5 ປີຜ່ານມາ ແຂວງສາລະວັນ ພັດທະນາຊົນນະບົດ-ລຶບລ້າງຄວາມທຸກຍາກ ໄດ້ຜົນສຳເລັດຫລາຍດ້ານ

    0
    108

    ຕາມແຫລ່ງຂ່າວ ແຂວງສາລະວັນ ລາຍງານໃຫ້ຮູ້ວ່າ: ໄລຍະ 5 ປີຜ່ານມາ ແຂວງສາລະວັນປະຕິບັດວຽກງານກໍ່ສ້າງຮາກຖານເມືອງ, ພັດທະນາຊົນນະບົດ-ລຶບລ້າງຄວາມທຸກຍາກ ແລະ ຜັນຂະຫຍາຍວຽກ 3 ສ້າງ ຜົນສຳເລັດຫລາຍດ້ານ ເຊິ່ງອົງຄະນະພັກແຂວງ ໄດ້ສຸມໃສ່ນໍາພາ-ຊີ້ນໍາຫັນລົງກໍ່ສ້າງຮາກຖານການເມືອງຢ່າງໜັກແໜ້ນແທດເຖິງ

    ເປັນລະບົບຕໍ່ເນື່ອງ, ສາມາດຮັບປະກັນໄດ້ສະຖຽນລະພາບທາງດ້ານການເມືອງ, ສັງຄົມມີຄວາມສາ ມັກຄີປອງດອງ, ສະເໝີພາບ, ຍຸຕິທຳ, ປະຊາຊົນມີຄວາມອຸ່ນອ່ຽງ-ທຸ່ນທ່ຽງ ໃນການດຳລົງຊີວິດ ແລະ ທຳມາຫາ ກິນ, ຊີວິດການເປັນຢູ່ທາງດ້ານວັດຖຸ-ຈິດໃຈ ໄດ້ຮັບການປັບປຸງຍົກລະດັບດີຂຶ້ນເປັນກ້າວໆ.

    ທ່ານ ສົມໃຈ ອຸ່ນຈິດ ຄະນະປະຈຳພັກແຂວງ, ຮອງເຈົ້າແຂວງສາລະວັນ ຜູ້ຊີ້ນຳວຽກງານວັດທະນະທຳ-ສັງຄົມ ໄດ້ລາຍງານໃນກອງປະຊຸມສະຫລຸບຕີລາຄາວຽກງານກໍ່ສ້າງຮາກຖານການເມືອງ ຕິດພັນກັບວຽກງານພັດທະນາຊົນນະບົດຮອບດ້ານ ແກ້ໄຂຄວາມຫຍຸ້ງຍາກ ແລະ ວຽກງານ 3 ສ້າງ ໄລຍະແຕ່ປີ 2016-2020 ແລະ ທິດທາງ

    ແຜນການປີ 2021-2025 ໃນວັນທີ 8 ທັນວາ 2022 ວ່າ: ປັດຈຸບັັນມີຄະນະພັກຮາກຖານກຸ່ມບ້ານ 1 ຮາກຖານ, ຄະນະພັກຮາກຖານບ້ານໃຫຍ່ 2 ຮາກຖານ, ມີໜ່ວຍພັກຮາກຖານບ້ານ 546 ໜ່ວຍ, ໜວ່ຍພັກນຳພາບ້ານດຽວ 510 ໜວ່ຍ ກວມ 94%, ໜ່ວຍພັກປອດໃສ, ເຂັ້ມແຂງ, ໜັກແໜ້ນ 459 ໜ່ວຍ, ກວມ

    ຫລາຍກວ່າ 78%, ຫັນເອົາພະນັກງານລົງເປັນເລຂາໜ່ວຍພັກບ້ານ 7 ສະຫາຍ, ສາມາດສ້າງບ້ານຊາວໜຸ່ມ 4 ບຸກໄດ້ 491 ຮາກຖານບ້ານຫລາຍກວ່າ 84%, ບ້ານແມ່ຍິງ 3 ດີ ໄດ້ 554 ບ້ານ ກວມ 95%, ບ້ານສາມັກຄີປອງດອງ ໄດ້ 512 ບ້ານ ກວມ 88% ແລະ ປະກາດ 6 ເມືອງ ເປັນເມືອງສາມັກຄີປອງດອງ; ວຽກງານປ້ອງກັນຊາດ-

    ປ້ອງກັນຄວາມສະຫງົບຢູ່ຮາກຖານ ແລະ ອົບຮົມການເມືອງການທະຫານ, ວິຊາສະເພາະໃຫ້ກຳລັງກອນຫລອນ ໄດ້ 62 ກອງຮ້ອຍ, ສ້າງຄອບຄົວປ້ອງກັນຊາດດີ ໄດ້ 1.3708 ຄອບຄົວ, ບ້ານປ້ອງກັນຊາດເຂັ້ມແຂງ 112 ບ້ານ ກວມ 19%, ສ້າງບ້ານປ້ອງກັນຄວາມສະຫງົບດີ 229 ບ້ານ ກວມ 39%, ບ້ານແບບຢ່າງໃນການປະຕິບັດກົດໝາຍ 123 ບ້ານ, ບ້ານປອດຢາເສບຕິດ ໄດ້ 278 ບ້ານ.

    ດ້ານເສດຖະກິດ-ສັງຄົມ ຕິດພັນກັບການພັດທະນາຊົນນະບົດ ແລະ ແກ້ໄຂຄວາມທຸກຍາກ ມີ 6 ຈຸດສຸມ, ຈັດສັນພູມລຳເນົາ ແລະ ອາຊີບຄົງທີ່ ມີ 7 ຈຸດສຸມ ສ້າງບ້ານໃຫຍ່ກາຍເປັນຕົວເມືອງນ້ອຍ ມີ 15 ຈຸດສຸມ, ເປົ້າໝາຍລົບລ້າງຄວາມທຸກຍາກ ມີ 27 ບ້ານ ນອນໃນ 3 ເມືອງ, ໄດ້ຫັນພະນັກງານລົງນຳພາສຸມທຸກແຫລ່ງທຶນ ແລະ

    ປຸກລະດົມທຸກພາກສວ່ນທຸລະກິດ-ຜູ້ປະກອບການເຂົ້າໃນການພັດທະນາ ໂດຍກຳນົດເອົາບັນດາຈຸດສຸມ ໃນ 3 ພູຄື: ເມືອງຕະໂອ້ຍ, ສະໝ້ວຍ ແລະ ຕຸ້ມລານ ເປັນເປົ້າໝາຍອັນດັບໜຶ່ງໃນການແກ້ໄຂຄວາມທຸກຍາກ, ນຳພາປະຊາຊົນເຮັດການຜະລິດກະສິກຳເປັນສິນຄ້າ ເພື່ອສ້າງເງື່ອນໄຂໃຫ້ແກ່ການດຳລົງຊີວິດ ແລະ ທຳມະຫາກິນຂອງ ປະຊາຊົນ ນັບມື້ນັບດີຂຶ້ນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.