ນະຄອນຫລວງອອກຄຳສັ່ງ ຫ້າມເປີດສຽງ ດັງລົບກວນອາດຖືກປັບໃໝ 10 ລ້ານ

    0
    256

    ນະຄອນຫລວງໃຫ້ 9 ເມືອງ ປະເມີນຄວາມສ່ຽງໂຄວິດ-19 ໃນການຈັດງານ ແລະ ກິດຈະກຳຕ່າງໆ

    ວັນທີ່ 18 ມີນາ 2022 ນີ້ ຫ້ອງວ່າການຫ້ອງວ່າການນະຄອນຫລວງວຽງຈັນ ອອກແຈ້ງການ ການປະເມີນຄວາມສ່ຽງ ຢູ່ສະຖານທີ່ຈັດງານ ແລະ ກິດຈະກໍາຕ່າງໆ ຢູ່ພາຍໃນ 09 ເມືອງ ທົ່ວນະຄອນຫລວງວຽງຈັນ ໃນໄລຍະທີ່ຍັງມີການແພ່ລະບາດຂອງພະຍາດ COVID-19ດັ່ງນີ້:

    1. ສໍາລັບ ການຈັດງານ ຫລື ກິດຈະກໍາອື່ນໆ ຈັດຕາມສະຖານທີ່ຕ່າງໆ ຂອງບ້ານ ຫລື ຢູ່ເຮືອນ ທີ່ຕິດພັນກັບຮີດຄອງ ປະເພນີ ເຊັ່ນ: ງານແຕ່ງດອງ, ງານໝັ້ນ, ງານມັດແຂນສູ່ຂວັນ, ງານຂຶ້ນເຮືອນໃໝ່, ບຸນວັດ ແລະ ງານອື່ນໆ ແມ່ນມອບ ໃຫ້ຄະນະຮັບຜິດຊອບວຽກງານຕ້ານພະຍາດ COVID-19 ຂັ້ນເມືອງ ເພື່ອກວດກາປະເມີນຄວາມສ່ຽງ, ໂດຍກໍານົດແຂກເຂົ້າຮ່ວມບໍ່ໃຫ້ເກີນ 150 – 200 ຄົນ ອີງຕາມຄວາມກວ້າງຂອງສະຖານທີ່ຈັດງານ, ພ້ອມທັງເຮັດບົດບັນທຶກສັນຍາ ແລະ ພິຈາລະນາ ອະນຸມັດ ຕາມລະບຽບການ.

    2. ສໍາລັບ ການຂໍຈັດກອງປະຊຸມ ຂອງອົງການຈັດຕັ້ງພາກລັດ-ເອກະຊົນ, ສັງຄົມ ແລະ ການຂໍຈັດງານ ຫລື ກິດຈະ ກໍາອື່ນໆ ທີ່ຈັດຢູ່ຫໍປະຊຸມ, ໂຮງແຮມ, ພັດຕະຄານ, ຮ້ານອາຫານ ແລະ ສະຖານທີ່ໃຫຍ່ໆອື່ນໆ ແມ່ນມອບໃຫ້ອານຸກໍາມະການປະເມີນສໍານັກງານ-ອົງການ, ສະຖານທີ່ຈັດງານ ແລະ ກິດຈະກໍາຕ່າງໆ ນະຄອນຫລວງວຽງຈັນ ເພື່ອກວດກາປະ ເມີນຄວາມສ່ຽງ, ໂດຍກໍານົດການເຊີນແຂກເຂົ້າຮ່ວມ ບໍ່ໃຫ້ເກີນ 400 ຄົນ ອີງຕາມຄວາມກວ້າງຂອງສະຖານທີ່ຈັດງານ, ພ້ອມທັງເຮັດບົດບັນທຶກສັນຍາ ແລະ ພິຈາລະນາອະນຸມັດ ຕາມລະບຽບການ ”
    ດັ່ງນັ້ນ, ຈຶ່ງແຈ້ງມາຍັງບັນດາທ່ານເພື່ອຊາບ ແລະ ຈັດຕັ້ງປະຕິບັດຕາມການຊີ້ນໍາຂ້າງເທິງນີ້ດ້ວຍ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.