ຢາກເປັນໜັກທຸລະກິດວາງແຜນແຕ່ທ້າຍປີ 2021 ເລີ່ມຕົ້ນມາຂາຍ ຢ າ ເ ສ ບ ຕ ິ ດ ສຸດທ້າຍຖືກກັກໂຕ

    0
    286

    ກອງບັນຊາການ ປກສ ເມືອງໄຊທານີ ສົມທົບກັບຫ້ອງຕຳຫຼວດ ປກສ ນະຄອນຫຼວງວຽງຈັນ ແກ້ໄຂເປົ້າໝາຍຄ້າຂາຍ ຢ າ ເ ສ ບ ຕິ ດ ພາຍຫຼັງເປີດກວ້າງ ຕາມການຊັດທອດ ເຖິງຜູ້ຮ່ວມ ກ ະ ທຳ ຜິ ດຢູ່ບ້ານຄົກເພີງ ເມືອງສັງທອງ ກັກຕົວໄດ້ 3 ຄົນຊື່ ນາງ ຫັດສະດີ ອາຍຸ 29 ປີ ຄ້າຂາຍ, ນາງ ລັດສະໝີ ອາຍຸ 28 ປີ ຄ້າຂາຍ ແລະ ທ້າວ ປ໋ອບປີ້ ອາຍຸ 28 ປີ ທັງສາມຄົນຢູ່ບ້ານຄົກເພີງ ພ້ອມ ຢ 8.000 ເມັດ ໃນວັນທີ 19 ກຸມພາ 2022.

    ຜ່ານການສືບສວນ-ສອບສວນ ພວກກ່ຽວຮັບສາລະພາບວ່າ: ໃນທ້າຍປີ 2021 ໄດ້ມີການ ວາງແຜນຄ້າຂາຍ ຢ າ ເ ສ ບ ຕິ ດ, ແຕ່ຍັງບໍ່ທັນໄດ້ລົງມືເຮັດ ຕົກມາຮອດວັນທີ 19 ກຸມພາ 2022 ໄດ້ມີໄວລຸ້ນ ໂທຫາ ຈຶ່ງສັ່ງຊື້ຢາບ້າ 8.000 ເມັດ ນຳນາງ ລັດສະໝີ ເມື່ອໄດ້ ຢ ມາແລ້ວ ນາງ ຫັດສະດີ ໄດ້ນຳເອົາມາເກັບຮັກສາໄວ້ຢູ່ເຮືອນ ໂດຍມີທ້າວ ປ໋ອບປີ້ ແຟນຊາຍ ຮູ້ເຫັນເຫດການນຳ ຕໍ່ມາເວລາ 15:30 ໂມງ ຈິ່ງຖືກເຈົ້າໜ້າທີ່ເຂົ້າກັກຕົວພວກກ່ຽວທັງສອງ ຜ່ານການກວດຄົ້ນພົບເຫັນຂອງກາງຈຳນວນດັ່ງກ່າວ, ສ່ວນ ນາງ ລັດສະໝີ ໄດ້ໃຫ້ຮູ້ອີກວ່າ: ພາຍຫຼັງທີ່ນາງ ຫັດສະດີ ໄດ້ໂທສັ່ງຊື້ ຢ ຕົນເອງໄດ້ໄປຊື້ ຢ ນຳຜູ້ຍິງຄົນໜຶ່ງ ອາຍຸປະມານ 30 ປີ ຢູ່ບ້ານທາດຫຼວງເໜືອ ຈຳນວນ 8.000 ເ ມັ ດ ແລະ ເອົາໄປສົ່ງໃຫ້ ນາງ ຫັດສະດີ ຈາກນັ້ນ ຈິ່ງກັບມາຂາຍເຄື່ອງຢູ່ຮ້ານປົກກະຕິ ຢູ່ບ້ານຄົກເພີງ ຕົກມາຮອດເວລາ 16: 00 ໂມງ ຂອງວັນດຽວກັນ ຈິ່ງຖືກເຈົ້າໜ້າທີ່ກັກຕົວ.

    ປັດຈຸບັນ ກອງບັນຊາການ ປກສ ເມືອງໄຊທານີ ພວມເລັ່ງຕິດຕາມຫາກຸ່ມແກ້ງຮ່ວມຄ້າຂາຍ ຢ າ ເ ສ ບ ຕິ ດ ເພື່ອນຳຕົວມາດຳເນີນຄະດີຕາມຂັ້ນຕອນຂອງກົດໝາຍ

    ຂ່າວ: ປກສ ນວ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.