ລາວ ສົ່ງນັກກິລາເພາະກາຍ ເຂົ້າຮ່ວມ ເພາະກາຍຊິງແຊ້ມໂລກ ຄັ້ງທີ 13 ທີ່ປະເທດໄທ

    0
    49

    ສະຫະພັນກິລາເພາະກາຍແຫ່ງຊາດລາວ ສົ່ງຄະນະນັກກິລາເພາະກາຍທີມຊາດລາວ ຈຳນວນ 10 ທ່ານ ເຂົ້າຮ່ວມການແຂ່ງຂັນກິລາເພາະກາຍ ຊິງແຊ້ມໂລກ ຄັ້ງທີ 13 ທີ່ສູນການຄ້າ Central world ພູເກັດ ປະເທດໄທ ໃນລະຫວ່າງວັນທີ 6-12 ທັນວາ 2022 ຊຶ່ງປີນີ້ມີ 45 ປະເທດເຂົ້າຮ່ວມແຂ່ງຂັນຈາກ 6 ທະວີບ, ມີ ນັກກິລາເຂົ້າຮ່ວມຫຼາຍກວ່າ 200 ຄົນ.

    ການສົ່ງນັກກີລາເຂົ້າຮ່ວມໃນ ຄັ້ງນີ້ ແມ່ນ ເພື່ອສືບຕໍ່ຊຸກຍູ້, ພັດທະນານັກກິລາເພາະກາຍລາວ ທັງເປັນການກຽມຄວາມພ້ອມສູ່ຊີເກມ ຄັ້ງທີ 32 ທີ່ກຳປູເຈຍ ຈະເປັນເຈົ້າພາບ ໃນເດືອນພຶດສະພາ ປີ 2023. ສຳລັບຄະນະສະຫະພັນກິລາເພາະກາຍທີມຊາດລາວຊຸດນີ້ ມີ 4 ທ່ານ ແລະ ນັກກິລາ 6 ຄົນ ປະກອບມີ:

    ທ້າວ ພຸດສະຫວັນ ສີຊົມພູ ນັກກິລາຫຼຽນທອງປະຫວັດສາດ ຊີເກມ ຄັ້ງທີ 31 ທີ່ຫວຽດນາມ ທັງເປັນແຊ້ມປະເທດລາວ ປີ 2019 ແລະ ປີ 2022 ໃນລຸ້ນນໍ້າໜັກ 70 ກິໂລ ຈະເຂົ້າແຂ່ງຂັນ ລຸ້ນ Men’s bodybuilding; ທ້າວ ສັນຕິສຸກ ດວງແກ້ວມະນີ ນັກກິລາເພາະກາຍລຸ້ນຊາຍຫຸ່ນງາມ ແຊ້ມປະເທດລາວ ປີ 2018-2019 ລົງ

    ແຂ່ງຂັນລຸ້ນ Men’s sport physique (ຊາຍຫຸ່ນງາມ) ຄວາມສູງ 175 cm; ທ້າວ ຂາວພອນ ພອນປະເສີດ ແຊ້ມປະເທດລາວປີ 2019 ແລະ ປີ 2022 ເພາະກາຍລຸ້ນຊາຍຫຸ່ນງາມຄວາມສູງ 170 cm ເຂົ້າແຂ່ງຂັນ ລຸ້ນ Men’s sport physique (ຊາຍຫຸ່ນງາມ) ຄວາມສູງ 170 cm; ທ້າວ ປິງ ລາດວົງ ນັກກິລາແຊ້ມປະເທດ

    ລາວປີ 2019 ລຸ້ນເພາະກາຍນໍ້າໜັກ 65 ກິໂລ ເຂົ້າແຂ່ງຂັນ Men’s master bodybuilding (ລຸ້ນອາວຸໂສ) ອາຍຸ 50 ປີຂື້ນໄປ; ທ້າວ ຕຸ້ຍ ໄຊຍະລາດ ນັກກິລາແຊ້ມປະເທດລາວ ປີ 2022 ເພາະກາຍລຸ້ນນໍ້າໜັກ 65 ກິໂລ ເຂົ້າແຂ່ງຂັນ ລຸ້ນ Men’s bodybuilding ເພາະກາຍນໍ້າໜັກ 65 ກິໂລ ແລະ ນາງ ຈິນຕະນາ ຄໍາບຸນ

    ເຮືອງ ນັກກິລາແຊ້ມປະເທດລາວ ປີ 2022 ເພາະກາຍລຸ້ນຍິງຫຸ່ນງາມ ເຂົ້າແຂ່ງຂັນລຸ້ນ Women’s model fitness ເພາະກາຍ (ລຸ້ນຍິງຫຸ່ນງາມ) ຄວາມສູງ 165 cm.

    ກຳນົດ ຊັ່ງນໍ້າໜັກວັນທີ 8 ທັນວາ 2022 ແລະ ລົງແຂ່ງຂັນໃນວັນທີ 9 ແລະ 10 ທັນວາ 2022 – ຊຶ່ງວັນທີ 9 ທັນວາ ປະກອບມີນັກກິລາ 3 ຄົນລົງແຂ່ງຂັນຄື: 1. ທ້າວ ພຸດສະຫວັນ ສີຊົມພູ. 2. ທ້າວ ປິງ ລາດວົງ ແລະ 3. ທ້າວ ຕຸ້ຍ ໄຊຍະລາດ ໂດຍເລີ້ມແຂ່ງຂັນເວລາ 10.00 ໂມງເຊົ້າ ເປັນຕົ້ນໄປ – ວັນທີ 10 ທັນວາ 2022

    ປະກອບມີ 4 ຄົນ ລົງແຂ່ງຂັນຄື: 1. ທ້າວ ສັນຕິສຸກ ດວງແກ້ວມະນີ. 2. ທ້າວ ຂາວພອນ ພອນປະເສີດ. 3. ທ້າວ ປິງ ລາດວົງ ແລະ 4. ນາງ ຈິນຕະນາ ຄໍາບຸນເຮືອງ ໂດຍເລີ່ມແຂ່ງຂັນເວລາ 10.00 ໂມງເຊົ້າ ເປັນຕົ້ນໄປ

    ຂ່າວ: ໂທລະພາບແຫ່ງຊາດລາວ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.