ອຸບັດຕິເຫດປີໃຫມ່ລາວມື້ທຳອິດຢູ່ນະຄອນຫຼວງ ມີຜູ້ເສຍຊີວິດ 6 ຄົນ

    0
    391

    ອຸບັດຕິເຫດປີໃຫມ່ລາວມື້ທຳອິດຢູ່ນະຄອນຫຼວງ ມີຜູ້ເສຍຊີວິດ 6 ຄົນ !!!

    ຈາກການລາຍງານຂອງເຈົ້າໜ້າທີ່ ພະແນກຕຳຫຼວດຈະລາຈອນ ປກສ ນະຄອນຫຼວງວຽງຈັນ ໃຫ້ຮູ້ວ່າ: ມື້ທຳອິດຂອງການສະເຫຼີມສະຫຼອງປີໃຫມ່ລາວ ພສ 2565 ກໍຄືວັນທີ 14 ເມສາ 2022 ຢູ່ນະຄອນຫຼວງວຽງຈັນ ມີອຸບັດຕິເຫດເກີດຂຶ້ນ 8 ຄັ້ງ ເຮັດໃຫ້ມີຜູ້ເສຍຊີວິດ 6 ຄົນ, ມີຜູ້ໄດ້ຮັບບາດເຈັບເລັກໜ້ອຍ 1 ຄົນ, ເຈັບສົມຄວນ 2 ແລະ ບາດເຈັບສາຫັດ 1 ຄົນ; ພາຫະນະເປ່ເພເລັກນ້ອຍ 5 ຄັນ, ເປ່ເພສົມຄວນ 7 ຄັນ, ໃຊ້ການບໍ່ໄດ້ 2 ຄັນ. ອຸບັດຕິເຫດທີ່ເກີດຂຶ້ນ ຍ້ອນດື່ມສິ່ງມຶນເມົາ, ຂັບລົດໄວເກີນນຳນົດ.

    ເຖິງແນວໃດກໍຕາມ, ເຈົ້າໜ້າທີ່ຂໍຮຽກຮ້ອງມາຍັງພໍ່ແມ່ປະຊາຊົນ ສະຫຼອງປີໃຫມ່ຢ່າງມີສະຕິ, ເມົາແລ້ວບໍ່ຂັບຂີ່ ເພື່ອຄວາມປອດໄພຂອງຊີວິດ ແລະ ຊັບສິນຂອງທ່ານ.

    ທີ່ມາ: ໜັງສືພິມຄວາມສະຫງົບ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.