ຂ່າວດ່ວນ ແຂວງເຊກອງ ແຈ້ງເຕືອນໄພເຝົ້າລະວັງລະດັບນໍ້າເຊກອງ ໃນລະຫວ່າງ ວັນທີ 8 ຫາ 11 ສິງຫາ 2022

    0
    139

    ຂ່າວດ່ວນ ພະແນກຊັບພະຍາກອນທໍາມະຊາດ ແລະ ສິ່ງແວດ ລ້ອມ ແຂວງເຊກອງ ແຈ້ງເຕືອນໄພລະດັບນໍ້າເຊກອງ 8-11 ສິງຫາ​ 2022 ວັນທີ​ 8 ສິງຫາ​2022 ນີ້​ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງເຊກອງ ໄດ້ອອກປະກາດແຈ້ງເຕືອນໄພ ຕາມແຈ້ງການຂອງ ບໍລິສັດຮຸ້ນສ່ວນເຂື່ອນໄຟຟ້ານ້ຳຕົກ ພາກກາງຂອງ ສ.ສ ຫວຽດນາມ ຈະມີການປ່ອຍນ້ຳຈາກອ່າງ

    ເກັບນ້ຳທີ່ເຂື່ອນໄຟຟ້າ ອາເລື້ອຍ ໃນລະຫວ່າງວັນທີ 8-11 ສິງຫາ 2022 ລະດັບນ້ຳເຊກອງຈະມີປະລິມານເພີ້ມຂື້ນຈາກລະດັບປົກກະຕິກະທັນຫັນ ເນື່ອງຈາກວ່າທາງບໍລິສັດ ຫຸ້ນສ່ວນເຂື່ອນໄຟຟ້ານ້ຳຕົກພາກກາງ (ອາເລື້ອຍ) ປະເທດ ສສ ຫວຽດນາມ ຈະໄດ້ປ່ອຍອອກຈາກອ່າງນ້ຳຂອງເຂື່ອນໄຟຟ້າໃນບໍລິມາດ 100-500 ແມັດກ້ອນຕໍ່ວິນາທີ ລະດັບນ້ຳເຊກອງເວລາ 7:00 ໂມງຂອງວັນທີ 8
    ສິງຫາ 2022 ແທກໄດ້ 2,14 ແມັດ ແລະ ຄາດຄະເນວ່າລະດັບນ້ຳເຊກອງຈະມີປະລິມານສູງຂື້ນເຖິງ 5,50-6,50 ແມັດ ລະດັບນ້ຳເຂດເຕືອນໄພ 17,50 ແມັດ ເຂດອັນຕະລາຍ 18,50 ແມັດ

    ດັ່ງນັ້ນຈຶ່ງຂໍແຈ້ງເຕືອນເຖິງອຳນາດການປົກຄອງແລະ ອົງການຈັດຕັ້ງທຸກພາກສ່ວນອ້ອມຂ້າງແລະ ຕົວເມືອງ ຕະຫຼອດຮອດພໍ່ຄ້າ ຊາວຂາຍ ຫົວໜ່ວຍທຸລະກິດທຸກພາກສ່ວນ ແລະພໍ່ແມ່ປະຊາຊົນບັນດາເຜົ່າທີ່ຕັ້ງຖິ່ນຖານທີ່ຢູ່ລຸ່ມເຂື່ອນ ແລະ ຕາມແລວສາຍນ້ຳ ມີສະຕິ ເກັບມ້ຽນເຄື່ອງຂຶ້ນທີ່ສູງ ແລະ ຕິດຕາມການແຈ້ງການຈາກທາງການເປັນໄລຍະ.​

    Cr: ເຊກອງວັນນີ້ Sekong today

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.