ຖ້ຽວບິນ China Eastern ທີ່ຕົກລົງພ້ອມຜູ້ໂດຍສານພົບກ່ອງດຳແລ້ວ

    0
    182

    ເຫດການອຸບັດຕິເຫດເຮືອບິນໂດຍສານຂອງສາຍການບິນ China Eastern Airlines  ຖ້ຽວບິນ MU5735 ພາຍຫຼັງເກີດເຫດ ບັນດາໜ່ວຍກູ້ໄພໄດ້ເຮັດວຽກຢ່າງໜັກຄົ້ນຫາເປັນໜ້າກະດານຈົນມາຮອດເວລາ 16.00 ໂມຂອງວັນທີ 23 ມີນາ 2022  ໄດ້ຄົ້ນພົບກ່ອງດຳແລ້ວ.

    ແຕ່ການຄົ້ນພົບດັ່ງກ່າວຍັງມີພຽງກ່ອງດຽວໃນ2 ກ່ອງທີ່ມີຢູ່ ແລະກ່ອງດຳທີ່ພົບແລ້ວນັ້ນແມ່ນເສຍຫາຍຢ່າງຮຸນແຮງ ຈິ່ງບໍ່ສາມາດລະບຸຂໍ້ມູນທີ່ບັນທຶກສຽງໃນຫ້ອງຂັບເທື່ອ.

    ຂ່າວໃຫ້ຮູ້ວ່າ ເຮືອນບິນລຳດັ່ງກ່າວກ່ອນຈະຂຶ້ນບິນ ໄດ້ສອດຄ່ອງກັບມາດຕະຖານຕາມຄວາມຮຽກຮ້ອງ ຕ້ອງການດ້ານການບິນ
    ເວລາ 21:00 ໂມງຂອງວັນທີ 22 ມີນາຜ່ານມາ ກອງບັນຊາການແກ້ໄຂບັນຫາແລະຮັບມືສຸກເສີນແຫ່ງຊາດຈີນໄດ້ຈັດກອງປະຊຸມຖະແຫຼງຂ່າວຢູ່ນະຄອນອູໂຈ່ວເຂດກວາງຊີຈີນ ໂດຍໄດ້ຖະແຫຼງຄວາມຄືບໜ້າຂອງການສືບສວນ-ສອບສວນຫາສາເຫດກ່ຽວກັບເຫດການ ເຮືອບິນໂດຍສານຂອງບໍລິສັດ CHINA EASTERN ເກີດເຫດຕົກ ແລະ ໃຫ້ຄຳຕອບຕໍ່ບັນຫາຕ່າງໆທີ່ສັງຄົມໃຫ້ຄວາມສົນໃຈ.


    ຂ່າວລາຍງານວ່າ, ເຮືອບິນໂດຍສານຂອງບໍລິສັດ CHINA EASTERN ຖ້ຽວບິນ MU5735 ໄດ້ບິນອອກຈາກນະຄອນຄຸນມິງໃນເວລາ 13:16 ໂມງ ຂອງວັນທີ 21 ມີນານີ້, ຮອດເວລາ 14:17 ໂມງ ໄດ້ບິນໄປເຖິງເຂດອາກາດທີ່ຄຸ້ມຄອງໂດຍນະຄອນກວາງໂຈ່ວໃນ ລະດັບຄວາມສູງ 8.900 ແມັດ. ເວລາ 14:20 ໂມງ, ພະນັກງານຄວບຄຸມການຈະລາ ຈອນທາງອາກາດໄດ້ພົບລະດັບຄວາມສູງການບິນຂອງເຮືອບິນລຳນີ້ຕົກຕ່ຳລົງຢ່າງວ່ອງໄວ ແລະກະທັນຫັນ ຈຶ່ງໄດ້ໃຊ້ສັນຍານເອີ້ນຈຸບິນຫຼາຍເທື່ອທັນທີ, ແຕ່ກໍບໍ່ໄດ້ຮັບສັນຍານຕອບ ຈັກເທື່ອ, ຮອດເວລາ 14:23 ໂມງ, ເຮືອບິນລຳນີ້ໄດ້ສູນຫາຍໄປຈາກລະບົບຣາດາ.

    ຈາກນັ້ນໄດ້ກວດສອບແລະຢືນຢັນວ່າ, ເຮືອບິນລຳດັ່ງກ່າວໄດ້ເກີດເຫດຕົກຢູ່ບໍລິເວນເມືອງ ເຖິງຊ້ຽນ ນະຄອນອູໂຈ່ວ ເຂດປົກຄອງຕົນເອງເຜົ່າຈ້ວງກວາງຊີ ຈາກການກວດສອບຂອງບັນດາທີມກູ້ໄພແມ່ນຍັງບໍ່ໄດ້ຄົ້ນພົບຜູ້ລອດຊີວິດ ແລະອົງການປ້ອງກັນຄວາມສະຫງົບ ທ້ອງຖິ່ນໄດ້ປິດສະຖານທີ່ເກີດເຫດແລ້ວ.

    ເຫັນແລ້ວເສົ້າສະຫຼົດໃຈແຮງ ບໍຢາກໃຫ້ເຫັນເຫດການແບບນີ້

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.