ໄລເດີ້ຄວັກປະລິນຍາ 2 ໃບມາໂຊ ຫຼັງຖືກດູຖູກບໍ່ມີການສຶກສາຈຶ່ງມາເຮັດວຽກນີ້

    0
    241

    “ນໍລາດມາລີ” ໄລເດີ້ຊາວມາເລເຊຍອາຍຸ 26 ປີ ໄດ້ກາຍເປັນໄວຣັສຫຼັງຈາກເຂົາໂພສຄິບລົງໃນຕິກຕ໊ອກ ເປັນນາທີທີ່ເຂົາສວມເຄື່ອງແບບໄລເດີ້ຕາກຝົນຈົນປຽກໄປທັງຕົວ ພ້ອມບອກກັບຕົວເອງໃຫ້ອົດທົນກັບການຜະເຊີນອາກາດທີ່ຍ່ຳແຍ່

    ຢ່າງໃດກໍຕາມ ເກີດດຣາມ່າຂຶ້ນເພາະຊາວເນັດບາງຄົນເບິ່ງວ່າ ເຂົາກຳລັງພະຍາມເຮັດຕົວໃຫ້ເບິ່ງໜ້າສົງສານຮຽກຮ້ອງຄວາມເຫັນໃຈຈາກຜູ້ຄົນ ບາງຄົນກໍ່ກ່າວຫາຮຸນແຮງວ່າສາເຫດທີ່ເຂົາຕ້ອງມາເຮັດວຽກເປັນໄລເດີ້ ລຳບາກຂັບລົດຂົນສົ່ງເຄື່ອງຈົນສົ່ງອາຫານ ເພາະເຂົາບໍ່ຕັ້ງໃຈຮຽນໜັງສື ຫຼືບໍ່ກໍ່ຫາວ່າເຂົາບໍ່ມີການສຶກສາ

    ບໍ່ດົນເຂົາໄດ້ອອກມາຕອບໂຕ້ຄວາມເຫັນເຊີງລົບເຫຼົ່ານີ້ ດ້ວຍການໂຊໃບປະລິນຍາເຖິງ 2 ໃບ ໜຶ່ງໃນນັ້ນມີໃບປະລິນຍາສາຂາວິສະວະກຳແປງບຳລຸງອາກາດຍານຈາກ UnikL MIAT

    ເຂົາໃຫ້ສຳພາດເພີ່ມເຕີມວ່າ ເລີ່ມເຮັດວຽກເປັນໄລເດີ້ມາຕັ້ງແຕ່ເດືອນທັນວາປີທີ່ແລ້ວ ໄລເດີ້ຖືເປັນງານເສີມເພື່ອຊ່ວຍທຸລະກິດຂອງຄອບຄົວເນື່ອງຈາກທາງຄອບຄົວເຮັດທຸລະກິດຂາຍອາຫານ

    “ຫຼັງຈາກຮຽນຈົບ ຂ້ອຍຊ່ວຍຄອບຄົວດູແລທຸລະກິດນ້ອຍໆ ພໍ່ຂອງຂ້ອຍມີແຜງຂາຍເບີເກີ້ເປັນຂອງຕົວເອງ ສ່ວນແມ່ໂລຈັກ (ສະລັດພື້ນເຮືອນ) ຂ້ອຍເລີຍຕັດສິນໃຈເຮັດວຽກເປັນໄລເດີ້ທີ່ຈະໄດ້ຮັບເງິນ ໃນຂະນະດຽວກັນກໍຊ່ວຍພໍ່ແມ່ສົ່ງອາຫານໃຫ້ກັບລູກຄ້າ ດູແລທຸລະກິດຂອງຄອບຄົວໄດ້

    ເມື່ອເວົ້າເຖິງເລື່ອງດຣາມ່າ ເຂົາກ່າວວ່າບໍ່ໄດ້ຮູ້ສຶກກົດດັນແຕ່ຢ່າງໃດ ເພາະເຂົ້າໃຈວ່າແຕ່ລະຄົນອາດພົບເລື່ອງດຣາມ່າບໍ່ຄືກັນ ແລະທີ່ເຂົາໂພສພາບໃບປະລິນຍານັ້ນ ບໍ່ໄດ້ເຮັດເພາະຢາກອວດອ້າງ ແຕ່ຢາກສະແດງໃຫ້ຄົນເຫັນວ່າ ຄວນເຄົາລົບແກ່ທຸກອາຊີບ ບໍ່ວ່າຈະເປັນໄລເດີ້ຫຼືຄົນໃຊ້ແຮງງານທົ່ວໄປກໍຕາມ

    “ຄົນທີ່ວາງງານບໍ່ຈຳເປັນຕ້ອງບໍ່ມີການສຶກສາ ມັນເປັນພຽງເພາະພວກເຂົາບໍ່ໄດ້ງານທີ່ເໝາະກັບການສຶກສາຂອງພວກເຂົາເທົ່ານັ້ນ ແລະ ການເຮັດວຽກເປັນໄລເດີ້ສົ່ງອາຫານກໍ່ບໍ່ແມ່ນເລື່ອງຜິດອີກດ້ວຍ”

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.