ບໍລິສັດຮ່ວມທຶນພັດທະນາທາງດ່ວນລາວ-ຈີນຊ່ວຍເຫຼືອ ເຫດໄຟໄໝ້ລົດຢູ່ເທິງທາງດ່ວນໂດຍທັນເຫດການ

    0
    401

    ລົດກະບະຄັນໜຶ່ງໄດ້ເກີດໄຟໄໝ້ຂຶ້ນເອງໃນເວລາທີ່ເຈົ້າຂອງຂັບຂີ່ຢູ່ເສັ້ນທາງດ່ວນນະຄອນຫຼວງວຽງຈັນ-ວັງວຽງ ຊຶ່ງເຫດການດັ່ງກ່າວໄດ້ເກີດຂຶ້ນໃນວັນທີ 22 ພຶດສະພາ 2022 ທີ່ຜ່ານມາ ເວລາປະມານ 11:46 ໂມງ ໃນຂະນະທີ່ເຈົ້າຂອງກໍາລັງເດີນທາງຈາກວັງວຽງມຸ່ງໜ້າເຂົ້າມານະຄອນຫຼວງວຽງຈັນ ໂດຍຈຸດເກີດເຫດຢູ່ກິໂລແມັດທີ ZK36+500 ເທິງທາງດ່ວນວຽງຈັນ-ວັງວຽງ.

    ພະນັກງານກວດທາງຂອງບໍລິສັດຮ່ວມທຶນພັດທະນາທາງດ່ວນລາວ-ຈີນຈຳກັດ ໄດ້ຮັບຂ່າວ ແລະ ເດີນທາງໄປຮອດສະຖານຈຸດເກີດເຫດພົບເຫັນໄຟໄໝ້ລົດທົ່ວທັງຄັນຢ່າງຮຸນແຮງ, ຍານພາຫະນະດັ່ງກ່າວ ໄດ້ກີດຂວາງການສັນຈອນ ເຮັດໃຫ້ລົດຕິດເປັນແຖວຍາວ. ຫຼັງຈາກນັ້ນ, ພະນັກງານກວດທາງກໍ່ເລີ່ມແຜນກູ້ໄພຮັບມືກັບເຫດສຸກເສີນທັນທີ ໂດຍແຈ້ງຫາໜ່ວຍງານດັບເພີງ, ຕຳຫຼວດຈາລະຈອນ, ພະຍາບານ ມາຊ່ວຍກູ້ໄພໃນສະຖານທີ່ເກີດເຫດ.

    ພະນັກງານກວດທາງໄດ້ດຳເນີນການເຕືອນຄວາມປອດໄພຢູ່ສະຖານທີ່ເກີດເຫດທັນທີ, ໄດ້ລະບາຍລົດ ແລະ ຄຸ້ມຄອງການສັນຈອນ ເພື່ອໃຫ້ການຈາລະຈອນມີຄວາມຄ່ອງຕົວ. ຕໍ່ມາເວລາ 12:47 ໂມງ ໜ່ວຍງານຕຳຫຼວດດັບເພີງຕ່າງໆກໍ່ມາເຖີງສະຖານທີ່ເກີດເຫດໂດຍໃຊ້ເວລາປະມານ 20 ນາທີກໍສາມາດມອດໄຟທີ່ໄໝ້ລົດຄັນດັ່ງກ່າວໄດ້ ແລະ ສາມາດປ້ອງກັນໄຟບໍ່ໃຫ້ລາມໄປບໍລິເວນອື່ນໄດ້ຢ່າງສຳເລັດ. ເພື່ອປ້ອງກັນໄຟໄໝ້ຄືນ, ພະນັກງານກວດທາງຂອງບໍລິສັດຮ່ວມທຶນພັດທະນາທາງດ່ວນລາວ-ຈີນ ໄດ້ກວດສອບເຄື່ອງຈັກລົດ, ຕີນລົດ, ຖັງນໍ້າມັນ, ບ່ອນນັ່ງ ແລະ ສ່ວນອື່ນໆ ຂອງພາຫະນະຄັນດັ່ງກ່າວຢ່າງລະອຽດອີກຄັ້ງໜື່ງ, ເມື່ອຢືນຢັນວ່າໄຟບໍ່ອາດສາມາດໄໝ້ຄືນໄດ້ແລ້ວ ພະນັກງານກວດທາງຈຶ່ງອອກຈາກສະຖານທີ່ເກີດເຫດ.

    ເຈົ້າໜ້າທີ່ຕຳຫຼວດຈາລະຈອນ ໄດ້ສືບສວນ-ສອບສວນເຈົ້າຂອງລົດກ່ຽວກັບເຫດການດັ່ງກ່າວຊຶ່ງເຈົ້າຂອງລົດໄດ້ກ່າວວ່າອາດເກີດມາຈາກສາຍໄຟເກົ່າ ແລະ ມີການໝັດ ຫຼື ຊ໋ອດກັນຂອງກະແສໄຟຟ້າ. ອຸປະຕິເຫດຄັ້ງນີ້ເຈົ້າຂອງລົດແມ່ນຮັບຜິດຊອບຜົນເສຍຫາຍດ້ວຍຕົນເອງທັງໝົດ ແລະ ບໍ່ມີຜູ້ໄດ້ຮັບບາດເຈັບ  ຫຼື ບໍ່ເສຍຊີວິດ.

    ເຈົ້າຂອງລົດທີ່ເກີດເຫດໄດ້ກ່າວຂອບໃຈຕໍ່ການຊ່ວຍເຫຼືອເຫດສຸກເສີນຢ່າງໄວວາ ແລະ ມີປະສິດທິຜົນຂອງໜ່ວຍງານຄຸ້ມຄອງທາງດ່ວນນະຄອນຫຼວງວຽງຈັນ-ວັງວຽງ.

    ບໍລິສັດຮ່ວມທຶນພັດທະນາທາງດ່ວນລາວ-ຈີນຈຳກັດກໍ່ຄືຄະນະຈັດການກັບເຫດໄຟໄໝ້ຄັ້ງນີ້ພົບເຫັນເຫດການທັນເວລາ, ມິໄວພິກໄວໃນການຊ່ວຍເຫຼືອ, ເປັນລະບຽບຮຽບຮ້ອຍດີ ແລະ ການດຳເນີນງານມີປະສິດທິຜົນ ເຊິ່ງ ສະແດງເຖິງບົດບາດອັນດີເດັ່ນຂອງກຸ່ມບໍລິສັດຢຸນນານລົງທຶນກໍ່ສ້າງ ແລະ ຖືຮຸ້ນແຂວງຢຸນນານໃຫ້ກັບປະຊາຊົນລາວໄດ້ເຫັນ.

    ບໍລິສັດຮ່ວມທຶນພັດທະນາທາງດ່ວນລາວ-ຈີນຈຳກັດ ຂໍຖືໂອກາດນີ້ແຈ້ງເຕືອນເຖິງນັກຂັບຂີ່ວ່າ: ໃນລະດູຮ້ອນອົບເອົ້າຍານພາຫະນະເຮັດວຽກພາຍໃຕ້ສະພາບເດີນທາງໄລຍະຍາວ, ບັນທຸກໜັກ, ສະນັ້ນ, ຈະປ້ອງກັນລົດໄຟໄໝ້ຂຶ້ນເອງໃນຍາມອຸນຫະພູມສູງແນວໃດ?

    ໜຶ່ງ: ກວດກາລະບົບສາຍໄຟ ໃນເວລາເຄື່ອງຈັກເຮັດວຽກເນື່ອງຈາກອຸນຫະພູມສາຍໄຟຈະຮ້ອນສູງຫຼາຍ ເຊິ່ງຈະເຮັດໃຫ້ຊັ້ນຫຸ້ມຫໍ່ສາຍສົ່ງໄຟອ່ອນລົງ, ແຕກເປ່ເພ, ເຮັດໃຫ້ໄຟຟ້າ ຮົ່ວໄຫຼໃນເວລາສະຕາດເຄື່ອງຈັກ ຫຼື ໃນເວລາຂັບຂີ່, ເຮັດໃຫ້ບ່ອນໄຟຮົ່ວມີອຸນຫະພູມຍິ່ງສູງຂຶ້ນອາດຈະເຮັດໃຫ້ອາໄຫຼ່ທີ່ກ່ຽວຂ້ອງເກີດໄຟໄໝ້. ນອກນັ້ນ, ຍັງຕ້ອງເບິ່ງລະບົບນ້ຳມັນ ມີນ້ຳມັນຮົ່ວບໍ່?, ສາເຫດຈຳພວກນີ້ຈະພາໃຫ້ລົດໄຟໄໝ້ໄດ້.

    ສອງ: ກວດການ້ຳມັນເຄື່ອງຂອງລົດພຽງພໍບໍ່? ຖ້ານ້ຳມັນລໍ່ລື້ນລົດແຫ້ງຈະເຮັດໃຫ້ການສຽດສີຫຼາຍຂື້ນ ແລະ ຈະເພີ່ມອຸນຫະພູມສູງຂຶ້ນ ເມື່ອສຳຜັດກັບວັດຖຸໄວໄຟ (ຕົວຢ່າງຫຍ້າແຫ້ງຕ່າງໆ) ອາດຈະເຮັດໃຫ້ເກີດໄຟໄໝ້ຂຶ້ນເອງ ໂດຍສະເພາະ ລົດທີ່ມີການຕິດຕັ້ງແປ້ນປ້ອງກັນເຄື່ອງຈັກ (ຢູ່ທາງກ້ອງເຄຶ່ອງຈັກ) ເພາະຈະບໍ່ຮູ້ວ່າແປ້ນປ້ອງກັນຈະສຽດສີກັບຫຍ້າຕອນໃດ.

    ສາມ: ບໍ່ຕ້ອງຕົບແຕ່ງລົດຕາມໃຈ, ຖ້າລະບົບໄຟລົດຂອງທ່ານຜ່ານການດັດແປງເອງຈະຕ້ອງໄດ້ຄຳນຶງເຖິງການໃຊ້ໄຟທັງໝົດຂອງລົດບໍ່ຕ້ອງນຳໃຊ້ເຄື່ອງໄຟຟ້າຈຳນວນຫຼາຍ  ເພາະຈະເຮັດໃຫ້ພະລັງງານຂອງໝໍ້ໄຟໃຊ້ງານໜັກເກີນໄປ ອາດຈະເກີດໄຟຮົ່ວ ແລະ ເຮັດໃຫ້ໄຟໄໝ້ລົດເອງໄດ້.

    ສີ່: ພາຍໃນລົດພະຍາຍາມບໍ່ປະເຄື່ອງທີ່ເປັນກະແສໄວໄຟໄວ້ໂດຍສະເພາະແມ່ນກັບໄຟແກ໊ສ, ຕຸກຕາ, ນ້ຳຫອມ, ເສື້ອຜ້າ ແລະ ອື່ນໆ, ພາຍໃນລົດສະອາດເທົ່າໃດຍິ່ງດີເພື່ອຫຼຸດຜ່ອນໄຟໄໝ້.

    ຫ້າ: ເວລາຈອດລົດໃຫ້ສັງເກດເບິ່ງດ້ານລຸ່ມຂອງລົດມີວັດຖຸໄວໄຟບໍ່, ໃນລົດໄດ້ວາງເຄື່ອງອັນຕະລາຍບໍ່, ຖ້າຂັບຂີ່ເປັນເວລາດົນຄວນ ຢຸດພັກຜ່ອນລະຫວ່າງທາງ.

    ຫົກ: ຖ້າມີເງື່ອນໄຂເວລາຂຶ້ນລົງລົດໃຫ້ໃຊ້ອຸປະກອນລົບໄຟຟ້າສະຖິດ. ພ້ອມດຽວກັນນັ້ນ ໃຫ້ກະກຽມອຸປະກອນ ເຊັ່ນ: ບັ້ງດັບເພີງ, ຄ້ອນຕີ ແລະ ເຄື່ອງມື ອັນຈຳເປັນອື່ນໆໄວ້ໃນລົດເພື່ອຄວາມປອດໄພຕາມລະບຽບ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.