ປະຊາຊົນທີ່ອາໄສຢູ່ເໜືອນໍ້າ ແລະ ທ້າຍນໍ້າ ກຽມຮັບມືກັບການປ່ຽນແປງຂອງລະດັບໃນແມ່ນໍ້າຂອງ

    0
    144

    ຂປລ. ວັນທີ 13 ສິງຫາ 2022 ນີ້, ຫົວໜ້າຫ້ອງວ່າການແຂວງໄຊຍະບູລີ ອອກແຈ້ງການເຖິງເຈົ້າເມືອງໄຊຍະບູລີ, ເມືອງປາກລາຍ ແລະ ເມືອງແກ່ນທ້າວ ກ່ຽວກັບ ການເພີ່ມຂຶ້ນຂອງປະລິມານນໍ້າຂອງ ວ່າ: ປັດຈຸບັນ, ໂຮງໄຟຟ້າພະ ລັງງານນໍ້າຂອງໄຊຍະບູລີ ໄດ້ມີປະລິມານນໍ້າໄຫລເຂົ້າຫລາຍ ເນື່ອງຈາກຝົນຕົກໜັກຫລາຍ ແລະ ການປ່ອຍນ້ຳຈາກເຂື່ອນນ້ຳອູເພີ່ມຂຶ້ນ, ຕໍ່ກັບສະພາບການດັ່ງກ່າວ ທາງເຂື່ອນໄຟຟ້າພະລັງງານນ້ຳຂອງໄຊຍະບູລີ ຈຶ່ງໄດ້ເລີ່ມປະຕິບັດການຮັບມືສະຖານະການສຸກເສີນ ຂອງເຂື່ອນໄຟຟ້າໃນລະດັບ 2.

    ສະນັ້ນ, ຈຶ່ງແຈ້ງມາຍັງທ່ານເຈົ້າເມືອງ 3 ເມືອງດັ່ງກ່າວ ເພື່ອອອກແຈ້ງການໃຫ້ປະຊາຊົນທີ່ອາໄສຢູ່ເໜືອ ແລະ ທ້າຍເຂື່ອນໄຟຟ້າພະລັງງານນໍ້າຂອງໄຊຍະບູລີ ດັ່ງນີ້: ໃຫ້ປະຊາຊົນທີ່ອາໄສຢູ່ ເໜືອນໍ້າ ແລະ ທ້າຍນໍ້າ ກຽມຮັບມືກັບການປ່ຽນແປງຂອງລະດັບໃນແມ່ນໍ້າຂອງ ທີ່ອາດມີການປ່ຽນແປງໃນໄລຍະເວລາສັ້ນ; ໃຫ້ມຽນມັດຜົນຜະລິດ ແລະ ສັດສາວາສິ່ງຕ່າງໆໄວ້ທີ່ສູງ ເພື່ອໃຫ້ທ່ວງທັນກັບການປ່ຽນແປງ ຂອງລະດັບນໍ້າໃນແມ່ນໍ້າຂອງ; ໃຫ້ຕິດຕາມຂໍ້ມູນຈາກ ເຂື່ອນໄຟຟ້າພະລັງງານນໍ້າຂອງໄຊຍະບູລີ ຢ່າງເປັນປະຈຳ ຈົນກວ່າຈະມີການປ່ຽນແປງ ຫລື ເຂົ້າສູ່ສະພາບປົກກະຕິ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.