ່ໄວ ເຮັດໃຫ້ຄວບຄຸມລົດບໍ່ໄດ້ ຈຶ່ງຕຳທ້າຍລົດຈັກທີ່ຈອດຢູ່ທາງໜ້າເຮັດໃຫ້ກົງລົດແຕກ ແລ້ວເສຍຫລັກຂ້າມທາງໄປຕຳລົດຈັກອີກ 2 ຄັນ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.