2022 ເຈົ້າໜ້າທີ່ຕຳຫຼວດມ້າງຄະດີຄ້າມະນຸດໄດ້ 17 ເລື່ອງ ໂດຍສະເພາະຢູ່ເຂດສາມຫລ່ຽມຄໍາ 12 ເລື່ອງ

    0
    62

    ວັນທີ 15 ທັນວາ 2022 ນີ້, ທ່ານພົຈວ ແກ່ນຈັນ ພົມມະຈັກ ຮອງຫົວໜ້າກົມໃຫຍ່ຕໍາຫລວດ ກະຊວງ ປກສ ໄດ້ຂຶ້ນລາຍງານການແກ້ໄຂບັນຫາຄ້າມະນຸດ ແລະ ທິດໃນການຊ່ວຍເຫລືອຜູ້ຖືກເຄາະຮ້າຍຈາກການຄ້າມະນຸດ ຕໍ່ກອງປະຊຸມ ສະຫລຸບວຽກງານປ້ອງກັນຄວາມສະຫງົບ ປະຈໍາປີ 2022 ແລະ ທິດທາງແຜນການວຽກງານຈຸດສຸມປີ

    2023 ວ່າ: ໃນໄລຍະຜ່ານມາຂອງປີ 2022 ເຈົ້າໜ້າທີ່ຕໍາຫລວດ ໄດ້ສຸມໃສ່ຈັດຕັ້ງ ປະຕິບັດ 4 ແຜນງານເປັນຫລັກ ຄື: ແຜນງານປ້ອງກັນ, ແຜນງານດໍາເນີນຄະດີ ແລະ ບັງຄັບໃຊ້ກົດໝາຍ, ແຜນງານຊ່ວຍເຫລືອຜູ້ຖືກເຄາະຮ້າຍ ແລະ ແຜນງານການພົວພັນຮ່ວມມືກັບສາກົນ ຜ່ານການປະຕິບັດແຜນງານດັ່ງກ່າວເຈົ້າໜ້າທີ່ສາມາດດໍາເນີນຄະດີ

    ຄ້າມະນຸດໄດ້ 17 ເລື່ອງ ຜູ້ຖືກຫາ 74 ຄົນ ຍິງ 54 ຄົນ, ຕ່າງປະເທດ 16 ຄົນຍິງ 7 ຄົນ; ພົ້ນເດັ່ນກ່າວໝູ່ຢູ່ເຂດສາມຫລ່ຽມຄໍາກົມໃຫຍ່ຕໍາຫລວດໄດ້ສົ່ງກໍາລັງລົງປະຕິບັດໜ້າທີ່ໃນການຕິດຕາມ, ເກັບກໍາຂໍ້ມູນ, ຂຶ້ນບັນຊີເປົ້າໝາຍ ຄ້າມະນຸດແຕ່ວັນທີ 1 ກັນຍາ ຫາ 12 ທັນວາ 2022 ສາມາດຳເນີນຄະດີ ໄດ້ 12 ເລື່ອງ, ກັກຕົວຜູ້ຖືກຫາໄດ້ 27 ຄົນ ຍິງ 3 ຄົນ, ຕ່າງ ປະເທດ 17 ຄົນ, ມີຜູ້ຖືກເຄາະຮ້າຍຈາກການຄ້າມະນຸດ 21 ຄົນ, ຕ່າງປະເທດ 14 ຄົນ.

    ສຳລັບຄະດີທີ່ພົ້ນເດັ່ນແມ່ນໄດ້ມ້າງລາຍຄະດີຄ້າມະນຸດກຸ່ມຄົນຈີນທີ່ສົ່ງຄົນໄປຂາຍຢູ່ປະເທດມຽນມາ, ກຸ່ມຄົນມາເລເຊຍ, ກຸ່ມຄົນອິນເດຍ ແລະ ຫລ້າສຸດ ໄດ້ມ້າງກຸ່ມຄົນຫວຽດນາມ ທີ່ແອບອ້າງເປັນຕົວແທນກົງສູນຫວຽດນາມປະຈໍາແຂວງບໍ່ແກ້ວ ແຕ່ໃນຄວາມເປັນຈິງແລ້ວຜ່ານການປະສານງານກັບ ພາກສ່ວນກ່ຽວຂ້ອງແມ່ນບໍ່ມີມູນຄວາມ

    ຈິງ; ປັດຈຸບັນຄະດີນີ້ກໍາລັງດໍາເນີນການສຶບສວນ ແລະ ສາມາດຈັບຕົວຜູ້ມີສ່ວນຮ່ວມໄດ້ແລ້ວ 10 ຄົນ.

    ສະເພາະ ການຊ່ວຍເຫລືອກຸ່ມສ່ຽງ ແລະ ຜູ້ຖືກເຄາະຮ້າຍ ຢູ່ເຂດເສດຖະກິດສາມຫລ່ຽມຄຳ, ກົມຕຳຫລວດສະກັດກັ້ນ ແລະ ຕ້ານການຄ້າມະນຸດ ໄດ້ສົມທົບກັບຕຳຫລວດ

    ຕ້ານການຄ້າມະນຸດ ແຂວງບໍ່ແກ້ວ ໃຫ້ຄວາມຊ່ວຍເຫລືອຜູ້ອອກແຮງງານທີ່ມີຄວາມສ່ຽງຈາກການຄ້າມະນຸດຂອງ ແຂວງບໍ່ແກ້ວ ກ່ອນວັນທີ 1 ກັນຍາ ຫາ 12 ທັນວາ 2022 ໄດ້ຊ່ວຍເຫລືອ ກຸ່ມສ່ຽງ ແລະ ຜູ້ຖືກເຄາະຮ້າຍ ທັງໝົດ 1.686 ຄົນ ຍິງ 634 ຄົນ ລວມມີ 20 ສັນຊາດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.