ຂ່າວເສົ້າ ພົບປາຂ່າ ເສຍຊີວິດ 3 ໂຕ ພາຍໃນໄລຍະເວລາ 10 ວັນ ຢູ່ປະເທດກໍາປູເຈຍ

    0
    58

    ຂ່າວເສົ້າ !!! ອົງການ The World Wildlife Fund (WWF) ແລະ ນັກອະນຸລັກ ປາຂ່າ (ປາໂລມາ ນໍ້າຈືດ) ລາຍງານ ພົບເຫັນ ປາຂ່າ ເສຍຊີວິດ 3 ໂຕ ພາຍໃນໄລຍະເວລາ 10 ວັນ ຂອງເດືອນທັນວາ 2022 ຢູ່ນໍ້າຂອງ ທາງພາກ ຕາເວັນອອກ ຂອງແຂວງ Kratie ປະເທດກໍາປູເຈຍ.

    ສໍຳນັກຂ່າວ CBSNews ລາຍງານ ອ້ທງອິງຈາກ WWF ວ່າ ການຕາຍຂອງປາຄ່າ ໂຕທີ່ 3 ໃນໄລຍະເວລາ 10 ວັນ ເຕືອນໃຫ້ຮູ້ເຖິງ ຄວາມຈໍາເປັນ ໃນການບັງຄັບໃຊ້ກົດໝາຍ ຢ່າງເຄັ່ງຄັດ ແລະ ຮີບດ່ວນ ໃນເຂດອະນຸລັກ ປາຂ່າ.

    ຄາດວ່າ ປາຂ່າ ທີ່ຕາຍຫຼ້າສຸດ ແມ່ນເປັນໂຕແມ່ ອາຍຸລະຫວ່າງ 7-10 ປີ, ຕາຍເນື່ອງຈາກຕິດເກາະໃສ່ ເຊືອກ ມອງ ທີ່ເປັນອຸປະກອນຫາປາ ຂອງປະຊາຊົນ.

    ປະຈຸບັນ ເຈົ້າໜ້າທີ່ ທີ່ກ່ຽວຂ້ອງ ແມ່ນໄດ້ເຮັດການລາດຕະເວນ ທັງເວັນ ແລະ ຄືນ ກວດກາເວນຍາມ ເພື່ອປ້ອງກັນ ຝູງປາຂ່າ ໃນເຂດສະຫງວນ ປາຂ່າ ບໍ່ໃຫ້ມີການລັກລອບຫາປາ.

    ໃນປີ 1997 ປະຊາກອນປາຂ່າ ຢູ່ກໍາປູເຈຍ ແມ່ນມີປະມານ 200 ໂຕ, ຕົກມາຮອດປີ 2020 ຍັງເຫຼືອປະມານ 89 ໂຕ. ອົງການ WEF ລາຍງານ ພົບປາຂ່າ ຕາຍແລ້ວ 29 ໂຕ ໃນໄລຍະ 3 ປີ ຜ່ານມາ.

    ທີ່ມາ: CBSNews

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.