ລົມພາຍຸໝູນເຂດຮ້ອນ ມູລານ (Mulan) ຫົວທີ 7 ພວມພັດຜ່ານເທດຫວຽດນາມໃນວັນທີ 10 ຫາ 11 ສິງຫາ 2022 ແລ້ວພັດເຂົ້າສູ່ລາວ

    0
    212

    ລົມພາຍຸໝູນເຂດຮ້ອນ ມູລານ (Mulan) ຫົວທີ 7 ພວມພັດຜ່ານເທດຫວຽດນາມໃນວັນທີ 10 ຫາ 11 ສິງຫາ 2022 ແລ້ວພັດເຂົ້າສູ່ລາວ

    ກົມອຸຕຸນິຍົມ ແລະ ອຸທົກກະສາດເຈ້ງເຕືອນ ລົມພາຍຸໝູນເຂດຮ້ອນ ມູລານ (Mulan) ຫົວທີ 7 ສະບັບທີ 2 ເຊິ່ງຈະເຄື່ອນທີ່ໄປທາງເກາະໄຮໜານຂອງປະເທດຫວຽດນາມໃນວັນທີ 10 ຫາ 11 ສິງຫາ 2022, ສົມທົບກັບລົມມໍລະສຸມຕາ ເວັນຕົກສຽງໃຕ້ພັດປົກຄຸມດ້ວຍກຳລັງແຮງ, ຊຶ່ງຈະເຮັດໃຫ້ມີຝົນຕົກ ຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຕົກໜັກ ພ້ອມມີລົມ ພັດແຮງຢູ່ບາງທ້ອງຖິ່ນ ແຂວງພາກກາງ ລົງຫາພາກໃຕ້.

    ຈາກນັ້ນໃນ ໄລຍະ ວັນທີ່ 12 ຫາ 13 ສິງຫາ 2022 ນີ້. ພາຍຸໝູນເຂດຮ້ອນ ຈະເຄື່ອນເຂົ້າທາງເຂດພາກເໜືອ ຂອງປະເທດລາວ.ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ ແຂວງພາກເໜືອ ແລະ ພາກາງ.

    ໃນວັນທີ 10 ຫາ 11 ສິງຫາ 2022, ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງ ແລະ ຕົກໜັກ ພ້ອມມີລົມ ພັດແຮງຢູ່ບາງທ້ອງຖິ່ນ ແຂວງພາກກາງ ແລະ ພາກໃຕ້ ເຊັ່ນ: ແຂວງ ສາລະວັນ, ຈໍາປາສັກ, ອັດຕະປື ແລະ ເຊກອງ.

    ໃນວັນທີ 12 ຫາ 13 ສິງຫາ 2022, ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍຢູ່ທົ່ວໄປ ແລະ ຕົກປານກາງ ຫາ ຕົກໜັກ ພ້ອມມີລົມ ພັດແຮງຢູ່ບາງທ້ອງຖິ່ນ ແຂວງພາກເໜືອ ແລະ ພາກກາງ ເຊັ່ນ: ແຂວງ ຜົ້ງສາລີ, ຫົວພັນ, ຊຽງຂວາງ, ຫຼວງນໍ້າທາ, ບໍ່ແກ້ວ, ອຸດົມໄຊ, ຫຼວງພະບາງ, ໄຊຍະບູລີ, ນະຄອນຫຼວງວຽງຈັນ, ໄຊສົມບູນ, ວຽງຈັນ, ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ.

    ດັ່ງນັ້ນ, ຈຶ່ງແຈ້ງເຕືອນເຖິງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ບັນດາ ເຂດແຂວງດັ່ງກ່າວໂດຍສະເພາະຢູ່ແຄມແມ່ນໍ້າຕ່າງໆ ຈົ່ງມີສະຕິລະມັດ ລະວັງຕໍ່ສະ ພາບຝົນຕົກໜັກ, ລົມພັດແຮງ ແລະ ຝົນຕົກຕິດຕໍ່ກັນຫຼາຍວັນ ທີ່ຈະເຮັດໃຫ້ມີດິນເຈື່ອນ, ນ້ຳຖ້ວມອັ່ງ ແລະ ນ້ຳຖ້ວມຊຸ ທີ່ຈະເກີດຂື້ນຢູ່ບາງທ້ອງຖີ່ນໃນແຕ່ລະພາກ. ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະ ວັນທີ 9 ຫາ 13 ສິງ ຫາ 202 ນີ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.