ຄວາມໝາຍ ແລະ ທີ່ມາທີ່ເລືອກເອົາໄຫຫີນເປັນສັນຍາລັກໃນງານກິລາແຫ່ງຊາດ ຊຽງຂວາງເກມ 2022

    0
    74

    ຄະນະນໍາແຂວງ ຊຽງຂວາງ ໄດ້ກໍານົດເອົາໄຫຫີນທີ່ເປັນວັດຖຸບູຮານມີອາຍຸຫຼາຍພັນປີ, ມີຄວາມຫມາຍສໍາຄັນ ແລະ ລືຊື່ທາງປະຫວັດສາດ ເຊິ່ງເປັນມໍລະດົກ ຂອງແຂວງ ຊຽງຂວາງ ກໍ່ຄືຂອງຊາດ ປະກອບໃສ່ສັນຍາລັກຂອງ ງານມະຫາກໍາກິລາແຫ່ງຊາດ ຄັ້ງທີ11 ຫຼື ຊຽງຂວາງ ເກມ ທີ່ຈະເປີດສາກເປັນທາງການໃນ ລະຫວ່າງວັນທີ 13-22 ທັນວາ 2022 ນີ້.

    ໄຫຫີນຫນຶ່ງຫນ່ວຍ ສື່ຄວາມຫມາຍເຖິງ ຄວາມສາມັກຄີເອກະພາບເປັນຈິດຫນຶ່ງໃຈດຽວຂອງຊາວຊຽງຂວາງ ຕັ້ງຢູ່ໃນລັກສະນະທີ່ສວຍງາມຂອງວັດຖຸບູຮານທີ່ ເປັນມໍລະດົກຄູ່ກັບຊາວຊຽງຂວາງ, ເປັນມໍລະດົກຂອງຊາດ ແລະ ກຽມພ້ອມຮັບຮອງເປັນມໍລະດົກໂລກ ພ້ອມກັບງານມະຫາກໍາກິລາແຫ່ງຊາດ ຄັ້ງທີ 11.

    ໄຫຫີນ ສັນຍາລັກງານມະຫາກໍາກິລາແຫ່ງຊາດຄັ້ງນີ້ ປະກອບ 3 ລາຍເສັ້ນ ຄື: ລາຍເສັ້ນສີຂຽວເຂັ້ມເບື້ອງເທິງສຸດ ຫມາຍເຖິງສາຍພູຂອງແຂວງ ຊຽງຂວາງ ທີ່ອຸດົມໄປດ້ວຍປ່າດົງ, ຕົ້ມໄມ້ທີ່ມີລາຄາແພງປົກຫຸ້ມຢູ່ ເຊິ່ງມີຫຼາຍຈອມພູ ແລະ ສາຍພູໃນແຂວງ ຊຽງຂວາງ ທີ່ມີຊື່ສຽງໃນພູມີສາດ.

    ລາຍເສັ້ນສີຟ້າກາງ ຫມາຍເຖິງຄວາມອຸດົມສົມບູນຂອງສາຍນໍ້າແຂວງ ຊຽງຂວາງ ທີ່ມີແມ່ນໍ້າຫຼາຍສາຍກໍາເນີດເກີດຂຶ້ນ ໃນແຂວງ ຊຽງຂວາງ ທີ່ກາຍເປັນ ສາຂາທີ່ສໍາຄັນຂອງແມ່ນໍ້າຂອງ ໄຫຼປ່ອງສູ່ທະເລ ເຊິ່ງເປັນແມ່ນໍ້າທີ່ສໍາຄັນ ໃນການພັດທະນາເສດຖະກິດຂອງແຂວງ ແລະ ຂອງປະເທດຊາດ.

    ລາຍເສັ້ນສີຂຽວອ່ອນທາງລຸ່ມສຸດ ຫມາຍເຖິງພູພຽງຊຽງຂວາງ ທີ່ປົກຄຸມໄປດ້ວຍທົ່ງຫຍ້າອັນອຸດົມສົມບູນທີ່ຂຽວງາມແບບທໍາມະຊາດ ແລະ ຄວາມອຸດົມ ສົມບູນໃນການດໍາດົງຊິວິດຂອງປະຊາຊົນແຂວງ ຊຽງຂວາງ.
    ໃນນັ້ນ ດ້ານລຸ່ມຂຽນໂຕຫນັງສືກົ່ງ ບົ່ງບອກເຖິງງານມະຫາກໍາກິລາແຫ່ງຊາດ ຄັ້ງທີ 11.
    ທີ່ມາ: vientianetimeslao

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.