ຜູ້ຕິດໂ ຄ ວິ ດອາດຈະເພີ່ມຂຶ້ນຈາກການສະເຫຼີມສະຫຼອງປີໃໝ່ລາວ

    0
    122

    ໃນໄລຍະການສະເຫຼີມສະຫຼອງປິໃໝ່ 4 ວັນຜ່ານ ມາ ເຫັນວ່າຕົວເລກຜູ້ຕິດ ເຊື້ອພະຍາດໂຄວິດ-19 ໄດ້ຫຼຸດລົງຕາມລໍາດັບຈາກ 929 ຄົນໃນວັນທີ 13 ເມສາ 2022 ຫຼຸດລົງມາ 662 ຄົນໃນວັນທີ 14, ຫຼຸດລົງມາ 454 ຄົນໃນວັນທີ 15 ແລະ ຫຼຸດລົງເຫຼືອ 406 ຄົນໃນມື້ວັນທີ 16 ນັ້ນຖືວ່າເປັນສັນຍານທີ່ດີເພາະຜູ້ຕິດເຊື້ອພະຍາດໂຄວິດ-19 ໄດ້ຫຼຸດລົງ ແຕ່ພາຍຫຼັງປີໃໝ່ລາວນີ້ ພະຍາດດັ່ງກ່າວອາດລະບາດຮອບໃໝ່ ແລະ ອາດພົບຜູ້ຕິດເຊື້ອເປັນຈໍານວນຫຼາຍກວ່າທີ່ຜ່ານມາຍ້ອນຍັງມີການຊຸມແຊວເພື່ອສະຫຼອງບຸນປະເພນີດັ່ງກ່າວໂດຍບໍ່ໃສ່ໃຈປະຕິບັດມາດຕະການປ້ອງກັນພະຍາດໂຄວິດ-19.

    ບຸນປີໃໝ່ລາວ ພສ 2565ນີ້, ລັດຖະບານໄດ້ອະນຸຍາດໃຫ້ສະຫຼອງຕາມປະເພນີ ຫຼື ແບບກະທັດຮັດຢູ່ຕາມເຮືອນຂອງໃຜລາວ ແລະ ໄປສົງພຣະຢູ່ຕາມວັດວາອາຣາມເທົ່ານັ້ນ ແຕ່ສິ່ງທີ່ເຫັນພັດກົງກັນຂ້າມກັບການອະນຸຍາດ ເພາະໄດ້ມີປະຊາຊົນຈໍານວນຫຼາຍຕັ້ງກຸ່ມຊຸມແຊວຢູ່ຕາມເຮືອນຂອງເຂົາເຈົ້າ ແລະ ຕັ້ງກຸ່ມກິນເຫຼົ້າເບຍຢູ່ແຄມທາງໂດຍບໍ່ໄດ້ໃສ່ໃຈໃນການໃສ່ຜ້າອັດປາກດັງລວມທັງການຮັກສາໄລຍະຫ່າງ ນີ້ອາດຈະເປັນສາເຫດເຮັດໃຫ້ພະຍາດໂຄວິດ-19 ລະບາດຮອບໃໝ່ ແລະ ຮ້າຍແຮງກວ່າເກົ່າກໍເປັນໄດ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.