ນິແລະ ເພິ່ນວ່າ ຢາກກິນຫຼາຍໄດ້ກິນທໍ່ກ້ອຍ ຢາກກິນໜ້ອຍໄດ້ກິນທໍ່ໂປ້ມື ລ່າສຸດແມ່ຄ້າອອກມາຂໍໂທດແລ້ວ

    0
    117

    ຂໍໃຫ້ເປັນບົດຮຽນ! ຈາກກໍລະນີທີ່ກໍາລັງເປັນຂ່າວໂດງດັ່ງໃນສືສັງຄົມອອນລາຍ ຫຼືທາງເຟດບຸກ ໃນເທດສະການບຸນກິນຈຽງ ຫຼື ນໍເປເຈົ່າ ຂອງຊົນເຜົ່າມົ້ງ ທີ່ເດີນບ້ານຍວນເມືອງແປກແຂວງຊຽງຂວາງ ທີ່ມີການລົງບິນຄ່າອາຫານສູງເກີນລາຕົວຈິງ ອາຫານ 8ລາຍການລວມເປັນເງິນສູງເຖິງ 7.345.000ກີບ ໃນນັ້ນລາຄາ

    ໄກ່ 5 ໂຕ 2.500.000 ສະເລ່ຍຖືກໂຕລະ 500.000ກີບ, ປາ 6 ໂຕ 1.200.000ກີບ ຖືກໂຕລະ 200.000ກີບ ເຂົ້າສຸກ 4 ຈານ 280.000ກີບ ຖືກຈານລະ 70.000ກີບ

    ປີ້ງ 2 ຊຸດ 600.000ກີບ ຖືກ ຊຸດລະ 300.000ກີບ ເຂົ້າລາດໜ້າ 7 ຈານ 420.000 ຖືກຈານລະ 60,000ກີບ ເບຍ ຈໍານວນ 50 ປ໋ອງ 2.000.000 ຖືກປ໋ອງລະ 40.000ກີບ ນໍ້າດື່ມ ຈໍານວນ15 ຕຸກ 225.000ກີບ ຖືກຕຸກ 15.000ກີບ.

    ເຫັນວ່າລາຄາສູງເກີນລາຄາທ້ອງຕະຫຼາດຫຼາຍ, ດັ່ງນັ້ນທາງສະມາຄົມ ກິລາວັນນະຄະດີຮ່ວມກັບພາກສ່ວນທີ່ກ່ຽວຂ້ອງໄດ້ປຶກສາຫາລື ແລະ ລົງເກັບກໍາຂໍ້ມູນຕົວຈິງເຫັນວ່າມີມູນຄວາມຈິງແທ້, ຈຶ່ງໄດ້ເອີ້ນຜູ້ກ່ຽວຫຼືເຈົ້າຮ້ານມາສຶກສາອົບຮົມ ແລະ ປັບໄໝຕາມລະບຽບຂອງສະມາຄົມ.

    ຈາກກໍລະນີດັ່ງກ່າວ ນາງກົງເຢຍ ວ່າງ ເຈົ້າຂອງຮ້ານຂາຍເຄື່ອງຢູ່ສະຖານທີ່ບຸນກິນຈຽງ ໄດ້ສະແດງຄວາມເສຍໃຈຕໍ່ເຫດການທີ່ເກີດຂຶ້ນ ໃນຄັ້ງວັນທີ 25 ທັນວາ 2022 ທີ່ເກັບເງິນນໍາລູກຄ້າທີ່ມາກິນ-ດື່ມ ຢູ່ໃນຮ້ານຂອງຕົນເອງ ເກີນລາຄາໃນທ້ອງຕະຫຼາດທົ່ວໄປ ໂດຍຜູ້ກ່ຽວໄດ້ຍອມຕໍ່ການກະທໍາຕໍ່ລູກຄ້າເຮັດໃຫ້ເກີດຫາງສຽງຢູ່ໃນສັງຄົມ ແລະ ຂໍອະໄພຕໍ່ສັງຄົມ ແລະ ບັນດາແຂກທີ່ມາອຸດໜູນຮ້ານ.

    ຈາກນັ້ນທ່ານ ຈົງວ່າງ ຮອງປະທານ ສະມາຄົມ ກິລາວັນນະຄະດີພື້ນເມືອງ ໄດ້ມີຄໍາເຫັນຕໍ່ເຫດການທີ່ຂຶ້ນເຊິ່ງທ່ານກ່າວວ່າ ເຫດການນີ້ໄດ້ສ້າງຄວາມເສື່ອມເສຍໃຫ້ແກ່ເທດສະການບຸນກິນຈຽງເຜົ່າມົ້ງ ໂດຍສະເພາະແຂວງຊຽງຂວາງ ຕໍ່ກັບເຫດການດັ່ງກ່າວທາງຄະນະຮັບຜິດຊອບໄດ້ຮຽກຮ້ອງໃຫ້ຜູ້ປະກອບການດ້ານການບໍລິການເອົາໃຈໃສ່

    ປະຕິບັດກົດລະບຽບ ແລະ ມາດຕະການທີ່ທາງຄະນະຮັບຜິດຊອບວາງອອກຢ່າງເຂັ້ມງວດ ເພື່ອໃຫ້ນັກທ່ອງທ່ຽວແຂກຕ່າງດ້າວທ້າວຕ່າງເມືອງຢາກມາທ່ຽວຊົມແຂວງຊຽງຂວາງກໍຄື ເທດສະການບຸນກິນຈຽງຂອງຊົນເຜົ້າມົ້ງ ໃຫ້ມີຄວາມຝົດຝື້ນມ່ວນຊື່ນ.

    Cr. ໜັງສືພິມຊຽງຂວາງມີໄຊ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.