ແຈ້ງການ ກ່ຽວກັບການສະຫລອງປີໃໝ່ຫ້າມຈັດກິດຈະກຳຕ່າງທີ່ມີຄວາມສ່ຽງຕໍ່ການລະບາດຂອງພະຍາດໂ ຄ ວິ ດ

    0
    296

    ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຈ້ງການ ກ່ຽວກັບການສະຫລອງປີໃໝ່ໄລຍະການລະບາດໂຄວິດ-19

    ວັນທີ 4 ເມສາ 2022 ນີ້ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຈ້ງການ ໂດຍມີລາຍລະອຽດດັ່ງນີ້:

    ໃນສະພາບການປັດຈຸບັນ ເຫັນວ່າ ການແຜ່ລະບາດຂອງພະຍາດ ໂຄວິດ-19 ຍັງສືບຕໍ່ແຜ່ລະບາດຂະຫຍາຍເປັນວົງກວ້າງ ໃນຂອບເຂດທົ່ວປະເທດ; ສະນັ້ນ,ຈຶ່ງແຈ້ງການແນະນໍາຈັດຕັ້ງປະຕິບັດໃນໄລຍະວັນທີ 05-30 ເມສາ 2012 ດັ່ງນີ້:

    1.ການສະເຫຼີມສະຫຼອງບຸນປີໃຫມ່ລາວຕ້ອງເຊີດຊູນ້ໍາໃຈປະຢັດມັດທະຍັດ, ມີບັນຍາກາດລຽບງ່າຍ, ຖືກຕ້ອງຕາມຮີດຄອງປະເພນີ ແລະ ຂະນົບທໍານຽມອັນດີງາມຂອງຊາດລາວ ເຊັ່ນ: ການສັກກະລະບູຊາ, ສົງນ້ໍາພະ ແລະ ບາສີສູ່ຂວັນພາຍໃນຄອບຄົວ.

    2.ຫ້າມຈັດກິດຈະກໍາໃດໆທີ່ມີຄວາມສ່ຽງຕໍ່ການແພ່ລະບາດຂອງພະຍາດໂຄວິດ-19 ທີ່ຕິດພັນກັບກິດຈະກໍາ ຕ່າງໆ ທີ່ມີຊຸມຊົນເຂົ້າຮ່ວມຢ່າງຫນາແຫນ້ນເຊັ່ນ: ການຈັດງານຄອນເສີດ, ການເສບດົນຕີ,ການສະແດງສິລະ ປະດົນຕີກາງແຈ້ງຢູ່ຕາມສະຖານທີ່ບໍລິເວນອ້ອມຮອບວັດວາອາຮາມ, ສະຖານທີ່ທ່ອງທ່ຽວ, ສວນອາຫານ,ສວນນ້ໍາ, ຣີສອດ,ຮ້ານອາຫານ ແລະ ແຄມແມ່ນ້ໍາຕ່າງໆ;

    3. ຫ້າມນຸ່ງເຄື່ອງໂປ້ເປືອຍ ຫຼື ເຄື່ອງບໍ່ສຸພາບ ແລະ ປະພຶດໃນສິ່ງລາມົກອະນາຈານຢູ່ຕາມວັດວາອາຮາມ, ສະຖານທີ່ສັກກາລະບູຊາ ແລະ ສະຖານທີ່ສາທາລະນະຕ່າງໆ:4.ສືບຕໍ່ປິດການໃຫ້ບໍລິການຮ້ານຄາຣາໂອເກະ ແລະ ສະຖານບັນເທີງຕ່າງໆ ຢ່າງເດັດຂາດ;

    5.ການປະຈໍາການຂອງບັນດາກົມກອງ, ພະແນກຖວທ ໃນມື້ພັກບຸນປີໃຫມ່ລາວ ຖ້າບ່ອນໃດມີຄວາມຈໍາເປັນໃນຫນ້າວຽກງານແມ່ນໃຫ້ແຕ່ງຕັ້ງປະຈໍາການເປັນຕົ້ນແມ່ນບັນດາສື່ມວນຊົນ. ນອກຈາກມື້ພັກບູນປີໃຫມ່ ລາວແລ້ວແມ່ນໃຫ້ປະຈໍາການປົກກະຕິແຕ່ຖ້າກໍລະນີຢູ່ບ່ອນໃດມີການຕິດເຊື້ອພະຍາດໂຄວິດ-19 ຫຼື ມີ ຄວາມແອອັດທີ່ມີຄວາມສ່ຽງໃນການແຜ່ເຊື້ອ ແມ່ນມອບໃຫ້ຄະນະຮັບຜິດຊອບຢູ່ແຕ່ລະບອ່ນເປັນຜູ້ພິຈາ ລະນາອາດພັດປ່ຽນກັນມາປະຈໍາການກໍ່ໄດ້, ສ່ວນຜູ້ບໍ່ໄດ້ມາປະຈໍາການແມ່ນໃຫ້ເຮັດວຽກຜ່ານລະບົບເອເລັກໂຕຣນິກຢູ່ເຮືອນ;

    6.ການຈັດກອງປະຊຸມ, ສໍາມະນາ, ຝຶກອົບຮົມຖ້າບໍ່ຈໍາເປັນແມ່ນໃຫ້ໂຈະ ຫຼື ເລື່ອນໄປກ່ອນ, ໃນກໍລະນີຈໍາເປັນກໍ່ສາມາດຈັດໄດ້ ແຕ່ຕ້ອງຈໍາກັດຜູ້ເຂົ້າຮ່ວມບໍ່ເກີນ 50 ຄົນ ແລະ ໃຫ້ປະຕິບັດມາດຕະການປ້ອງກັນ ເຊື້ອພະຍາດໂຄວິດ-19 ທີ່ຄະນະສະເພາະກິດວາງອອກຢ່າງເຂັ້ມງວດ ຫຼື ໃຫ້ປະຊຸມທາງໄກຜ່ານລະບົບເອເລັກໂຕຣນິກ;

    7.ມອບໃຫ້ບັນດາກົມກອງ ແລະ ພະແນກ ຖວທ ປະສານສົມທົບກັບພາກສ່ວນທີ່ກ່ຽວຂ້ອງຈັດຕັ້ງປະຕິບັດຕາມແຈ້ງການສະບັບນີ້ຢ່າງເຂັ້ມງວດ.ສ່ວນມາດຕະການດ້ານອື່ນໆ ແມ່ນໃຫ້ປະຕິບັດຕາມແຈ້ງການຂອງ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຂັ້ນສູນກາງ ແລະ ທ້ອງຖິ່ນຂອງຕົນວາງອອກຢ່າງເຂັ້ມງວດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.