ກອງບັນຊາການທະຫານນະຄອນຫຼວງວຽງຈັນ-ໜອງຄາຍ ລາດຕະເວນ ຮ່ວມຕາມລຳແມ່ນ້ຳຂອງ ລາວ-ໄທ

    0
    63

    ວັນທີ 25 ພະຈິກ 2022 ຜ່ານມານີ້  ກອງບັນຊາການທະຫານນະຄອນຫຼວງວຽງຈັນ ກັບ ກອງກຳລັງສຸລະສັກມຸນຕີ ຈັງຫວັດໜອງຄາຍ  ຮ່ວມການກວດລາດຕະເວນຮ່ວມຕາມລຳແມ່ນ້ຳຂອງ ລາວ-ໄທ  ຝ່າຍໄທນຳໂດຍ ພັນເອກ ມົງຄົນ ຫໍທອງ ຮອງຜູ້ບັນຊາການກອງພົນທະຫານລາບທີ 3, ຮອງຜູ້ບັນຊາການກອງກຳລັງສຸລະສັກມົນຕີ,

    ຫົວໜ້າຊຸດປະສານງານປະຈຳພື້ນທີຊາຍແດນໄທ-ລາວ ພ້ອມຄະນະ ແລະ ຝ່າຍລາວນໍາໂດຍ ພັນເອກ ບຸນວານ ພົມມະວົງ ຫົວໜ້າການທະຫານ ກອງບັນຊາບັນຊາການທະຫານ ນະຄອນຫຼວງວຽງຈັນ, ຫົວໜ້າຊຸດປະສານງານປະຈຳພື້ນທີ່ຊາຍແດນລາວ-ໄທ ພ້ອມດ້ວຍຄະນະ.

    ການຈັດກອງປະຊຸມຮ່ວມລາດຕະເວນຄັ້ງນີ້ ເພື່ອນຳເອົາເນື້ອໃນຂອງໜ່ວຍປະສານງານປະຈຳພື້ນທີ່ຊາຍແດນ ໄທ-ລາວ, ສະແດງໃຫ້ເຫັນເຖິງນະໂຍບາຍຂອງສອງລັດຖະບານ,

    ສອງກອງທັບ ແລະ ສອງປະເທດຊາດ ສປປ ລາວ-ຣາຊະອານາຈັກໄທ ໂດຍສະເພາະແມ່ນ ກອງບັນຊາການທະຫານນະຄອນຫຼວງວຽງຈັນ ກັບ ກອງກຳລັງສຸລະສັກມົນຕີ ທີ່ໄດ້

    ເຄື່ອນໄຫວລາດຕະເວນ ເພື່ອແນ່ໃສ່ສະກັດກັ້ນບັນຫາການຊື້-ຂາຍຢາເສບຕິດ ແລະ ການຕ້ານການກໍ່ອາຊະຍາກຳອື່ນໆຕາມຊາຍແດນນ້ຳຂອງ ເຮັດໃຫ້ເສັ້ນຊາຍແດນ

    ນະຄອນຫຼວງວຽງຈັນ-ໜອງຄາຍ ເປັນເສັ້ນຊາຍແດນສັນຕິພາບ, ມີຄວາມສະຫງົບ, ມີຄວາມເປັນລະບຽບຮຽບຮ້ອຍເຮັດໃຫ້ປະຊາຊົນສອງຝັ່ງມີຊ່ອງທາງທຳມາຫາກິນ ແລະ

    ພັດທະນາເສດຖະກິດ, ພ້ອມກັນປະຕິບັດລະບຽບກົດໝາຍຊາຍແດນ, ຮ່ວມມືກັນຈັດຕັ້ງເຄື່ອນໄຫວປ້ອງກັນ ແລະ ແລກປ່ຽນຂໍ້ມູນຂ່າວສານຮ່ວມກັນເພື່ອເຮັດໃຫ້ສະພາບປະກົດການຫຍໍ້ທໍ້ໃນຂອບເຂດຊາຍແດນລາວ-ໄທ ກໍຄືນະຄອນຫຼວງວຽງຈັນ-ໜອງຄາຍ ຫຼຸດໜ້ອຍຖອຍລົງເທື່ອລະກ້າວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.