ຄົບຮອບ 2 ປີ ວັນທີ 20 ທັນວາ 2020-20 ທັນວາ 2022 ເປີດນຳໃຊ້ເສັ້ນທາງດ່ວນນະຄອນຫລວງວຽງຈັນ-ວັງວຽງ

    0
    241

    ຄົບຮອບ 2 ປີ ວັນທີ 20 ທັນວາ 2020-20 ທັນວາ 2022 ເປີດນຳໃຊ້ເສັ້ນທາງດ່ວນນະຄອນຫລວງວຽງຈັນ-ວັງວຽງ ວັນທີ 20 ທັນວາ 2020 ແມ່ນວັນເປີດນຳໃຊ້ທາງດ່ວນນະຄອນຫຼວງວຽງຈັນ-ວັງວຽງ, ເຊິ່ງໂຄງການກໍ່ສ້າງທາງດ່ວນ ແຕ່ນະຄອນຫຼວງວຽງຈັນ ຫາ ວັງວຽງ ແມ່ນນອນຢູ່ໃນໂຄງການທາງດ່ວນ ລາວ-ຈີນ ທີ່ມີຈຸດເລີ່ມແຕ່

    ນະຄອນຫຼວງວຽງຈັນ ຫາ ບໍ່ເຕັນ ແຂວງຫຼວງນ້ຳທາ ຊາຍແດນ ສປ ຈີນ ໂດຍຜ່ານ 4 ແຂວງ ຄື: ນະຄອນຫຼວງວຽງຈັນ; ແຂວງວຽງຈັນ; ຫຼວງພະບາງ; ອຸດົມໄຊ ແລະ ຫຼວງນ້ຳທາ. ສະເພາະການກໍ່ສ້າງໄລຍະທຳອິດແມ່ນສ້າງແຕ່ ນະຄອນຫຼວງວຽງຈັນ ຫາ ວັງວຽງ ແຂວງວຽງຈັນ ທີ່ມີຄວາມຍາວທັງໝົດ 109,11 ກິໂລແມັດ, ກວ້າງ 23

    ແມັດ, ມີ 4 ຊ່ອງຈະລາຈອນ ແລະ ມີ 2 ແລວທາງ ໄປ-ກັບ ເຊິ່ງເປັນການລົງທຶນຂອງກຸ່ມບໍລິສັດ ກໍ່ສ້າງລົງທຶນແຂວງຢຸນນານ ໃນຮູບແບບ (BOT) ເລີ່ມກໍ່ສ້າງ ແຕ່ທ້າຍປີ 2018-2020 ໃນມູນຄ່າການກໍ່ສ້າງປະມານ 1.192 ລ້ານໂດລາ.

    ທາງດ່ວນເສັ້ນນີ້ຕັດຜ່ານ 4 ເມືອງ ຄື: ເມືອງນາຊາຍທອງ, ເມືອງໂພນໂຮງ, ເມືອງຫີນເຫີບ ແລະ ເມືອງວັງວຽງ. ສະເພາະແລວເສັ້ນທາງແຕ່ ນະຄອນຫຼວງວຽງຈັນ ຫາ ອຸມົງພູພະ ແມ່ນອອບແບບໃຫ້ລົດແລ່ນ 100 ກິໂລແມັດຕໍ່ຊົ່ວໂມງ ແລະ ແຕ່ອຸມົງ ຫາ ວັງວຽງ ແມ່ນ 80 ກິໂລແມັດຕໍ່ຊົ່ວໂມງ ຕະຫຼອດເສັ້ນທາງ ມີການກໍ່ສ້າງວົງວຽນ

    ເຊື່ອມຕໍ່ຂຶ້ນລົງ ທາງດ່ວນທັງໝົດ 7 ຈຸດຄື: 1: ຈຸດບ້ານນາຊອນ; 2: ບ້ານບົວ; 3: ບ້ານສະກ້າ; 4: ໂພນໂຮງ; 5: ຫີນເຫີບ; 6: ທ່າເຮືອ ອ່າງນໍ້າງື່ມ ແລະ ຈຸດທີ 7: ແມ່ນວັງວຽງ ວົງວຽນທັງໝົດແມ່ນອອກແບບເປັນຮູບລັກສະນະຄ້າຍຄືຮູບຊົງແກ ປະກອບໃຫ້ມີເສັ້ນທາງເພື່ອເຊື່ອມຕໍ່ກັບເສັ້ນທາງເລກທີ 13 ເໜືອ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.