ບຸນປີໃໝ່ລາວປີນີ້ມີຜູ້ສັນຈອນໄປ-ມາ ທາງເລກ 11 ເມືອງສັງທອງຫລຸດລົງ

    0
    197

    ຂປລ. ຕາມການລາຍງານຈາກ ທ່ານ ຮອ ສົມສະຫວັດ ທອງບົວໄສ ຮອງຈຸກວດກາເສັ້ນທາງເລກ 11 ເມືອງສັງທອງ ນະຄອນຫລວງວຽງຈັນ ໃຫ້ຮູ້ວ່າ: ໃນວັນທີ 15 ເມສາ ເປັນມື້ບຸນປີໃໝ່ລາວ ມື້ທີສອງ ສະພາບການສັນຈອນຢູ່ເສັ້ນທາງເລກ 11 ໂດຍລວມແມ່ນຢູ່ໃນສະພາບປົກກະຕິ, ການສັນຈອນສະດວກສະບາຍບໍ່ແອອັດ, ຖ້າສົມທຽບໃສ່ປີໃໝ່ລາວປີຜ່ານມາ ເຫັນວ່າມີລົດສັນຈອນຫລຸດລົງຫລາຍ ເນື່ອງຈາກປະຊາຊົນສ່ວນຫລາຍໄດ້ອອກໄປທ່ຽວຕ່າງແຂວງ ໂດຍນຳໃຊ້ເສັັ້ນທາງດ່ວນ ແລະ ນຳໃຊ້ລົດໄຟເປັນສ່ວນຫລາຍ. ນອກຈານີ້, ຜູ້ໃຊ້ລົດໃຊ້ຖະໜົນສ່ວນຫລາຍແມ່ນຮັກສາໄດ້ລະບຽບການສັນຈອນ ແລະ ສັງເກດວ່າກໍລະນີເມົາແລ້ວຂັບຂີ່ແມ່ນມີຈຳນວນຫລຸດລົງ.

    ສະເພາະ ຈຸດກວດກາຂອງພວກເຮົາແມ່ນເລີ່ມປະຕິບັດຕັ້ງແຕ່ວັນທີ 11 ເມສາ ເປັນຕົ້ນມາເຈົ້າໜ້າທີ່ໄດ້ເອົາໃຈໃສ່ປະຕິບັດໜ້າທີ່ຂອງຕົນຢ່າງເຕັມທີ່ ໂດຍໄດ້ສຸມໃສ່, ກວດຄວາມໄວ, ກວດທາດເຫລົ້າ, ກວດເອກະສານ ແລະ ເຕັກນິກ.

    ຜ່ານການຈັດຕັ້ງປະຕິບັດຕົວຈິງ ໄດ້ກວດພົບຜູ້ລະເມີດຄວາມໄວ ແລະ ພົບເຕັກນິກລົດບໍ່ຖືກຕ້ອງຈຳນວນໜຶ່ງ ແລະເຈົ້າໜ້າທີ່ກໍໄດ້ສຶກສາອົບຮົມກ່າວເຕືອນ ແລະ ຂຽນໃບສັ່ງໄວ້ເປັນຫລັກຖານ ເພື່ອໃຫ້ໄປແກ້ໄຂໃຫ້ຖືກຕ້ອງຕາມລະບຽບກົດໝາຍ.

    ຂ່າວ: ສຸກສະຫວັດ
    ຂໍ້ມູນ-ພາບ: ໜັງສືພິມຄວາມສະຫງົບ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.