ເຈົ້າໜ້າທີ່ການຄ້າ ລົງຕິດຕາມການຄ້າຂາຍບໍ່ໃຫ້ເກີດການສວຍໂອກາດໄລຍະປີໃໝ່

    0
    117

    ປະຕິບັດຕາມເນື້ອໃນຈິດໃຈຂອງພະແນກອຸດສາຫະກຳ ແລະການຄ້າ ນະຄອນຫຼວງວຽງຈັນ ເພື່ອຄວບຄຸມລາຄາສິນຄ້າໄລຍະປີໃໝ່ ບໍ່ໃຫ້ມີການສວຍໂອກາດ, ເຈົ້າໜ້າທີ່ຄຸ້ມຄອງສິນຄ້າໄດ້ສົມທົບກັບ 4 ເມືອງໃນຕິດຕາມສະພາບການຊື້ຂາຍໃນແຕ່ລະວັນນັບແຕ່ວັນທີ 11 ເມສາເປັນຕົ້ນມາ ຕະຫຼອດຮອດມື້ນີ້ສະພາບໂການຄ້າ-ຂາຍສິນຄ້າສະບຽງອາຫານໂດຍລວມຍັງປົກກະຕິດີ.

    ສະເພາະປີໃໝ່ນີ້ ພະແນກອຸດສາຫະກຳ ແລະການຄ້າ ແມ່ນໄດ້ຈັດແບ່ງເປັນໜາຍຈຸງານເພື່ອຕິດຕາມກວດກາສະພາບການຊື້-ຂາຍຕົວຈິງນັບແຕ່ວັນທີ 11 ເມສາຈົນໄປຮອດວັນທີ 17 ເພື່ອຮັບປະກັນບໍ່ໃຫ້ເກີດການສວຍໂອກາດເອົາປຽບຜູ້ບໍລິໂພກຂອງຊາວຄ້າຂາຍ.

    ຕາມລາຍງານຂອງເຈົ້າໜ້າທີ່ກວດກາການຄ້າ ພະແນກ ອຸດສາຫະກໍາ ແລະ ການຄ້າ ນະຄອນຫຼວງວຽງຈັນ, ຫ້ອງການອຸດສາຫະກໍາ ແລະ ການຄ້າ ເມືອງສົມທົບກັບພາກສ່ວນກ່ຽວຂ້ອງ ລົງກວດກາ, ຕິດຕາມ ການຈັດຕັ້ງປະຕິບັດແຈ້ງການຂອງພະແນກ ໃນຄັ້ງວັນທີ 12 ເມສາແມ່ນບໍ່ໃຫ້ມີການກັກຕຸນສິນຄ້າ ແລະ ສວຍໂອກາດຂຶ້ນ ລາຄາສິນຄ້າ ໃນໄລຍະບຸນປີໃໝ່ລາວ ພ.ສ. 2565.

    ເຊັ່ນດຽວກັນໃນວັນທີ 13/4/2022 ເຈົ້າໜ້າທີ່ການຄ້າ ນະຄອນຫຼວງວຽງຈັນ ສົມທົບກັບ ຫ້ອງການ ອຸດສາຫະກຳ ແລະ ການຄ້າ ເມືອງ 4 ເມືອງໃນ ລົງຕິດຕາມສະພາບລາຄາສິນຄ້າໃນທ້ອງຕະຫລາດ ເພື່ອບໍ່ໃຫ້ຊາວຄ້າກັກຕຸນ ແລະ ສວຍໂອກາດຂື້ນລາຄາສິນຄ້າໃນຊ່ວງໄລຍະບຸນປີໃຫມ່ລາວ.

    ສຳລັບການສວຍໂອກາດເອົາປຽບຜູ້ບໍລິໂພກ ຕາມແຈ້ງການ ແລະລະບຽບການທີ່ວາງອອກ ຖ້າພົບເຫັນຈະຖືກປັບໃໝສູງສຸດ 5 ລ້ານກີບຕໍ່ຄັ້ງ ແລະແນ່ນອນເຮົາຈະອີງອາໄສພຽງຂະແໜງການຄ້າພຽງຢ່າງດຽວບໍ່ໄດ້ ຕ້ອງແມ່ນການເປັຮເຈົ້າການຮ່ວມກັນຂອງທົ່ວສັງຄົມ ຖ້າພົບເຫັນໃຫ້ໂທແຈ້ງ 1510 ຫຼື ເບີໂທຂອງຫ້ອງການການຄ້າເມືອງທີ່ຕິດຢູ່ຕາມຕະຫຼາດໄດ້ເລີຍ ເພື່ອສາມາດແກ້ໄຂໄດ້ທັນການ ແລະເປັນບົດຮຽນໃຫ້ກັບຫຼາຍຄົນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.