ຍີ່ປຸ່ນ​ ໃຫ້ທຶນຊ່ວຍເຫຼືອສ້ອມແປງຕຶກຊຶມເຊື້ອ ໂຮງໝໍແຂວງຈຳປາສັກ​ ມູນຄ່າ 365.​000 ກ່ວາໂດລາ

    0
    109

    ຍີ່ປຸ່ນ​ ໃຫ້ທຶນຊ່ວຍເຫຼືອສ້ອມແປງຕຶກຊຶມເຊື້ອ ໂຮງໝໍແຂວງຈຳປາສັກ​ ມູນຄ່າ 365.​000 ກ່ວາໂດລາ.

    ໃນຕອນເຊົ້າວັນທີ 1 ມີນາ 2022 ນີ້ ທີ່ສະຖານທູດຍີ່ປຸ່ນ ປະຈຳລາວ ນະຄອນຫຼວງວຽງຈັນ ໄດ້ມີພິທີມອບທຶນ ຊ່ວຍເຫຼືອກໍ່ສ້າງແລະ ສ້ອມແປງ ຕຶກຊຶມເຊື້ອ ໂຮງໝໍແຂວງຈຳປາສັກ ມູນຄ່າ 365.​000 ກ່ວາໂດລາ ຈາກລັດຖະບານ ແລະ ປະຊາຊົນຍີ່ປຸ່ນ ເປັນກຽດມອບຂອງທ່ານ ເຄນອິຈິ ໂຍບະຢະຊິ (kenichi KOBATASHI) ເອກອັກຄະຣາຊະທູດຍີ່ປຸ່ນປະຈໍາ ສປປ ລາວ​ ຮ່ວມພິທີຮັບມີ​ ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ,​ ທ່ານ ດຣ ວຽງສີ ສຸພັກດີ ຫົວໜ້າພະແນກສາທາລະນະສຸກແຂວງຈຳປາສັກ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ກ່າວວ່າ:

    ພວກຂ້າພະເຈົ້າ ຂໍໃຫ້ຄຳໝັ້ນສັນຍາວ່າ ຈະນໍາເອົາການຊ່ວຍເຫຼືອ ດັ່ງກ່າວ ນຳໃຊ້ເຂົ້າໃນໂຄງການ ກໍ່ສ້າງຕໍ່ເຕີມຕຶກຊືມເຊື້ອ ໂຮງໝໍແຂວງຈຳປາສັກ ເພື່ອຮັບປະກັນການເຂົ້າເຖິງການບໍລິການປິ່ນປົວຂອງ ປະຊາຊົນ ໃນ 4 ແຂວງພາກໃຕ້ ຢ່າງທົ່ວເຖີງ, ເພື່ອມີສະຖານທີ່ຮັບຮອງປິ່ນປົວພະຍາດຊືມເຊື້ອຢ່າງ ພຽງພໍ, ຫຼຸດຜ່ອນຄວາມແອອັດ ຂອງຄົນເຈັບຢູ່ໃນຕຶກນອນປິ່ນປົວທົ່ວໄປໄດ້ເປັນຢ່າງດີ, ເພື່ອອຳນວຍ ຄວາມສະດວກສະບາຍ ແກ່ຄົນເຈັບ ທີ່ເຂົ້າມາປີ່ນປົວ, ໂດຍສະເພາະແມ່ນເພື່ອຄວບຄຸມການແຜ່ເຊື້ອ ຂອງພະຍາດຊືມເຊື້ອຕ່າງໆ, ຮັບປະກັນໃຫ້ເກີດປະໂຫຍດສູງສຸດ ແລະ ຫວັງຢ່າງຍິ່ງວ່າ ລັດຖະບານຍີ່ ປຸນກໍຄືສະຖານທູດຍີ່ປຸ່ນປະຈຳ ສປປ ລາວ ຈະສືບຕໍ່ໃຫ້ການຊ່ວຍເຫຼືອ ແລະ ສ້າງສາຍພົວພັນ ມິດຕະພາບອັນດີງາມ-ການຮ່ວມມື ເຊິ່ງກັນ ແລະ ກັນ ຕະຫຼອດໄປ.
    ເນື້ອໃນຂ່າວ: ເກດສະໜາ ແກ້ວສຸວັນນະແສງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.