ເຊກອງແຈ້ງການຫ້າມເດັດຂາດບໍ່ໃຫ້ມີການອວຍພອນກັນດ້ວຍຮູບແບບກະຕ່າຂອງຂວັນ ວັດຖຸມີຄ່າ ຫູຫຼາ

    0
    444

    ວັນທີ 28 ທັນວາ 2022 ນີ້ ເຈົ້າແຂວງເຊເຊກອງອອກແຈ້ງການ ກ່ຽວກັບ ການຈັດຕັ້ງສະເຫຼີມສະຫຼອງປີໃໝ່ສາກົນ 2023 ໂດຍມີເນື້ອໃນລະອຽດດັ່ງນີ້:

    ການສະເຫຼີມສະຫຼອງປີໃໝ່ສາກົນ ປີ 2023 ທີ່ມີຄວາມໝາຍສໍາຄັນ ຊຶ່ງເປັນປີທີ່ທົ່ວພັກ, ທົ່ວປວງຊົນລາວທັງຊາດ ເວົ້າລວມ, ເວົ້າສະເພາະ ແຂວງເຊກອງ ພວມສືບຕໍ່ຈັດຕັ້ງຜັນຂະຫຍາຍ ແລະ ປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ X ອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ 5 ປີ

    ຄັ້ງທີ IX ແລະ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໃຫ້ປາກົດຜົນເປັນຈິງ

    ໃຫ້ຖືເອົາການສະເຫຼີມສະຫຼອງປີໃໝ່ສາກົນປີ 2023 ທີ່ຈະໝູນວຽນມາເຖິງນີ້ ເປັນໂອກາດໜຶ່ງສໍາຄັນ ໃນການສະ ຫຼຸບຕີລາຄາການຈັດຕັ້ງປະຕິບັດຫນ້າທີ່ວຽກງານຂອງບັນດາຂະແຫນງການ, ອົງການ ແລະ ທ້ອງຖິ່ນ ໃນທົ່ວແຂວງ ແລະ ຖືໂອກາດນີ້ ເປັນການອວຍໄຊໃຫ້ພອນເຊິ່ງກັນ ແລະ ກັນ ຕິດພັນກັບການສົ່ງເສີມການທ່ອງທ່ຽວ.

    ຫ້າມເດັດຂາດບໍ່ໃຫ້ມີການຈັດຕັ້ງພິທີການອວຍພອນເຊິ່ງກັນ ແລະ ກັນ ດ້ວຍຮູບແບບກະຕ່າຂອງຂວັນ, ວັດຖຸມີ ຄ່າ, ຫູຫຼາ ເພື່ອເປັນການປະຢັດມັດທະຍັດງົບປະມານຂອງລັດ ກໍຄືຂອງບຸກຄົນ, ນິຕິບຸກຄົນ; ໂດຍອະນຸຍາດໃຫ້ມີ ການອວຍພອນກັນ ແລະ ກັນດ້ວຍສານອວຍພອນ ຫຼື ອວຍພອນໄຊກັນຜ່ານສື່ເອເລັກໂຕຼນິກ (ດ້ວຍລະບົບຂໍ້ ຄວາມຕ່າງໆ).

    ເນື່ອງຈາກວ່າປີໃໝ່ສາກົນ ວັນທີ 1 ມັງກອນ ປີ 2023 ແມ່ນກົງກັບວັນອາທິດ ຊຶ່ງເປັນວັນພັກລັດຖະການ, ສະ ນັ້ນ ຈິ່ງກໍານົດເອົາວັນຈັນ ວັນທີ 02 ມັງກອນ ປີ 2023 ເປັນວັນພັກຊົດເຊີຍປີໃໝ່ສາກົນ ປີ 2023.

    ມອບໃຫ້ຄະນະພັກ-ຄະນະນໍາພະແນກການ, ອົງການທຽບເທົ່າ, ແນວລາວສ້າງຊາດ, ອົງການຈັດຕັ້ງມະຫາຊົນ ແລະ ຄະນະພັກ-ອົງການປົກຄອງເມືອງ ແລະ ຮາກຖານບ້ານຕ່າງໆ ໃນທົ່ວແຂວງເຊກອງ ເປັນເຈົ້າການປະສານສົມທົບກັບກໍາລັງປະກອບອາວຸດຂັ້ນຂອງຕົນ ເພີ່ມທະວີການປ້ອງກັນ-ການລາດຕະເວນ ຢູ່ຕາມຂອບເຂດບໍລິເວນຊາຍ

    ແດນ, ເຄື່ອນໄຫວເວນຍາມສໍານັກງານ-ອົງການ, ບ້ານຊ່ອງ ແລະ ສະຖານທີ່ສໍາຄັນຕ່າງໆ, ຕິດຕາມຄົນເຂົ້າອອກ ຕາມດ່ານຊາຍແດນຕ່າງໆ ຢ່າງເຄັ່ງຄັດ ເພື່ອຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ໃຫ້ໄດ້ເປັນປົກກະຕິດີ.

    ມອບໃຫ້ກອງບັນຊາການ ປກສ ແຂວງ ສົມທົບກັບກອງບັນຊາການ ປກສ ເມືອງ, ປກສ ບ້ານ ແລະ ພາກສ່ວນ ທີ່ກ່ຽວຂ້ອງຂັ້ນຕ່າງໆ ເອົາໃຈໃສ່ເຝົ້າລະວັງ, ຮັກສາຄວາມສະຫງົບ, ຄວາມເປັນລະບຽບຮຽບຮ້ອຍໃນສັງຄົມ, ຕ້ານ ແລະ ແກ້ໄຂທຸກປະກົດການຫຍໍ້ທໍ້ໃນສັງຄົມໃຫ້ທັນການ.

    ໃຫ້ພະແນກອຸດສາຫະກໍາ ແລະ ການຄ້າແຂວງ ເປັນເຈົ້າແຕ່ຫົວທີ ສົມທົບກັບພາກສ່ວນກ່ຽວຂ້ອງຂັ້ນແຂວງ, ເມືອງ ແລະ ບ້ານ ເອົາໃຈໃສ່ຕິດຕາມ, ກວດກາ ແລະ ຄຸ້ມຄອງລາຄາສິນຄ້າໃຫ້ມີຄວາມຫມັ້ນທ່ຽງ, ປົກກະຕິ, ເດັດ ຂາດບໍ່ໃຫ້ຜູ້ປະກອບການ-ຜູ້ຂາຍຍົກ-ຂາຍຍ່ອຍຕ່າງໆ ສວຍໃຊ້ຊ່ອງວ່າງ ເພື່ອຂຶ້ນລາຄາສິນຄ້າທຸກປະເພດ.

    ໃຫ້ເຈົ້າຫນ້າທີ່ປ້ອງກັນຄວາມສະຫງົບ ແລະ ອົງການປົກຄອງທຸກຂັ້ນ ເປັນເຈົ້າການຈັດຕັ້ງຜັນຂະຫຍາຍແຈ້ງການ ສະບັບນີ້ ໃຫ້ສອດຄ່ອງກັບສະພາບຈຸດພິເສດຂອງແຕ່ລະບ່ອນ ທັງຕິດຕາມ, ກວດກາ ແລະ ຊຸກຍູ້ ການຈັດຕັ້ງປະຕິ ບັດໃຫ້ເປັນຈິງ ແລະ ລາຍງານສະພາບການຕ່າງໆ ໃຫ້ຂັ້ນເທິງຖັດຕົນຢ່າງເປັນປົກກະຕິ ແລະ ທັນການ.

    ມອບໃຫ້ພະແນກຖະແຫຼ່ງຂ່າວ, ວັດທະນາທໍາ ແລະ ທ່ອງທ່ຽວແຂວງ, ຫ້ອງການຖະແຫຼງຂ່າວ, ວັດທະນາທໍາ ແລະ ທ່ອງທ່ຽວເມືອງ 4 ເມືອງ ແລະ ວິທະຍຸຊຸມຊົນຂັ້ນບ້ານ ສົມທົບກັບພາກສ່ວນກ່ຽວຂ້ອງ ເພີ່ມທະວີການໂຄສະນາ ແລະ ເຜີຍແຜ່ເນື້ອໃນແຈ້ງການສະບັບນີ້ ໂດຍຕິດພັນກັບລະບຽບການສະເພາະຂອງຕົນຜ່ານສື່ຕ່າງໆ ໃຫ້ພະນັກ

    ງານ-ລັດຖະກອນ, ທະຫານ, ຕໍາຫຼວດ, ຜູ້ປະກອບການ ແລະ ປະຊາຊົນບັນດາເຜົ່າຊາວແຂວງເຊກອງ ໄດ້ຮັບຮູ້ ແລະ ເຂົ້າໃຈແຈ້ງ, ທົ່ວເຖິງ ແລະ ສາມາດຈັດຕັ້ງປະຕິບັດໃຫ້ຖືກຕ້ອງ ແລະ ເປັນຈິງ.

    ດັ່ງນັ້ນ, ຈຶ່ງຂໍຖືເປັນກຽດແຈ້ງການມາຍັງທຸກພາກສ່ວນ, ທຸກຂັ້ນ ໃນຂອບເຂດທົ່ວແຂວງ ເພື່ອຮັບຊາບ ແລະ ຈັດ ຕັ້ງປະຕິບັດເນື້ອໃນແຈ້ງການສະບັບນີ້ໃຫ້ປາກົດຜົນເປັນຈິງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.