ບໍລິສັດ ທາງລົດໄຟລາວ-ຈີນ ເປີດຈຸດ ຂາຍປີ້ ຢູ່ສູນການຄ້າວຽງຈັນເຊັນເຕີ

    0
    110

    ຂປລ. ບໍລິສັດ ທາງລົດໄຟລາວ-ຈີນ ຈຳກັດ ໄດ້ເປີດບໍລິການຈຸດຂາຍປີ້ລົດໄຟລາວ-ຈີນ ເພີ່ມຢູ່ສູນການຄ້າວຽງຈັນເຊັນເຕີຊັ້ນ 1 ໃນວັນທີ 25 ກຸມພາ 2022 ເພື່ອຂາຍປີ້ຖ້ຽວ C82 ຈາກສະຖານີ ນະຄອນຫລວງວຽງຈັນ-ສະຖານີຫລວງພະບາງ, ສະຖານີ ນະຄອນຫລວງວຽງຈັນ-ສະຖານີເມືອງໄຊ, ສະຖານີນະຄອນຫລວງວຽງຈັນ-ສະຖານີບໍ່ເຕັນ ໂດຍເລີ່ມເປີດຂາຍນັບແຕ່ວັນທີ 25 ກຸມພາ ເປັນ

    ຕົ້ນໄປ, ຂາຍທຸກໆວັນແຕ່ເວລາ 10:00-12:30 ໂມງ ແລະ 12:30-15:30 ໂມງ, ຄົນໜຶ່ງສາມາດຊື້ໄດ້ແຕ່ 2 ປີ້, ໃນເວລາຊື້ປີ້ຈະໄດ້ກວດສອບບັດປະຈຳຕົວ ແລະ ໃບຢັ້ງຢືນການສັກວັກຊິນ(ບັດຂຽວ)ຂອງຜູ້ທີ່ຈະຊື້ປີ້. ສຳລັບການຊຳລະເງິນແມ່ນຮອງຮັບດ້ວຍການຮູດບັດ (UnionPay) ແລະ QR Code (Onepay, Union Pay, Alipayແລະ Wechat ) ທີ່ເຄື່ອງ POS, ເຊິ່ງປັດຈຸບັນ ຍັງບໍ່ຮອງຮັບການຊຳລະດ້ວຍເງິນສົດ.

    ທ່ານ ຢວນໝິງຫາວ ຜູ້ອຳນວຍການໃຫຍ່ ບໍລິສັດ ທາງລົດໄຟລາວ-ຈີນ ຈຳກັດ ໄດ້ໃຫ້ຮູ້ ວ່າ: ການເປີດນຳໃຊ້ເສັ້ນທາງລົດໄຟລາວ-ຈີນ ເຮັດໃຫ້ສະພາບການຈະລາຈອນຂອງ ສປປ ລາວ ໄດ້ຮັບການປັບປຸງ ແລະ ຍົກລະດັບ, ອໍານວຍຄວາມສະດວກໃຫ້ປະຊາຊົນໃນການເດີນທາງໄປສູ່ຫາກັນ, ນັບແຕ່ເປີດບໍລິການແຕ່ເດືອນທັນວາ 2021 ເປັນຕົ້ນມາ, ເສັ້ນທາງລົດໄຟ ໄດ້ຮັບຄວາມນິຍົມ ແລະ ຕິດຕາມຢ່າງຕໍ່ເນື່ອງຈາກພາຍໃນ ແລະ ຕ່າງປະເທດ, ຄວາມນິຍົມຂີ່ລົດໄຟຂອງປະຊາຊົນ ເພີ່ມຂຶ້ນຢ່າງບໍ່ຢຸດຢັ້ງ ແລະ ມີຄວາມຕ້ອງການສູງ. ເພື່ອເປັນການຕອບສະໜອງຄວາມຕ້ອງການ, ບໍລິສັດ

    ທາງລົດໄຟລາວ-ຈີນ ໄດ້ປັບແຜນການແລ່ນລົດໄຟຫລາຍຄັ້ງ ຕາມສະພາບຕົວຈິງ ໂດຍມີການເພີ່ມຂະບວນລົດໄຟ ເພື່ອຕອບສະໜອງຕາມຄວາມຕ້ອງການ ໃນການເດີນທາງຂອງປະຊາຊົນ.
    ມາຮອດປັດຈຸບັນ, ການແລ່ນຂະບວນລົດໄຟຂົນສົ່ງໂດຍສານພາຍໃນ ບັນລຸໄດ້ 150 ຄູ່, ປະ ລິມານຜູ້ໂດຍສານບັນລຸໄດ້ປະມານ 150.000 ຄົນ, ປະລິມານຜູ້ໂດຍສານສູງສຸດ 2.804 ຄົນຕໍ່ມື້, ໄດ້

    ເພີ່ມຂະບວນລົດ ຈໍານວນ 9 ຄູ່ ແລະ ບັນລຸການຂົນສົ່ງໂດຍສານໄດ້ 5.296 ຄົນ. ນອກຈາກນີ້, ບໍລິສັດທາງລົດໄຟລາວ-ຈີນ ຍັງຈະໄດ້ສືບຕໍ່ເປີດຈຸດຂາຍປີ້ຢູ່ແຂວງຫລວງພະບາງ ເພື່ອອຳນວຍຄວາມ ສະດວກໃນການຊື້ປີ້, ຈະສືບຕໍ່ຊຸກຍູ້ວຽກພັດທະນາລະບົບຂາຍປີ້ອອນລາຍ, ປັບປຸງຂັ້ນຕອນຊື້ປີ້, ຍົກສູງລະດັບການບໍລິການຂົນສົ່ງໂດຍສານຢ່າງຕໍ່ເນື່ອງ ເພື່ອປະຊາຊົນຈະໄດ້ນໍາໃຊ້ການບໍລິການລົດໄຟດ້ວຍ ຄວາມສະບາຍ ປອດໄພ ແລະ ສະດວກ ຍິ່ງຂຶ້ນ.
    ຂ່າວ: ກິດຕາ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.