ເກີດເຫດ ໄຟໄຫມ້ເຮືອນ ເສຍຫາຍ 1 ຫລັງຢູ່ບ້ານ ຈອມມະນີ

    0
    189

    ໃນເວລາ 19:00 ໂມງ ຂອງວັນທີ 31 ມີນາ 2022 ໄດ້ມີເຫດການໄຟໄຫມ້ເຮືອນ 2 ຊັ້ນ, ຢູ່ບ້ານຈອມມະນີ ເມືອງໄຊເສດຖາ ນະຄອນກລວງວຽງຈັນ ເສຍຫາຍ 1 ຫລັງ ຈຳນວນ 3 ຫ້ອງ.

    ເຈົ້າຫນ້າທີ່ ພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ປກສ ນະຄອນຫຼວງວຽງຈັນ ໄດ້ຮັບແຈ້ງ ວ່າ: ມີເຫດການໄຟໄໝ້ ເຮືອນ ຕັ້ງຢູ່ບ້ານ ຈອມມະນີ ໜ່ວຍ 47 ເມືອງ ໄຊເສດຖາ ຈິ່ງໄດ້ກຽມພ້ອມພາຫະນະ ແລະ ກໍາລັງພົນອອກໄປຫາຈຸດເກີດເຫດ ໂດຍໃຊ້ລົດມອດໄຟ ຈຳນວນ 3 ຄັນ, ພະນັກງານ 16 ສະຫາຍ ເມື່ອມາເຖີງຈຸດເກີດເຫດເຈົ້າໜ້າທີ່ວິຊາສະເພາະ ຂອງພວກເຮົາກໍໄດ້ເຂົ້າມອດໄຟທີ່ໄໝ້ຢູ່ ນັ້ນ ໃຊ້ເວລາດັບມອດ 3 ຊົ່ວໂມງ ໄຟກໍ່ດັບມອດລົງ.

    ເຮືອນ ຫຼັງດັ່ງກ່າວແມ່ນເປັນເຮືອນ ຂອງ ທ້າວ ລິນທອງ ຫອມມະນີຈັນ (ເຈົ້າຂອງເຮືອນຫ້ອງແຖວ ໃຫ້ເຊົ່າ ) 72 ປີ, ອາຊີບ ພະນັກງານບຳນານ, ບ້ານ ຢູ່ປະຈຸບັນ ບ້ານ ຈອມມະນີ ໜ່ວຍ 47 ເມືອງ ໄຊ ເສດຖາ; ເປັນເຮືອນ( ມີລັກສະນະຫ້ອງແຖວ ) ສອງຊັ້ນ ກໍ່ດ້ວຍຊີມັງ ມຸ່ງດ້ວຍແຜ່ນ ກະເບື້ອງ 12 m x 10 m ຜົນເສຍຫາຍ ເຮືອນຕ້ອງຖືກໄໝ້ໝົດ 1 ຫຼັງ

    ສອງຊັ້ນ ຈຳນວນ 3 ຫ້ອງມູນຄ່າເສຍຫາຍ ຍັງຢູ່ໃນລະຫວ່າງການປະເມີນ.ໄ ຟ ໄ ຫມ້ ຄັ້ງນີ້ ເລີ່ມຈາກຫ້ອງຂອງ ນາງ ສາລີ ສີປະມາຍ ຜູ້ເຊົ່າຫ້ອງ ( ຫ້ອງຕົ້ນເພິງ ) ອາຍຸ 23 ປີ ອາຊີບ ນັກສຶກສາ. ຜົນເສຍຫາຍ: ແມ່ນ ເຄື່ອງໃຊ້, ເຄື່ອງໄຟຟ້າ ແລະ ເງິນຈຳນວນໜຶ່ງຖືກໄໝ້ໝົດ. ມູນຄ່າເສຍຫາຍ ຍັງຢູ່ໃນລະຫວ່າງການເມີນຜົນເສຍຫາຍ.ສາເຫດ ຍັງຢູ່ໃນຄັນຕອນການດໍາເນີນການສືບສວນ – ສອບສວນຂອງເຈົ້າໜ້າທີ່.

    ຂ່າວ: ບຸນຖິນ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.