10 ຂໍ້ຫ້າມສຳລັບຜູ້ຂັບຂີ່ ໃນຊ້ວງສະເຫຼີມສະຫຼອງສົ່ງທ້າຍປີເກົ່າຕ້ອນຮັບປີໃໝ່ 2023

    0
    82

    ອີງຕາມການແຈ້ງການ ຂອງ ກະຊວງປ້ອງກັນຄວາມສະຫງົບ ກົມໃຫຍ່ຕຳຫຼວດ ເພື່ອເປັນການປ້ອງກັນ, ສະກັດກັ້ນອຸບປະຕິເຫດຈະລາຈອນທາງບົກ ໃນຊ່ວງໄລຍະສະເຫຼີມສະຫຼອງສົ່ງທ້າຍປີເກົ່າ – ຕ້ອນຮັບປີໃໝ່ສາກົນ ຄສ 2023 ໃຫ້ມີຄວາມປອດໄພ ກົມຕຳຫຼວດຈະລາຈອນ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ຈຶ່ງອອກແຈ້ງການ ດັ່ງນີ້:

    1. ຜູ້ຂັບຂີ່ລົດຕ້ອງກຽມຄວາມພ້ອມ ດ້ານສຸຂະພາບຮ່າງກາຍ, ເອກະສານຂອງຜູ້ຂັບຂີ່ ແລະ ພາຫະນະ ໃຫ້ຄົບຊຸດຕາມລະບຽບການ ເຊັ່ນ: ໃບຂັບຂີ່, ໃບທະບຽນ, ໃບກວດກາເຕັກນິກ, ຄ່າທາງ, ປະກັນໄພ, ແລະ ໃບອະນຸຍາດດໍາເນີນທຸລະກິດ ສໍາລັບລົດຂົນສົ່ງສີນຄ້າ ແລະ ລົດໂດຍສານ.

    2. ຜູ້ຂັບຂີ່ລົດຈັກ ຕ້ອງໃສ່ໝວກກັນກະທົບ ທັງຜູ້ຂັບ ແລະ ຜູ້ຊ້ອນທ້າຍ ( ຖ້າຫາກລະເມີດທີ່ມີຄວາມສ່ຽງຈະພາໃຫ້ເກີດອຸບປະຕິເຫດ ເຈົ້າໜ້າທີ່ຈະໄດ້ກັກພາຫະນະໄວ້ ) ເພື່ອຄວາມປອດໄພຂອງທ່ານ.

    3. ຜູ້ຂັບຂີ່ລົດໃຫຍ່ ຕ້ອງຮັດສາຍແອວນິລະໄພ ເພື່ອຮັບປະກັນຄວາມປອດໄພໃຫ້ແກ່ຜູ້ຂັບຂີ່ ແລະ ຜູ້ໂດຍສານ.4. ກ່ອນຈະນຳໃຊ້ພາຫະນະຕ້ອງກວດສະພາບເຕັກນິກ ແລະ ຄວາມພ້ອມຂອງພາຫະນະໃຫ້ມີຄວາມຮັບປະກັນເປັນຢ່າງດີ.5. ລົດຂົນສົ່ງໂດຍສານທາງໄກ ຕ້ອງມີໂຊເຟີສຳຮອງ ທຸກຄັ້ງໃນເວລເດີນທາງ.

    6. ສະເພາະເສັ້ນທາງດ່ວນ , ການໃຊ້ຄວາມໄວສູງສຸດບໍ່ໃຫ້ເກີນ 120 km/ ຊົ່ວໂມງ ແລະ ຄວາມໄວຕໍ່າສຸດບໍ່ໃຫ້ຫຼຸດ 80 km/ຊົ່ວໂມງ ( ເຈົ້າໜ້າທີ່ຕໍາຫຼວດຈະໄດ້ຈັບຄວາມໄວຜ່ານກ້ອງວົງຈອນປິດ ).

    7. ຜູ້ຂັບຂີ່ພາຫະນະຕ້ອງເຄົາລົບ ແລະ ປະຕິບັດຕາມກົດລະບຽບຈະລາຈອນ ຢ່າງເຂັ້ມງວດ.ຂໍ້ຫ້າມສໍາລັບຜູ້ຂັບຂີ່ພາຫະນະ.1. ຫ້າມຜູ້ຂັບຂີ່ພາຫະນະ ນໍາໃຊ້ໂທລະສັບ ໃນເວລາຂັບຂີ່ ຢ່າງເດັດຂາດ.

    2. ຫ້າມຜູ້ຂັບຂີ່ດື່ມສີ່ງມືນເມົາ ( ເມົາຫ້າມຂັບຂີ່ລົດ ) ຢ່າງເດັດຂາດ ຖ້າຫາກກວດກາພົບເຫັນ ເຈົ້າໜ້າທີ່ຕຳຫຼວດຈະລາຈອນຈະໄດ້ກັກໄວ້, ຊ່ວງເມົາແລ້ວຈື່ງອະນຸຍາດໃຫ້ໄປ ຫຼື ໃຫ້ຍາດພີ່ນ້ອງໝູ່ຄູ່ມາຮັບເອົາ ເພື່ອຮັບປະກັນຄວາມປອດໄພ.

    3. ຫ້າມຂັບຂີ່ລົດໄວເກີນກົດໝາຍກຳນົດ ( ສຳລັບລົດຂົນສົ່ງໂດຍສານ ຫ້າມແລ່ນໄວເກີນ 80 Km/h ຕາມເສັ້ນທາງຫຼວງ ສະເພາະຢູ່ເຂດນອກເມືອງ )4. ຫ້າມຂັບຂີ່ພາຫະນະ ເປັນພືງເປັນແພ, ຊ່ວງຊີງກັນຕາມເສັ້ນທາງ ຢ່າງເດັດຂາດ.

    5. ຫ້າມນຳໃຊ້ລົດກະບະ ບັນທຸກຄົນໂດຍສານໃສ່ກະບະ ຢ່າງເດັດຂາດ.6. ຫ້າມນຳໃຊ້ລົດຂົນສົ່ງໂດຍສານ ບັນທຸກສີນຄ້າ ແລະ ບັນທຸກຜູ້ໂດຍສານເກີນກຳນົດ ແລະ ຊ່ວງຊີງເອົາຜູ້ໂດຍສານຢ່າງເດັດຂາດ.

    7. ຫ້າມຜູ້ປົກຄອງປະປ່ອຍໃຫ້ເດັກນ້ອຍ ທີ່ອາຍຸບໍ່ເຖິງກະສຽນ ຂັບຂີ່ພາຫະນະຢ່າງເດັດຂາດ.8. ຫ້າມຈອດລົດຕາມເສັ້ນທາງດ່ວນຢ່າງເດັດຂາດ ( ຍົກເວັ້ນກໍລະນີພາຫະນະເປ່ເພ ).

    9. ຖ້າບຸກຄົນໃດລະເມີດ ຈະຖືກສຶກສາອົບຮົມ ແລະ ປັບໃໝຕາມລະບຽບກົດໝາຍ ຢ່າງເຂັ້ມງວດ.10. ສ່ວນການສະເຫຼີມສະຫຼອງປີໃໝ່ ແມ່ນໃຫ້ຈັດຕັ້ງປະຕິບັດຕາມແຈ້ງການ ຂອງອໍານາດການປົກຄອງທ້ອງຖີ່ນ ຂອງຕົນໄດ້ກໍານົດໄວ້.

    ຜູ່ຂັບຂີ່ລົດຕ້ອງປະຕິບັດຕາມກົດ, ປ້າຍສັນຍານ ແລະ ເຄື່ອງໝາຍຈະລາຈອນ ຢ່າງເຂັ້ມງວດ.ຜູ່ຂັບຂີ່ລົດຫ້າມດື່ມສິ່ງມືນເມົາ, ດື່ມສິ່ງມືນເມົາແລ້ວຫ້າມຂັບລົດຢ່າງເດັດຂາດ.ຜູ່ຂັບຂີ່ລົດຫ້າມແລ່ນລົດໄວເກີນກົດໝາຍກໍານົດ.

    ຜູ່ຂັບຂີ່ລົດໃຫຍ່ຕ້ອງຮັດສາຍແອວນີລະໄພທຸກຄັ້ງ.ຫ້າມນໍາໃຊ້ລົດກະບະບັນທຸກຄົນໂດຍສານ.ຫ້າມຂັບຂີ່ລົດເປັນພືງເປັນແພ ກີດຂວາງການສັນຈອນ ຫຼື ສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍ ໃນສັງຄົມຢ່າງເດັດຂາດ.

    ສໍາລັບລົດຂົນສົ່ງໂດຍສານ.ລົດໂດຍສານແລ່ນທາງໄກ ຕ້ອງມີໂຊເຟີສໍາຮອງ 01 – 02 ຄົນ.ຫ້າມລົດໂດຍສານແລ່ນໄວເກີນກົດໝາຍກໍານົດ.ຫ້າມລົດໂດຍສານທຸກຄັນນໍາໃຊ້ໄຟຕາສະປອດໄລ້ ໃນເວລາກາງຄືນຢ່າງເດັດຂາດ.

    ຫ້າມລົດໂດຍສານແລ່ນຊ່ວງຊີງກັນ ເພື່ອເອົາຄົນໂດຍສານ.ຫ້າມລົດໂດຍສານບັນທຸກຂົນສົ່ງຄົນເກີນກໍານົດ.ຫ້າມລົດໂດຍສານບັນທຸກຂົນສົ່ງສີນຄ້າຢ່າງເດັດຂາດ.ຫ້າມຜູ່ປົກຄອງ ປ່ອຍປະເດັກນ້ອຍ ທີ່ອາຍຸບໍ່ເຖີງກະສຽນ ຂັບຂີ່ລົດຈັກຢ່າງເດັດຂາດ.

    ຜູ່ຂັບຂີ່ ແລະ ຜູ່ຊ້ອນທ້າຍລົດຈັກ ຕ້ອງໃສ່ໝວກກັນກະທົບທຸກຄັ້ງ ເພື່ອຄວາມປອດໄພ.ຖ້າບຸກຄົນໃດລະເມີດຈະຖືກເຈົ້າໜ້າທີ່ສືກສາອົບຮົມ ແລະ ປັບໃໝຕາມລະບຽບກົດໝາຍຕາມສະຖານໜັກ ຫຼື ເບົາ.

    ຫວັງຢ່າງຍີ່ງວ່າບັນດາທ່ານທີ່ໃຊ້ລົດ – ໃຊ້ຖະໜົນ ເຄື່ອນໄຫວໄປ – ມາ ໃນໄລຍະສະເຫຼີມສະຫຼອງສົ່ງທ້າຍປີເກົ່າຕ້ອນຮັບປີໃໝ່ ຄສ 2023 ນີ້ ຈະໃຫ້ຄວາມຮ່ວມມື ແລະ ເປັນເຈົ້າການ ໃນການຍົກສູງສະຕິປະຕິບັດກົດຈະລາຈອນຢ່າງເຂັ້ມງວດ.

    ເນື່ອງໃນໂອກາດ ການສະເຫຼີມສະຫຼອງສົ່ງທ້າຍປີເກົ່າ – ຕ້ອນຮັບປີໃໝ່ ຄສ 2023 ນີ້ ກົມຕໍາຫຼວດຈະລາຈອນ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ຂໍຮຽກຮ້ອງມາຍັງບັນດາທ່ານຜູ້ທີ່ໃຊ້ລົດ – ໃຊ້ຖະໜົນ ຈົ່ງໃຫ້ຄວາມຮ່ວມມື ແລະ ເປັນເຈົ້າການປະຕິບັດກົດຈະລາຈອນຢ່າງເຂັ້ມງວດ ເພື່ອຫຼຸດຜ່ອນຄວາມຮຸນແຮງ ແລະ ຜົນເສຍຫາຍຈາກການເກີດອຸບປະຕິເຫດຈະລາຈອນທາງບົກ.

    ດັ່ງນັ້ນ ກົມຕໍາຫຼວດຈະລາຈອນ ຈື່ງແຈ້ງການມາຍັງບັນດາທ່ານ ຜູ້ໃຊ້ລົດ – ໃຊ້ຖະໜົນ ທີ່ຢູ່ໃນ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອຊາບ ແລະ ພ້ອມກັນຈັດຕັ້ງ ປະຕິບັດຕາມແຈ້ງການສະບັບນີ້ ໃຫ້ປະກົດຜົນເປັນຈີງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.