ເນັ້ນໃຫ້ ປກສ ເມືອງສັງທອງ ສຸມໃສ່ປ້ອງກັນການຂ້າມລອຍຊາຍແດນ ເພື່ອປິດການລັກລອບຂົນສົ່ງສິນຄ້າຜິດກົດໝາຍ

    0
    63

    ໃນວັນທີ 29 ກັນຍາ 2022 ຄະນະຊີ້ນຳກໍ່ສ້າງຮາກຖານການເມືອງ ນະຄອນຫລວງວຽງຈັນ ພ້ອມດ້ວຍຄະນະກອງເສນາກໍ່ສ້າງຮາກຖານການເມືອງ ນະຄອນຫລວງວຽງຈັນ ລົງຊຸກຍູ້ກວດກາ ແລະ ປະຕິບັດວາລະແຫ່ງຊາດແກ້ໄຂບັນຫາຢາເສບຕິດ ຢູ່ກອງຮ້ອຍ 8 ເມືອງສັງທອງ ໂດຍການນຳພາຂອງ ພົຈວ ນີລະວົງ ເຈືອງຕະວະລາດ ຮອງຫົວໜ້າກົມໃຫຍ່ຕຳຫລວດ ຄະນະຊີ້ນຳວຽກງານກໍ່ສ້າງຮາກຖານການເມືອງ ນະຄອນຫລວງວຽງຈັນ.

    ພັທ ສີວິໄລ ພູມນະໄຊ ຫົວໜ້າກອງບັນຊາການ ປກສ ເມືອງສັງທອງ ຫົວໜ້າກອງຮ້ອຍ 8 ໄດ້ລາຍງານການປະຕິບັດວຽກງານກໍ່ສ້າງຮາກຖານການເມືອງ ໄລຍະ 9 ເດືອນ ປີ 2022 ຜ່ານມາ ເມືອງສັງທອງມີປະກົດການຫຍໍ້ທໍ້ເກີດຂື້ນທັງໝົດ 38 ເລື່ອງ, ແກ້ໄຂໄດ້ 21 ເລື່ອງ, ກັກຕົວຜູ້ກະທຳຜິດ 30 ຄົນ ໃນນີ້ຄະດີທີ່ພົ້ນເດັ່ນ ແມ່ນການລັກ

    ຊັບພົນລະເມືອງ (ລັກລົດຈັກ 21 ເລື່ອງ ແກ້ໄຂໄດ້ 6ເລື່ອງ ກັກຕົວໄດ້ 33 ຄົນ) ແກ້ໄຂບັນຫາຢາເສບຕິດໄດ້ 49 ເລື່ອງ ກັກຜູ້ຖືກຫາ 74 ຄົນ, ຢຶດຂອງກາງຢາບ້າໄດ້ 288.908 ເມັດ, ລົດກະບະ 1 ຄັນ, ປືນແກັບ 1 ກະບອກ ແລະ ເຄື່ອງຂອງກາງອື່ນໆອີກຈຳນວນໜຶ່ງ.

    ໂອກາດນີ້, ຮອງຫົວໜ້າກົມໃຫຍ່ຕຳຫລວດ ເນັ້ນໃຫ້ ປກສ ເມືອງສັງທອງ ສົມທົບແໜ້ນກັບ ປກສ ເມືອງສີໂຄຕະບອງ ແລະ ປກສ ເມືອງນາຊາຍທອງ, ທະຫານເມືອງ ແລະ ການຈັດຕັ້ງບ້ານ ເອົາໃຈໃສ່ລົງຕິດຕາມກວດກາຢ່າງເປັນປົກກະຕິຕໍ່ເນື່ອງຢູ່ຕາມຢູ່ຊາຍແດນ, ກຳນົດຈຸດພື້ນທີ່ຫລໍ່ແຫລມຂົນສົ່ງຂາຍຢາເສບຕິດ, ຂຶ້ນບັນຊີເປົ້າໝາຍ

    ກໍ່ຄວາມບໍ່ສະຫງົບ ພ້ອມທັງແກ້ໄຂບັນຫາທີ່ເກີດຂຶ້ນຕາມຊາຍແດນໃຫ້ທັນກັບເວລາ, ສຸມໃສ່ປ້ອງກັນຕາມຊາຍແດນໃຫ້ມີຄວາມສະຫງົບໂດຍສົມທົບກຳລັງທະຫານຊາຍແດນ 241 ອອກກວດກາລາດຕະເວນຢ່າງເປັນປົກກະຕິ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.