ການຂຸດຄົ້ນຫີນແກ້ວການຊິດ ຢູ່ເມືອງຄຳເກີດຈະບໍ່ແຕະຕ້ອງຜົນປະໂຫຍດຕໍ່ປະຊາຊົນ ແລະ ສິ່ງແວດລ້ອມອ້ອມຂ້າງ

    0
    300

    ປັດຈຸບັນນີ້, ບໍລິສັດ ໂລໂກສ ຈໍາກັດຜູ້ດຽວໄດ້ເລີ່ມການຂຸດຄົ້ນຫີນແກ້ວການຊິສ ຢູ່ເຂດບ້ານຄໍາມ່ວນ ເມືອງຄໍາເກີດ ແຂວງບໍລິຄໍາໄຊແລ້ວ ໃນເນື້ອທີ່ 4 ເຮັກຕາ ຊຶ່ງໄລຍະສໍາປະທານແມ່ນປະມານ 15-20 ປີ.

    ອໍານາດການປົກຄອງແຂວງບໍລິຄໍາໄຊໄດ້ອະນຸຍາດໃຫ້ບໍລິສັດດັ່ງກ່າວຂຸດຄົ້ນຫີນແກ້ວການຊິດ ເມື່ອມໍ່ໆມານີ້ ຊຶ່ງຕາງໜ້າແຂວງເຊັນອະນຸຍາດໂດຍທ່ານ ບຸນຍອດ ລໍວັນໄຊ ຮອງຫົວໜ້າພະແນກແຜນການ ແລະ ການລົງທຶນແຂວງບໍລິຄໍາໄຊ ແລະ ຕາງໜ້າບໍລິສັດໂດຍທ່ານພັດສອນ ຈັນທິວົງ ປະທານບໍລິສັດໂລໂກສ ຈໍາກັດຜູ້ດຽວ ລວມທັງຕາງໜ້າພະແນກພະລັງງານ ແລະ ບໍ່ແຮ່, ພະແນກຊັບພະຍາກອນທໍາມະຊາດ ແລະ ສິ່ງແວດລ້ວມ, ພະແນກການເງິນ ແລະ ຕາງໜ້າອໍານາດການປົກຄອງເມືອງຄໍາເກີດກໍໄດ້ເຊັນເປັນສັກຂີພິຍານເຊັ່ນດຽວກັນ ໂດຍການເປັນກຽດເຂົ້າຮ່ວມຂອງທ່ານ ຄໍາແຫວນ ປັນຍານຸວົງ ຮອງເຈົ້າແຂວງບໍລິຄໍາໄຊ.

    ທ່ານພັດສອນ ຈັນທິວົງ ປະທານບໍລິສັດໂລໂກສ ຈໍາກັດຜູ້ດຽວ ໄດ້ກ່າວໃນພິທີວ່າ: ການສໍາປະທານຂຸດຄົ້ນຫີນແກ້ວການຊິສຢູ່ເມືອງຄໍາເກີດນີ້ແມ່ນໄດ້ປະຕິບັດຕາມຂັ້ນຕອນ ແລະ ກົດລະບຽບຕ່າງໆທີ່ທາງແຂວງວາງອອກໂດຍຈະບໍ່ມີການແຕະຕ້ອງຜົນປະໂຫຍດຂອງປະຊາຊົນ ລວມທັງສິ່ງແວດລ້ອມອ້ອມຂ້າງ. ການຂຸດຄົ້ນຫີນແກ້ວດັ່ງກ່າວແມ່ນຈະໄດ້ຫຼາຍ ຫຼື ໜ້ອຍນັ້ນ ຍັງບໍ່ສາມາດເວົ້າໄດ້ວ່າຈະຂຸດຄົ້ນຈັກໂຕນຕໍ່ປີເພາະການຂຸດຄົ້ນແມ່ນອີງຕາມຄວາມຕ້ອງການຂອງລູກຄ້າ ຊຶ່ງບໍລິສັດມີແຜນການສົ່ງອອກໄປປະເທດຈີນ ແລະ ປະເທດສິງກະໂປ, ສ່ວນວ່າຈະສົ່ງອອກເວລາໃດນັ້ນແມ່ນຂຶ້ນກັບເຮົາຈະສາມາດເອົາຊ່ຽວຊານມາແຕ່ຕ່າງປະເທດໄດ້ມື້ໃດ ເພາະເບື້ອງຕົ້ນບໍລິສັດຕ້ອງໄດ້ອາໄສຊ່ຽວຊານຈາກຕ່າງປະເທດ. ໃນອະນາຄົດ, ບໍລິສັດອາດຈະລົງທຶນສ້າງຕັ້ງໂຮງງານຜະລິດຕະພັນທີ່ເຮັດຈາກຫີນແກ້ວການຊິສເພາະມັນສາມາດຜະລິດໄດ້ຫຼາຍຜະລິດຕະພັນ ແລະ ທັງເປັນການເພີ່ມມູນລະຄ່າເພີ່ມ ທັງຈະເປັນການສ້າງວຽກເຮັດງານທໍາໃຫ້ປະຊາຊົນໃນຂົງເຂດ.

    ທີ່ມາ: ວຽງຈັນທາຍ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.