ລາວມີການໂພສຂາຍສິ່ງຜິດກົດໝາຍ ພາກສ່ວນໃດຮັບຜິດຊອບຄວນເລັ່ງດ່ວນກວດກາ

    0
    225

    ສິ່ງຜິດກົດໝາຍຕ່າງໆລວມທັງພືດມີສານເສບຕິດ ເປັນພືດທີ່ກົດໝາຍຂອງສປປ ລາວ ເກືອດຫ້າມໂດຍບໍ່ອະນຸຍາດໃຫ້ປູກ, ປຸ່ງແຕ່ງ, ຜະລິດ, ຊື້-ຂາຍ, ຈຳໜ່າຍ, ຄອບຄອງ, ນຳເຂົ້າ-ສົ່ງອອກ ແລະ ຂົນສົ່ງຜ່ານສປປ ລາວ. ເຖິງວ່າມີກົດໝາຍປານແຕ່ກໍຍັງປາກົດເຫັນການຜະລິດປຸງແຕ່ງແລ້ວໂພສຊື້-ຂາຍຢູ່ຕາມສື່ອອນລາຍຢ່າງເປີດ

    ແປນ ແລະ ທ້າທາຍ ຊຶ່ງມີທັງບຸກຄົນ ແລະ ການຕັ້ງກຸ່ມຊື້-ຂາຍທົ່ວປະເທດລາວທີ່ສາມາດສ້າງຄວາມສະດວກໃຫ້ຫລາຍຄົນເຂົ້າເປັນສະມາຊິກກຸ່ມ ແລະ ໂພສຂາຍຢ່າງອຶກກະທຶກນຶກນອງແບບບໍ່ຢ້ານກົວກົດໝາຍ. ປາກົດການນີ້ມີຫລາຍທ່ານຕັ້ງຄຳຖາມວ່າ: ຢູ່ລາວພາກສ່ວນໃດຮັບຜິດຊອບ?

    ປັດຈຸບັນກໍຄືຜ່ານມາ, ເຈົ້າໜ້າທີ່ ປກສ ທົ່ວປະເທດລວມທັງພາກສ່ວນລັດກ່ຽວຂ້ອງໄດ້ສຸມໃສ່ປະຕິບັດວາ ລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ຊຶ່ງກໍສາມາດ

    ກວດພົບ ແລະ ຈັບຜູ້ຜະລິດ, ຈຳໜ່າຍ, ຊື້-ຂາຍ ແລະ ຜູ້ເສບກິນດື່ມ ມາສຶກສາອົບຮົມ ແລະ ດຳເນີນຄະດີຕາມລະບຽບກົດໝາຍ. ແນວໃດກໍດີຢາເສບຕິດຊະນິດໃໝ່ກໍເກີດຂຶ້ນມາເລື້ອຍໆບໍ່ວ່າຈະເປັນປູມເປົ້າອາຍແກ໊ສ, ກາເຟມ່ວນ, ໃບກະທ່ອມ ຫລືນ້ຳ ກະທ່ອມ ຊຶ່ງເປັນພືດມີສານເສບຕິດທີ່ກຸ່ມໄວໜຸ່ມນິຍົມກິນດື່ມ.

    ນີ້ເປັນອີກໜຶ່ງປາກົດການຫຍໍ້ທໍ້ໃນສັງຄົມ ແລະ ເປັນສິ່ງທີ່ທຸກພາກສ່ວນທົ່ວສັງຄົມຕ້ອງໄດ້ເປັນຫູເປັນຕາຊ່ວຍເຈົ້າໜ້າທີ່ພາກລັດກ່ຽວຂ້ອງ. ຂະນະທີ່ຜູ້ປົກຄອງ ຫລື ຜູ້ຮັບຜິດຊອບສະຖາບັນການສຶກສາທັງພາກລັດ ແລະ ເອກະຊົນຕ້ອງໄດ້ສຸມໃສ່ໂຄສະນາ ກົດໝາຍກ່ຽວຂ້ອງທັງສຶກສາອົບຮົມນັກຮຽນນັກສຶກສາໃຫ້ຮູ້ແຈ້ງເຂົ້າໃຈເລິກຜົນຮ້າຍ ຫລື

    ອັນຕະລາຍຂອງຢາເສບຕິດປະເພດຕ່າງໆ. ທີ່ສຳຄັນ, ພາກສ່ວນຕ້ານ ແລະ ສະກັດກັ້ນອາຊະຍາກຳທາງຄອມພິວເຕີຕ້ອງໄດ້ສອດສ່ອງດູແລຕິດຕາມກວດກາຢ່າງຂະຫຍັນ ເຂັ້ມແຂງ ເພື່ອສາມາດແກ້ໄຂ, ຈັບຜູ້ຜະລິດ, ຈຳໜ່າຍ, ຊື້-ຂາຍ ແລະ ຜູ້ເສບກິນດື່ມມາ ສຶກສາອົບຮົມ ແລະ ດຳເນີນຄະດີຕາມລະບຽບກົດໝາຍ.

    ເມື່ອເວົ້າເລື່ອງຂອງໂລກໂຊຊຽວມີເດຍ ຫລື ສື່ອອນລາຍ ທີ່ປັດຈຸບັນກໍຄືຜ່ານມາ ແລະ ຕໍ່ໜ້າ ໄດ້ມີອິດທິພົນ ແລະ ແຜ່ຂະຫຍາຍທົ່ວທຸກສັງຄົມໃນໂລກ ຊຶ່ງຂໍ້ມູນຂ່າວສານທີ່ໄຮ້ພົມແດນນີ້ມີທັງຂໍ້ດີ ແລະ ຂໍ້ເສຍ ໂດຍຂໍ້ເສຍຄືບັນດາເນື້ອໃນຂໍ້ມູນຂ່າວສານນັບມື້ຮຸນແຮງ ແລະ ເປັນອັນຕະລາຍຕໍ່ຜູ້ນຳໃຊ້. ຈາກນີ້ຫລາຍ ປະເທດຈຶ່ງໄດ້ແຕ່ງຕັ້ງໜ່ວຍ

    ງານຮັບຜິດຊອບຂໍ້ມູນຂ່າວສານທີ່ເຜີຍແຜ່ຜ່ານອິນເຕີເນັດສະເພາະລວມທັງກຳນົດມາດຕະການລົງໂທດຜູ້ໃຊ້ສື່ອອນລາຍທີ່ສ້າງຄວາມເສຍຫາຍ ແລະ ເປັນພິດໄພຕໍ່ສັງຄົມ. ສຳລັບບ້ານເຮົາ ຖ້າມີຜູ້ເຜີຍແຜ່ຂໍ້ມູນຂ່າວສານຜ່ານອິນເຕີເນັດ ຫລື ສື່ອອນລາຍທີ່ມີລັກສະນະຕົວະຍົວະຫລອກລວງຂັດແນວທາງນະໂຍບາຍຂອງພັກ-ລັດ, ຜິດລະບຽບ

    ກົດໝາຍ, ສ້າງຄວາມເສື່ອມເສຍຕໍ່ກຽດ ແລະ ສັກສີຂອງຜູ້ອື່ນລວມເຖິງຂໍ້ຄວາມ ຫລື ຮູບພາບທີ່ແຕະຕ້ອງເຖິງຮີດຄອງປະເພນີທີ່ດີງາມຂອງຊາດ, ໃນດຳລັດວ່າດ້ວຍການຄຸ້ມຄອງຂໍ້ມູນຂ່າວສານຜ່ານອິນເຕີເນັດເລກທີ 327/ລບ ລະບຸໄວ້ໃນມາດຕາ 18 ວ່າດ້ວຍ ຄວາມຮັບຜິດຊອບຂອງຂະແໜງການໄປສະນີ, ໂທລະຄົມມະນາຄົມ ແລະ ການສື່

    ສານໂດຍໃຫ້ອອກຄຳສັ່ງເຖິງບັນດາຜູ້ໃຫ້ບໍລິການອິນເຕີເນັດ ລະງັບການເຂົ້າເຖິງຂໍ້ມູນຂ່າວສານ, ຕັດການເຊື່ອມຕໍ່ຊົ່ວຄາວ ຫລື ຍາວນານຕໍ່ຜູ້ໃຊ້ບໍລິການທີ່ລະເມີດດຳລັດສະບັບນີ້ ແລະ ລະບຽບກົດໝາຍອື່ນທີ່ກ່ຽວຂ້ອງ, ຮ່ວມມືກັບເຈົ້າໜ້າທີ່ທີ່ກ່ຽວຂ້ອງຕິດຕາມຊອກຫາຜູ້ເຜີຍແຜ່ຂໍ້ມູນຂ່າວສານທີ່ເປັນການລະເມີດດຳລັດສະບັບນີ້ ຫລືລະບຽບ ກົດໝາຍອື່ນທີ່ກ່ຽວຂ້ອງ.

    ມາດຕາ 19 ວ່າດ້ວຍຄວາມຮັບຜິດຊອບຂອງຂະແໜງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໃຫ້ຕິດຕາມ, ກວດກາ, ວິເຄາະໄຈ້ແຍກ ແລະ ວິເຄາະເນື້ອໃນຂໍ້ມູນຂ່າວສານ ຜ່ານອິນເຕີເນັດຂອງບຸກຄົນ, ນິຕິບຸກຄົນ ແລະ ການຈັດຕັ້ງ, ຄົ້ນຄວ້າ, ຖະແຫລງ ແລະ ເຜີຍແຜ່ຂ່າວ ສານຢ່າງເປັນທາງການເພື່ອຊີ້ແຈງຂໍ້ມູນຂ່າວສານທີ່ບໍ່ຖືກຕ້ອງ.

    ມາດຕາ 20 ວ່າດ້ວຍຄວາມຮັບຜິດຊອບຂອງຂະແໜງການປ້ອງກັນຄວາມສະຫງົບໂດຍຮັບແຈ້ງຄວາມຈາກບຸກຄົນ, ນິຕິບຸກຄົນ, ນິຕິບຸກຄົນ ແລະ ອົງການຈັດຕັ້ງໃນກໍລະນີກະທຳຜິດທີ່ພົວພັນເຖິງຄວາມໝັ້ນຄົງຂອງຊາດ ແລະ ຄວາມເປັນລະບຽບຮຽບຮ້ອຍຂອງສັງຄົມ; ເກັບກຳ, ກວດກາ ແລະ ຄົ້ນຄວ້າວິໄຈຂໍ້ມູນຂ່າວສານຜ່ານອິນເຕີເນັດທີ່ມີ

    ລັກສະນະຄຸກຄາມເຖິງຄວາມໝັ້ນຄົງຂອງຊາດ, ຄວາມລັບຂອງຊາດ ແລະ ຄວາມສະຫງົບຂອງສັງຄົມ; ສືບສວນ-ສອບສວນ ແລະ ດໍາເນີນຄະດີບຸກຄົນ, ນິຕິບຸກຄົນ ແລະ ການຈັດຕັ້ງທີ່ລະເມີດດຳລັດສະບັບນີ້.

    ມາດຕາ 21 ວ່າດ້ວຍຄວາມຮັບຜິດຊອບຂອງຂະແໜງການສຶກສາທິການ ແລະ ກິລາ ຕ້ອງເຜີຍແຜ່ນິຕິກຳຕ່າງໆກ່ຽວກັບການຄຸ້ມຄອງການນຳໃຊ້ອິນເຕີເນັດ, ຄວາມຮູ້ດ້ານອິນເຕີເນັດໃຫ້ແກ່ນັກຮຽນ, ນັກສຶກສາເພື່ອໃຫ້ນັກ ຮຽນ, ນັກສຶກສາໄດ້ນຳໃຊ້ອິນເຕີເນັດໄປໃນທາງທີ່ເໝາະສົມ, ຫລີກເວັ້ນຈາກຜົນກະທົບທາງລົບຂອງການນຳໃຊ້ຂໍ້ມູນຂ່າວສານຜ່ານອິນເຕີເນັດ.

    ມາດຕາ 22 ວ່າດ້ວຍຄວາມຮັບຜິດຊອບຂອງພາກສ່ວນອື່ນ ໂດຍບັນດາກະຊວງ, ອົງການທຽບເທົ່າ, ອົງການປົກຄອງທ້ອງຖິ່ນ ຮັບຜິດຊອບຄຸ້ມຄອງຂໍ້ມູນຂ່າວສານຜ່ານອິນເຕີເນັດທີ່ກ່ຽວຂ້ອງກັບອົງການຂອງຕົນພ້ອມທັງປະສານສົມທົບກັບຂະແໜງການທີ່ກ່ຽວຂ້ອງເພື່ອຕ້ານ ແລະ ສະກັດກັ້ນການເຜີຍແຜ່ຂໍ້ມູນຂ່າວສານຜ່ານອິນເຕີເນັດທີ່ລະເມີດດຳລັດສະບັບນີ້ ແລະ ລະບຽບກົດໝາຍທີ່ກ່ຽວຂ້ອງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.