ທີມແພດເວົ້າບໍ່ອອກ ຕົກໃຈ ເມື່ອຊ່ອງໄຟຟ້າພົບ ໃນທ້ອງຄົນເຈັບມີສາຍຊາກໂທລະສັບ ຢູ່ໃນລຳໄສ້

    0
    339

    ຄົນເຈັບຈາກຕວກກີ ເຮັດໃຫ້ທີມແພດເວົ້າບໍ່ອອກ ເມື່ອພົບສາເຫດຂອງອາການເຈັບທ້ອງ ແລະ ປຸ້ນທ້ອງປວດຮາກວ່າ: ເກີດຈາກສາຍຊາກແບັດເຕີລີໂທລະສັບມືຖືທີ່ຕົກຄ້າງຢູ່ໃນລຳໄສ້.

    ໃນວັນທີ 16 ທັນວາ 2022, ນັກຂ່າວລາຍງານກໍລະນີຄົນເຈັບຈາກຕວກກີ ເຊິ່ງເປັນໄວໜຸ່ມອາຍຸ 15 ປີ ເຂົ້າຮັບການປິ່ນປົວຢູ່ໂຮງໝໍດ້ວຍອາການເຈັບທ້ອງ ແລະ ປວດຮາກ, ແຕ່ເມື່ອກວດພົບສາເຫດ ທີມແພດທີ່ມີການປິ່ນປົວກໍຕ້ອງຕົກໃຈ.

    ຄົນເຈັບໜຸ່ມນ້ອຍມາຈາກເມືອງດິຢາບາກີ ຄອບຄົວຂອງລາວພາລາວນຳສົ່ງໂຮງໝໍທ້ອງຖິ່ນ ດ້ວຍອາການເຈັບທ້ອງ ແລະ ປວດຮາກ.ຫລັງຈາກສົ່ງຄົນເຈັບໄປຊ່ອງໄຟຟ້າ ຜົນທີ່ອອກມາເຜີຍໃຫ້ເຫັນຕົ້ນຕໍຂອງອາການເຈັບທ້ອງຢ່າງຊັດເຈນວ່າ: ຄືສາຍຊາກແບັດເຕີລີເສັ້ນໜຶ່ງທີ່ຕົກຄ້າງຢູ່ໃນລຳໄສ້ ທາງໂຮງໝໍຈຶ່ງຟ້າວສົ່ງຄົນເຈັບໄປໂຮງໝໍແຫ່ງ

    ມະຫາວິທະຍາໄລຟິຣັດໃນເມືອງເອລາຊິກ ເຊິ່ງມີແພດສະເພາະທາງປະຈຳຢູ່ ເພື່ອຜ່າຕັດເອົາສາຍສາກໂທລະສັບດັ່ງກ່າວອອກມາ.ທ່ານໝໍ ຢາຊາ ໂດການ ໝໍສະເພາະທາງດ້ານພະຍາດລະບົບທາງເດີນອາຫານ ແລະ ຕັບ ຄືຜູ້ທີ່ຮັບໜ້າທີ່ຜ່າຕັດດ້ວຍການສ່ອງກ້ອງໃນລຳໄສ້ ເພື່ອເອົາສິ່ງແປກປອມອອກມາ.

    ທ່ານໝໍ ໂດການ ໄດ້ກ່າວໃນພາຍຫລັງວ່າ: ການຜ່າຕັດດຳເນີນໄປຢ່າງຍາກລຳບາກ ເນື່ອງຈາກມີປາຍເບື້ອງໜຶ່ງຂອງສາຍຊາກ ເຂົ້າໄປຕິດຢູ່ໃນລຳໄສ້ນ້ອຍ ໃນທີ່ສຸດທີມແພດກໍນຳເອົາສາຍຊາກອອກມາໄດ້ສຳເລັດ ເຊິ່ງແທກຄວາມຍາວກຂອງສາຍຊາກໄດ້ປະມານ 3 ຟຸດ.

    ນອກຈາກສາຍແຊກແບັດເຕີລີແລ້ວ, ແພດຍັງພົບວ່າ: ມີຢາງມັດຜົມຢູ່ໃນລຳໄສ້ຂອງຄົນເຈັບຈຳອີກ.ປັດຈຸບັນຄົນເຈັບໄດ້ກັບເຮືອນແລ້ວ ດ້ວຍອາການປົກກະຕິດີ ໂດຍບໍ່ມີການໃຫ້ລາຍລະອຽດວ່າ: ສິ່ງຂອງເຫລົ່ານັ້ນເຂົ້າໄປຢູ່ໃນຕົວຂອງເດັກໜຸ່ມໄດ້ແນວໃດ.

    ເຖິງຢ່າງໃດກໍຕາມ, ໃນປີຜ່ານມາ ມີເດັກໜຸ່ມອາຍຸ 9 ປີ ຈາກເມືອງສະເຕີລິງ ສະກອດແລນ ເກືອບເສຍຊີວິດເພາະກິນແມ່ເຫລັກເຂົ້າໄປ 6 ອັນ ໂດຍເປັນການເຮັດຕາມພາລະກິດໃນກະແສນິຍົມຈາກແອັບຕິກຕັອກ. ນອກຈາກນີ້ ຍັງມີເດັກຊາຍອາຍຸ 14 ປີຈາກອິນເດຍ ທີ່ກິນແປງຖູແຂ້ວເຂົ້າໄປ 16 ອັນ ແລະ ຕະປູຂະໜາດສາມນິ້ວອີກ 1 ອັນ ເພາະເຊື່ອວ່າຈະຊ່ວຍປິ່ນປົວອາການເສບຕິດການກິນດິນຂອງລາວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.