ຫວຽດນາມຍົກເລີກກັກຕົວຊາວຕ່າງປະເທດ ໃຊ້ພຽງຜົນກວດໂ ຄ ວິ ດເປັນລົບ ຫລ້າສຸດພົບຜູ້ຕິດເຊື້ອ 2 ແສນຕໍ່ວັນ

    0
    106

    ຫວຽດນາມເປີດໃຫ້ຊາວຕ່າງປະເທດເດີນທາງເຂົ້າປະເທດໂດຍບໍ່ຕ້ອງກັກຕົວ ຢືນຢັນຄຸມການລະບາດໄດ້ເຖິງວ່າຜູ້ຕິດເຊື້ອຕໍ່ວັນຢູ່ຫລັກແສນ.

    ວັນທີ 15 ມີນາ 2022, ເວັບໄຊ VnExpress International ລາຍງານວ່າ: ກະຊວງສາທາລະນະສຸກຫວຽດນາມໄດ້ປະກາດຍົກເລີກມາດຕະການກັກຕົວນັກເດີນທາງຊາວຕ່າງປະເທດທີ່ເດີນທາງເຂົ້າມາໃນປະເທດແລ້ວ ໂດຍໃຊ້ພຽງຜົນກວດ RT-PCR ໄລຍະ 72 ຊົ່ວໂມງກ່ອນເດີນທາງ ຫລື ຜົນກວດ ATK ໄລຍະ 24 ຊົ່ວໂມງກ່ອນເດີນທາງເທົ່ານັ້ນ.

    ຖ້າຜູ້ເດີນທາງບໍ່ສາມາດກວດຫາເຊື້ອໂຄວິດ-19 ກ່ອນເດີນທາງມາເຖິງໄດ້ ກໍສາມາດກວດເຊື້ອພາຍໃນ 24 ຊົ່ວໂມງຫລັງເດີນທາງມາເຖິງໄດ້ເຊັ່ນກັນ ແລະ ສາມາດອອກຈາກທີ່ພັກອາໄສໄດ້ທັນທີທີ່ມີຜົນກວດເປັນລົບ.

    ໂດຍຜູ້ເດີນທາງຕ້ອງເຝົ້າສັງເກດອາການຂອງຕົນເປັນເວລາ 10 ວັນຫລັງເດີນທາງມາເຖິງ ແລະ ຕ້ອງແຈ້ງໃຫ້ເຈົ້າໜ້າທີ່ຮູ້ຖ້າມີອາການຂອງພະຍາດໂຄວິດ-19 ແລະ ໃຊ້ແອັບພລິເຄຊັນຕິດຕາມຕົວຕະຫລອດໄລຍະທີ່ຢູ່ໃນຫວຽດນາມ.

    ປັດຈຸບັນຫວຽດນາມມີລາຍງານຜູ້ຕິດເຊື້ອແຕ່ລະວັນສະເລ່ຍເຖິງ 2 ແສນຄົນຕໍ່ວັນ ຈາກການລະບາດຂອງເຊື້ອກາຍພັນ ສາຍພັນໂອມິຄຣອນ, ແຕ່ທາງກະຊວງສາທາລະນະສຸກຍັງຢືນຢັນວ່າສາມາດຄວບຄຸມສະຖານະການໄດ້ ເນື່ອງຈາກອັດຕາການເສຍຊີວິດ ແລະ ການເຂົ້າໂຮງໝໍຢູ່ໃນລະດັບຕໍ່າເມື່ອທຽບໃສ່ຈຳນວນຜູ້ຕິດເຊື້ອ.

    ຂໍ້ມູນຫລ້າສຸດໃນວັນທີ 15 ມີນາ ລະບຸວ່າ: ຫວຽດນາມມີຜູ້ເສຍຊີວິດຈາກໂຄວິດ 68 ຄົນ ແລະ ມີຄ່າສະເລ່ຍໃນໄລຍະ 7 ວັນຜ່ານມາມີ 81 ຄົນຕໍ່ວັນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.