7 ວັນຜ່ານມາ ທົ່ວປະເທດ ມີອຸບັດຕິເຫດເກີດຂຶ້ນ ທັງໝົດ 116 ຄັ້ງ ສົ່ງຜົນເຮັດໃຫ້ມີຜູ້ເສຍຊີວິດ ທັງໝົດ 22 ຄົນ

    0
    45

    7 ວັນຜ່ານມາ, ທົ່ວປະເທດ ມີອຸບັດຕິເຫດເກີດຂຶ້ນ ທັງໝົດ 116 ຄັ້ງ ສົ່ງຜົນເຮັດໃຫ້ມີຜູ້ເສຍຊີວິດ ທັງໝົດ 22 ຄົນ; ໃນນີ້, ເສຍຊີວິດຫຼາຍກວ່າໝູ່ແມ່ນແຂວງອຸດົມໄຊ ແລະ ແຂວງຈໍາປາສັກ.

    ເຈົ້າໜ້າທີ່ກົມຕໍາຫຼວດຈະລາຈອນ ກົມໃຫຍ່ຕໍາຫຼວດ ກະຊວງ ປກສ ລາຍງານວ່າ: ໃນລະຫວ່າງວັນທີ 7-11 ທັນວາ 2022 ທົ່ວປະເທດມີອຸບັດຕິເຫດເກີດຂຶ້ນ ທັງໝົດ 116 ຄັ້ງ, ພາຫະນະເປ່ເພ ທັງໝົດ 199 ຄັນ, ຄົນໄດ້ຮັບບາດເຈັບ ທັງໝົດ 195 ຄົນ ແລະ ເສຍຊີວິດ 22 ຄົນ; ແຂວງທີ່ມີຜູ້ເສຍຊີວິດຫຼາຍກວ່າໝູ່ແມ່ນ ແຂວງອຸດົມ

    ໄຊ ແລະ ແຂວງຈໍາປາສັກ ເສຍຊີວິດແຂວງລະ 5 ຄົນ, ແຂວງ ຊຽງຂວາງ ເສຍຊີວິດ 4 ຄົນ, ນະຄອນຫຼວງວຽງຈັນ, ແຂວງສະຫວັນນະເຂດ ແລະ ແຂວງວຽງຈັນ ເສຍຊີວິດແຂວງລະ 2 ຄົນ, ສ່ວນ ແຂວງຫຼວງພະບາງ ແລະ ຄໍາມ່ວນ ແມ່ນເສຍຊີວິດແຂວງລະ 1 ຄົນ.

    ສໍາລັບແຂວງທີ່ມີອຸບັດຕິເຫດເກີດຂຶ້ນຫຼາຍກວ່າໝູ່ປະກອບມີ: ແຂວງຈໍາປາສັກ ເກີດຂຶ້ນ 19 ຄັ້ງ, ນະຄອນຫຼວງວຽງຈັນ ແລະ ແຂວງສະຫວັນນະເຂດ ເກີດຂຶ້ນແຂວງລະ 14 ຄັ້ງ, ແຂວງວຽງຈັນ 10 ຄັ້ງ, ແຂວງ ອຸດົມໄຊ ເກີດຂຶ້ນ 8 ຄັ້ງ, ແຂວງສາລະວັນ ເກີດຂຶ້ນ 7 ຄັ້ງ, ແຂວງບໍ່ແກ້ວ ແລະ ແຂວງຫຼວງພະບາງ ເກີດຂຶ້ນ ແຂວງລະ 6 ຄັ້ງ ແລະ ແຂວງອື່ນໆ.

    ຂ່າວ: ຈັນສະໝອນ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.