ທ່ານ ພັນຄຳ ວິພາວັນ ນາຍົກລັດຖະມົນຕີ ສະເໜີຂໍພັກການຮັບອຸດໜູນບຳນານ

    0
    86

    ໃນວັນທີ 30 ທັນວາ 2022 ເຊິ່ງເປັນມື້ສຸດທ້າຍຂອງກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ IX, ໃນວາລະພິເສດທີ່ປະຊຸມແມ່ນໄດ້ພິຈາລະນາຮັບຮອງ ການສະເໜີຂໍພັກການຮັບອຸດໜູນບຳນານ ຂອງທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປ ລາວ.

    ທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ໄດ້ໃຫ້ກຽດຂຶ້ນອ່ານການປະກາດຂໍພັກການຮັບອຸດໜູນບຳນານຂອງນາຍົກລັດຖະມົນຕີ ພັນຄຳ ວິພາວັນ ຕາມໜັງສືສະເໜີຂອງປະ ທານປະເທດ ເລກທີ 211/ປທທ, ລົງວັນທີ 28​ ທັນວາ​ 2022​ ໃນວາລະກອງປະຊຸມສະໄໝສາມັນ​ ເທື່ອທີ​ 4​ ຂອງ​ສະພາແຫ່ງຊາດ​ ຊຸດທີ​ IX​ ຕອນແລງ​ວັນທີ​ 30​ ທັນວາ​ 2022.

    ໃນໂອກາດດັ່ງກ່າວທ່ານນາຍົກລັດຖະມົນຕີແມ່ນໄດ້ກ່າວວ່າ ອີງຕາມອາຍຸຂອງຕົນ ແມ່ນໃກ້ເຂົ້າອາຍຸ 72 ປີແລ້ວ ການເປັນພະນັກງານລັດຖະກອນກໍໄດ້ເຂົ້າສູ່ການປະຕິວັດດົນນານສົມຄວນ ທີ່ສຳຄັນສຸຂະພາບຂອງຕົນກໍ່ບໍແຂງແຮງ ແລະອີງໃສ່ສະພາບຄວາມຫຍຸ້ງຍາກທາງດ້ານເສດຖະກິດໃນປະຈຸບັນແມ່ນບໍສາມາດແບກຫາບພາລະອັນໜັກໜ່ວງດັ່ງກ່າວໄດ້ອີກຈິ່ງສະເໜີຂໍລາອອກ ແລະໃຫ້ແຕ່ງຕັ້ງນາຍົກລັດຖະມົນຕີຄົນໃໝ່ມານຳພາຄະນະລັດຖະບານຕໍ່ໄປ.

    ທ່ານນາຍົກພັນຄຳ ວິພາວັນຍັງກ່າວອີກວ່າ ຕະຫຼອດໄລຍະທີ່ຕົນໄດ້ເຂົ້າເຮັດວຽກໃນວົງການພັກ-ລັດ ແມ່ນໄດ້ເຄື່ອນໄຫວວຽກດ້ວຍຄວາມຮັບຜິດຊອບສູງ ບໍ່ວ່າຈະຢູ່ໃນຕຳແໜ່ງໃດໆ, ບໍ່ເຄີຍແລ່ນນຳຊື່ສຽງອື່ນໆ.

    ເຖິງແນວໃດກໍ່ຕາມອີງໃສ່ສະພາບການຕົວຈິງຂອງສຸຂະພາບ ແລະຄວາມຫຍຸ້ງຍາກທາງດ້ານເສດຖະກິດໃນປະຈຸບັນ ຕົນບໍ່ອາດແບກຫາບໜ້າທີ່ອັນໜັກໜ່ວງນີ້ອີກຈິ່ງຂໍລາອອກເພື່ອຮັບອຸດໜູນບຳນານ.

    ສຳລັບທ່ານ ພັນຄຳ ວິພາວັນ ແມ່ນເກີດເມື່ອວັນທີ 14 ເມສາ ປີ 1951 ມາຮອດປະຈຸບັນອາຍຸໄດ້ 71 ປີບໍລິບູນ ແລະທ່ານໄດ້​ ຮັບການແຕ່ງຕັ້ງເປັນນາຍົກລັດຖະມົນຕີແຫ່ງ ສປປ​ ລາວ​ ໃນວັນທີ​ 22​ ມີນາ​ 2021.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.