ວັກຊິນປ້ອງຕ້ານໂ ຄ ວິ ດ ທີ່ໃຊ້ຢູ່ ສປປ ລາວ ມີຄວາມປອດໄພ ແລະ ມີປະສິດທິພາບ ປະສິດທິຜົນສູງ

    0
    246

    ທ່ານ ມາຍຟອງ ມາຍຊາຍ ຮອງອະທິການບໍດີມະຫາວິທະຍາໄລວິທະຍາສາດສຸຂະພາບ ກະຊວງສາທາ ລະນະສຸກ ກ່າວໃຫ້ຮູ້ຫວ່າງບໍ່ດົນມານີ້ວ່າ: ປັດຈຸບັນ ສປປ ລາວ ໄດ້ມີວັກຊິນປ້ອງກັນໂຄວິດ-19 ຫຼາຍຊະນິດເຂົ້າມານໍາໃຊ້ ເພື່ອບໍລິການສັກໃຫ້ແກ່ປະຊາຊົນ ຊຶ່ງວັກຊິນທຸກຊະນິດທີ່ເອົາມານໍາໃຊ້ຢູ່ ສປປ ລາວ ລ້ວນແລ້ວແຕ່ໄດ້ຜ່ານຂະບວນການພັດທະນາ ຜະລິດຕາມຫຼັກວິທະຍາສາດຢ່າງລະອຽດ ຊຶ່ງເລີ່ມຈາກຂະບວນການຢູ່ຫ້ອງທົດລອງ ຫ້ອງປະຕິບັດການ, ຜ່ານການທົດລອງເພິ່ນຈຶ່ງໄດ້ເອົາອອກມານໍາໃຊ້ບໍລິການໃຫ້ກັບປະຊາຊົນບັນດາເຜົ່າ.

    ທ່ານກ່າວໃຫ້ຮູ້ອີກວ່າ: ການພັດທະນາວັກຊິນໃນສະພາບທີ່ມີການລະບາດຂອງພະຍາດໂຄວິດ-19 ຫຼາຍປະເທດໄດ້ທຸ້ມເທໃສ່ການພັດທະນາວັກຊິນ ໂດຍສະເພາະໃນຂະບວນການຜະລິດທຸກຂັ້ນຕອນທາງດ້ານວິທະຍາ ສາດໄດ້ຮັກສາໄວ້ຄືເກົ່າ ຕ້ອງໄປຕາມຂະບວນການວິທະຍາສາດ ແຕ່ໄປລວບລັດຕັດຕອນຢູ່ໃນຂັ້ນຕອນຕ່າງໆໃຫ້ສັ້ນລົງເຊັ່ນ: ຂັ້ນຕອນໃນການຂໍອະນຸມັດທົດລອງໃສ່ຄົນ ຫຼື ຂະບວນການຂໍອະນຸມັດນໍາໃຊ້ໃນພາວະສຸກເສີນ ສະນັ້ນ, ບໍ່ແມ່ນເລື່ອງແປກວັກຊິນປ້ອງກັນໂຄວິດ-19 ເພິ່ນພັດທະນາອອກມານໍາໃຊ້ໃນເວລາອັນສັ້ນ ດັ່ງນັ້ນຂໍໃຫ້ທ່ານໝັ້ນໃຈໄດ້ເລີຍວ່າວັກຊິນມີຄວາມປອດໄພ ທຸກຂະບວນການທາງດ້ານວິທະຍາສາດເພິ່ນຍັງຄົງຮັກສາໄວ້ຄືເກົ່າ,ວັກຊິນທີ່ເອົາມານໍາໃຊ້ໄດ້ຜ່ານການອະນຸມັດໃຫ້ນໍາໃຊ້ໄດ້ໃນພາວະສຸກເສີນຈາກອົງການອະນາໄມໂລກ, ວັກຊິນກ່ອນຈະເອົາມານໍາໃຊ້ຢູ່ໃນລາວໄດ້ຮັບການອະນຸມັດຈາກກົມອາຫານ ແລະ ຢາກະຊວງສາທາລະນະສຸກ ໄດ້ຮັບການຢືນຢັນຄວາມຖືກຕ້ອງ ແລະ ຄວາມປອດໄພແລ້ວ ຈຶ່ງໄດ້ເອົາມານໍາໃຊ້ ແລະ ສຳຄັນກວ່ານັ້ນແມ່ນພວກເຮົາມີຄະນະກຳມະການແຫ່ງຊາດສຳລັບໃຫ້ຄຳປຶກສາດ້ານການໃຫ້ວັກຊິນຢູ່ລາວ, ສະນັ້ນ, ຂໍຢຶນຢັນວ່າວັກຊິກທຸກຊະນິດທີ່ເອົາມານໍາໃຊ້ຢູ່ລາວລ້ວນແລ້ວແຕ່ມີຄວາມປອດໄພ ແລະ ມີປະສິດທິພາບ ປະສິດທິຜົນສູງ.

    ປັດຈຸບັນ ສປປ ລາວ ໄດ້ບໍລິການສັກວັກຊິນກັນໂຄວິດ-19 ໃນເຂັມກະຕຸ້ນ ຫຼື ເຂັມທີ 3 ແລະ ເຂັມທີ 4 ພາຍຫຼັງທີ່ໄດ້ຮັບວັກຊິນຄົບ ຊຶ່ງສັງເກດເຫັນວ່າລະດັບພູມຄຸ້ມກັນຄ່ອຍໆຫຼຸດລົງອາດບໍ່ສາມາດປ້ອງກັນການຕິດເຊື້ອ ແລະ ບໍ່ສາມາດປ້ອງກັນພະຍາດຮຸນແຮງໄດ້ໃນເວລາຕິດເຊື້ອ, ສະນັ້ນ, ຈຶ່ງໄດ້ມີການແນະນຳວ່າຄວນຈະໄດ້ຮັບການສັກຢາເພີ່ມ, ໃນໄລຍະມໍ່ໆນີ້ແມ່ນໄດ້ຮັບການລະບາດຈາກສາຍພັນໂອໄມຄຣອນ ເຮັດໃຫ້ມີການລະບາດຢ່າງວ່ອງໄວສາມາດຫຼົບຫຼີກພູມຄຸ້ມກັນທີ່ໄດ້ຈາກວັກຊິນ, ການທີ່ໄດ້ຮັບວັກຊິນເຂັມກະຕຸ້ນເຂັມທີ 3 ແລະ ເຂັມທີ 4 ຈະຊ່ວຍປ້ອງກັນການເປັນພະຍາດຮຸນແຮງຈາກການຕິດເຊື້ອໂຄວິດ-19 ສາຍພັນໂອໄມຄຣອນໄດ້, ຂໍຢືນຢັນວ່າວັກຊິນທຸກຊະນິດທີ່ນໍາໃຊ້ໃນລາວມີຄວາມປອດໄພ ມີປະສິດທິຜົນສູງ ສາມາດຫຼຸດຜ່ອນຄວາມຮຸນແຮງຈາກການຕິດເຊື້ອພະຍາດໂຄວິດ-19 ໄດ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.