ທາງການມຽນມາ ຢຶດຢ າ ເ ສ ບ ຕ ິ ດ ມີມູນຄ່າທັງໝົດ 509,49 ລ້ານໂດລາ ນັບແຕ່ຕົ້ນປີນີ້

    0
    89

    ທາງການມຽນມາຢຶດຢາເສບຕິດໄດ້ເປັນຈຳນວນຫລາຍນັບແຕ່ຕົ້ນປີນີ້ ມີມູນຄ່າທັງໝົດ 509,49 ລ້ານໂດລາສະຫະລັດ.ວັນທີ 16 ທັນວາ, ສຳນັກຂ່າວຊິນຮົວລາຍງານໂດຍອ້າງຂໍ້ມູນຈາກສື່ທ້ອງຖິ່ນໃນສັງກັດຂອງລັດຖະບານມຽນມາ ກ່ຽວກັບການຢຶດຢາເສບຕິດ ແລະ ສານເຄມີຕັ້ງຕົ້ນ ມູນຄ່າທັງໝົດ 509,49 ລ້ານໂດລາສະຫະລັດ ນັບແຕ່ຕົ້ນປີນີ້.

    ທັງນີ້, ຢາເສບຕິດທີ່ຢຶດໄດ້ທັງໝົດມາຈາກ 6.276 ຄະດີ ປະກອບມີຝິ່ນ 1,1 ກວ່າໂຕນ, ເຮໂຣອິນ 1,32 ໂຕນ, ຢາກະຕຸ້ນປະສາດ 164,87 ລ້ານເມັດ, ໄອສ ຫລື ເມດແອມເຟຕາມິນ 21,75 ໂຕນ ແລະ ເຄຕາມິນ 2,04 ໂຕນ.

    ທ່ານ ພົນໂທ ໂຊ ຕຸນ ປະທານຄະນະກຳມະການກາງເພື່ອການຄວບຄຸມຢາເສບຕິດຂອງມຽນມາ ແລະ ລັດຖະມົນຕີກິດຈະການພາຍໃນມຽນມາ ກ່າວວ່າ: ໄດ້ມີການດຳເນີນປະຕິບັດການພິເສດກ່ຽວກັບການຄວບຄຸມການໃຊ້ຢາເສບຕິດທີ່ຜິດກົດໝາຍ ແລະ ປະສົບຜົນສຳເລັດໃນການຮ່ວມມືກັບກອງທັບ, ກອງກຳລັງຕຳຫລວດ ແລະ ກົມພາສີອາກອນແຫ່ງຊາດ.

    ມຽນມາຈູດທຳລາຍຢາເສບຕິດມູນຄ່າ 642 ກວ່າລ້ານໂດລາສະຫະລັດ ໃນວັນທີ 26 ມິຖຸນາຜ່ານມາ ເຊິ່ງກົງກັບວັນຕໍ່ຕ້ານຢາເສບຕິດ ແລະ ການຄ້າມະນຸດທີ່ຜິດກົດໝາຍສາກົນ. ຂະນະທີ່ສະຖິຕິການຢຶດຢາເສບຕິດ ແລະ ວັດຖຸທີ່ກ່ຽວຂ້ອງໃນປີຜ່ານມາ ມີມູນຄ່າ 524,48 ລ້ານໂດລາສະຫະລັດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.