ກົມອຸຕຸແຈ້ງເຕືອນ‼️ລະວັງສະພາບຝົນຕົກໜັກ, ລົມພັດແຮງໄລຍະ 7-8 ມີນານີ້

    0
    218

    ກົມອຸຕຸແຈ້ງເຕືອນ‼️ລະວັງສະພາບຝົນຕົກໜັກ, ລົມພັດແຮງໄລຍະ 7-8 ມີນານີ້

    ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ ໃນໄລຍະວັນທີ 7 ຫາ 13 ມີນາ 2022 ວ່າ: ໃນໄລຍະວັນທີ 7 ຫາ 8 ມີນານີ້ ຄວາມກົດດັນສູງຂອງອາກາດໜາວເຢັນຈະປົກຄຸມຢູ່ທຸກພາກ ຂອງປະເທດລາວດ້ວຍກຳລັງອ່ອນ ຫາ ປານກາງ, ສົມທົບກັບກະແສລົມຕາເວັນອອກ- ຕາເວັນອອກສ່ຽງເໜືອ ພັດປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ມີຝົນຕົກຟ້າຮ້ອງ-ຟ້າເຫຼື້ອມ, ໝາກເຫັບຕົກ, ພ້ອມເກີດມີລົມພາຍຸທ້ອງຖິ່ນເປັນບາງໂອກາດໃນແຕ່ລະພາກຢູ່ໃນທ້າຍຕອນບ່າຍ ຫາ ຕອນກາງຄືນ​ ແລະ ແຈ້ງເຕືອນເຖິງພໍ່ແມ່ປະຊາຊົນບັນດາເຜົ່າ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ, ຟ້າຮ້ອງ – ຟ້າເຫຼື້ອມ, ໝາກເຫັບຕົກ ແລະ ລົມພາຍຸທ້ອງຖິ່ນ ທີ່ຈະເຮັດໃຫ້ມີຕົ້ນໄມ້, ເສົາໄຟຟ້າ, ປ້າຍໂຄສະນາຫັກລົ້ມ ແລະ ຫຼັງຄາເຮືອນເປ່ເພ.

    ຫຼັງຈາກນັ້ນວັນທີ 9 ຫາ 13 ມີນາ 2022 ຄວາມກົດດັນອາກາດຕໍ່າຈະປົກຄຸມຢູ່ທຸກພາກຂອງປະເທດລາວ, ສົມທົບກັບກະແສລົມຕາເວັນຕົກພັດປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ອາກາດຮ້ອນຂຶ້ນໃນຕອນບ່າຍ ແລະ ມີໝອກແຫ້ງປົກຫຸ້ມໃນຕອນກາງເວັນໂດຍສະເພາະຢູ່ແຂວງພາກເໜືອດ້ານຕາເວັນຕົກລົງ ຫາ ພາກກາງ ແລະ ພາກໃຕ້ ຈະມີຝົນຕົກໃນລະດັບຄ່ອຍ ແລະ ມີລົມພັດແຮງເປັນບາງໂອກາດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.