ໜຸ່ມລາວຮັກແທ້ ຂີ່ລົດຈັກນຳຮອດເມືອງໄທປະໂທ້

    0
    280

    ຮັກແທ້ຈາກໜຸ່ມລາວ ໃຈເອົາສຸດໆກັບຄວາມຮັກຄັ້ງນີ້ຫຼັງຈາກທີ່ໄດ້ຕິດຕໍ່ລົມກັນຍາວນານໜຶ່ງເດືອນຕັດສິນໃຈແນ່ວແນ່ ຂີ່ລົດຈັກຈາກເມືອງລາວໄປຕາມຫາສາວເຈົ້າຂອງຫົວໃຈທີ່ເມືອງໄທ.

    ເຊິ່ງວັນທີ 5 ເມສາ 2022 ເວບາ 12:00 ເຈົ້າໜ້າທີ່ທາງຫຼວງຂອງໄທ ທີ່ອຳນາດຈະເລີນ ໜ່ວຍບໍລິການຕຳຫຼວດທາງຫຼວງມຸກດາຫານໄດ້ຈັບກຸມຕົວທ້າງພູລົມ ແກ້ວພູມມາອາຍຸ 40 ປີມາຈາກນະຄອນໄກສອນພົມວີຫານ ແຂວງສະຫວັນນະເຂດຂອງລາວພ້ອມລົດຈັກຄູ່ໃຈຮອນດ້າເວັບສີດຳປອນ ເລກທະບຽນ 9240 ສະຫວັນນະເຂດຈຳນວນ 1 ຄັນ.

    ເຈົ້າໂຕສາລະພາບວ່າ ອອກເດີນທາງຈາກນະຄອນໄກສອນ ແຂວງສະຫວັນນະເຂດ ເພື່ອມາຫາແຟນສາວທີ່ລົມກັນຜ່ານທາງເຟສບຸກ ຊິ່ງອ້າງວ່າເປັນສິລະປິນ ຊື່ຕ່າຍອໍລະໄທ.

    ໂດຍທັງສອງໄດ້ຮູ້ຈັກກັນຜ່ານທາງເຟສບຸກປະມານ 1 ເດືອນມານີ້ ແລະໄດ້ນັດກັນມາໃຫ້ຂ້າມມາຫາຝ່າຍຍິງຢູ່ຝັ່ງໄທທີ່ ທາດພະນົມ ເຊິ່ງຢ່າງຫ່າງຈາກຈຸດທີ່ຕຳຫຼວດຈັບໄດ້ປະມານ 28 ກິໂລແມັດ.

    ສ່ວນເສັ້ນທາງເຂົ້າມານັ້ນ ໜຸ່ມໃຫຍ່ຄົນນີ້ຢືນຢັນວ່າຂີ່ລົດຈັກຜ່ານມາທາງຂົວມິດຕະພາບລາວ-ໄທແຫ່ງທີ2 ແຕ່ເຈົ້າໜ້າທີ່ໄດ້ຕັ້ງຂໍ້ຫາເປັນບຸກຄົນຕ່າງດ້າວລົບໜີເຂົ້າມາຢູ່ລາຊະອານາຈັກໄທໂດຍບໍ່ໄດ້ຮັບອະນຸຍາດ.

    ແລະຍັງຕ້ອງສອບປາກຄຳເພີ່ມເຕີມເພື່ອໃຫ້ຮູ້ ຄວາມເປັນຈີງວ່າຂ້າມມາແນວໃດກັນແທ້ ສ່ວນຂໍ້ຫາເພີ່ມແມ່ນຕ້ອງລໍຖ້າຕຳຫຼວດມຸກດາຫານມາສົມທົບກ່ອນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.