ປະທານາທິບໍດີ ໂຈ ໄບເດນ ຜູ້ນຳສະຫະລັດອາເມຣິກາ ປະກາດມາດຕະການຊ່ວຍເຫຼືອດ້ານການທະຫານເພີ່້ມຕື່ມແກ່ຢູເຄນຈຳນວນ800ລ້ານໂດລາສະຫະລັດ ເພື່ອສະໜັບສະໜູນຕໍ່ສູ້ກັບຣັດເຊຍ.
ໄບເດນ ໄດ້ໃຫ້ຄຳໝັ້ນສັນຍາສົ່ງອາວຸດທັງປືນຄົກ, ລູກປືນ ແລະ ໂດຣນດ້ານຍຸດທະສາດຫຼາຍລຳ ເຊິ່ງເຂົາໄດ້ຮຽກຮ້ອງໃຫ້ລັດຖະສະພາ ສະໜັບສະໜູນງົບປະມານເພີ່ມຕື່ມເພື່ອເພີ່ມຄວາມຊ່ວຍເຫລືອໃຫ້ຢູເຄນ.
ເຈົ້າໜ້າທີ່ທ່ານໜຶ່ງ ກ່າວກັບ Reuters ວ່າ ມາດຕະການຊ່ວຍເຫຼືອດ້ານອາວຸດຊຸດໃໝ່ ມີຂະໜາດເທົ່າກັບທີ່ປະກາດໄປເມື່ອອາທິດຜ່ານມາຄື800ລ້ານໂດລາ ແຕ່ລາຍລະອຽດຍັງຢູ່ລະຫວ່າງການດຳເນີນການ. ນອກຈາກນີ້ ລັດຖະບານຂອງໄບເດນ ຍັງປະກາດດ້ວຍວ່າ ຈະຫ້າມເຮືອທີ່ກ່ຽວຂ້ອງຂອງຣັດເຊຍເທົ່າທຽບທ່າຂອງອາເມຣິກາ ຊຶ່ງເປັນມາດຕະການຫຼ້າສຸດໃນການກົດດັນຣັດເຊຍ.
ດ້ານຣັດເຊຍຖະແຫຼງວ່າ ໄດ້ເຂົ້າສູ່ໄລຍະໃໝ່ຂອງການປະຕິບັດການທາງທະຫານ ແລະ ກຳລັງພະຍາຍາມຢ່າງເປັນລະບົບເພືອ່ປົດປອ່ນ ພູມີພາກດອນບາສ ພາກຕາເວັນອອກຂອງຢູເຄນ.
