ບັນຫາລະດັບຊາດ..!! ຜ່ານມາເຈົ້າໜ້າທີ່ສາມາດກວດກາ ແລະ ປາບປາມບັນຫາ ຢ າ ເ ສ ບ ຕິ ດ ໄດ້ເຖິງ 3 ພັນກວ່າເລື່ອງ.

    0
    221

    ປະຕິບັດການປາບປາມ ຢ າ ເ ສ ບ ຕິ ດ , ຊຶ່ງເປັນໜຶ່ງໃນວຽກງານຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາ ຢ າ ເ ສ ບ ຕິ ດ ໃນຂອບເຂດທົ່ວປະເທດ, ເຜີຍ ໃຫ້ເຫັນຜົນສຳເລັດຢ່າງເປັນຮູບປະທໍາດ້ວຍຜົນງານມ້າງຄະດີໄດ້ 3.730 ເລື່ອງ, ກັກຕົວຜູ້ຖືກຫາໄດ້ 5.217 ຄົນ, ຍິງ 509 ຄົນ, ຕ່າງປະເທດ 119 ຄົນ, ຍິງ 5 ຄົນ ແລະ ສາມາດດຳເນີນຄະດີສຳເລັດ 3.370 ເລື່ອງ, ມີຜູ້ຖືກຫາ 4.758 ຄົນ, ຍິງ 534 ຄົນ.

    ໂດຍ ພັອ ຫົວພັນ ຟອງມະນີ ຮອງຫົວໜ້າກົມໃຫຍ່ຕຳຫຼວດ, ກະຊວງປ້ອງກັນ ຄວາມສະຫງົບ (ປກສ) ໄດ້ເປີດເຜີຍເມື່ອບໍ່ດົນນີ້ວ່າ: ກຳລັງຕຳຫຼວດວິຊາ ສະເພາະທຸກເຫຼົ່າຮົບ, ໄດ້ສຸມໃສ່ກວດກາ-ຕິດຕາມ ແລະ ຊອກຄົ້ນຫາກຸ່ມ ເປົ້າໝາຍຄ້າຂາຍ ຢ າ ເ ສ ບ ຕິ ດ ຢູ່ຕາມຈຸດຫຼໍ່ແຫຼມ-ມົ້ວສຸມ, ລີ້ຊ້ອນ ແລະ ຕາມ ຂອບເຂດຊາຍແດນ.

    ຜ່ານປະຕິບັດການໃນໄລຍະຜ່ານມາ, ສາມາດສ້າງຄະດີໄດ້ 3.730 ເລື່ອງ, ຊຶ່ງຈາກຄະດີທີ່ມ້າງໄດ້, ສາມາດຢຶດຂອງກາງ ຢ າ ເ ສ ບ ຕິ ດ ປະ ເພດຕ່າງໆຄື: ເຮໂຣອິນ 467,79 ກິໂລກຣາມ, ຢ າ ບ້ າ 14.300,81 ກິໂລກຣາມ, ຢ າ ຝິ່ ນ 18,92 ກິໂລກຣາມ, ກັນຊາ 5.846,69 ກິໂລກຣາມ, ຢ າ ໄ ອ ສ໌ 2.991,02 ກິໂລກຣາມ, ນ້ຳຢາເຄມີ 10 ກິໂລກຣາມ, ເຄຕາມິນ 4,11 ກິໂລກຣາມ, ຢ າ ອີ 0,08 ກິໂລກຣາມ, ແປ້ງຝຸ່ນເພື່ອນຳມາປະສົມຜະລິດ ຢ າ ເ ສ ບ ຕິ ດ 19.480 ກິໂລກຣາມ, ກວດພົບເຄື່ອງຂອງກາງໃນການນຳໃຊ້ ເຄື່ອນໄຫວກໍການກະທໍາຜິດເຊັ່ນ: ອຸປະກອນ ແລະ ພາຫະນະປະເພດຕ່າງໆ ເຊັ່ນ: ລົດໃຫຍ່ 135 ຄັນ, ລົດຈັກ 755 ຄັນ, ເຮືອ 2 ລຳ, ອ າ ວຸ ດ ປື ນ 28 ກະບອກ, ລູ ກ ປື ນ 420 ລູກ, ເງິນ 1,3 ຕື້ກວ່າກີບ, 4 ລ້ານກວ່າບາດ, 590 ໂດລາສະຫະລັດ, 540.366 ຢວນ, 1.450. 000 ດົງ ແລະ ເຄື່ອງຂອງກາງ ອື່ນໆອີກຫຼາຍລາຍການ.

    ຮອງຫົວໜ້າກົມໃຫຍ່ຕຳຫຼວດ, ລະບຸຕື່ມວ່າເນື່ອງຈາກພວກກະທຳຜິດທາງ ອາຍານັບມື້ເພີ່ມຂຶ້ນ, ມີລັກສະນະສັບສົນ, ສະລັບຊັບຊ້ອນ, ມີເຫຼ່ຫຼ່ຽມ ເຄື່ອນໄຫວທີ່ເລິກແລບແນບນຽນ, ບັງອາດເປີດແປນ, ຈັດຕັ້ງເປັນກຸ່ມແກ້ງ, ຕິດຕໍ່ກັນຫຼາຍແຂວງ-ຫຼາຍປະເທດ, ມີລັກສະນະຮຸນແຮງ, ນຳໃຊ້ເຄື່ອງມືທີ່ ທັນສະໄໝ ແລະ ອາວຸດເສິກເຂົ້າໃນການກໍ່ເຫດ, ພ້ອມທັງມີການບັນຊາທັງ ພາຍໃນ ແລະຕ່າງປະເທດ. ຕໍ່ອຸປະສັກທ້າທາຍດັ່ງກ່າວ ເຈົ້າໜ້າທີ່ພວກເຮົາກໍບໍ່ ໄດ້ຫຼຸດລະຄວາມພະຍາຍາມ, ຊຶ່ງໄດ້ນຳກຳລັງວິຊາສະເພາະທີ່ມີຄວາມສາມາດ, ມີຄວາມຊຳນິ-ຊຳນານ ເຂົ້າໃນການສະກັດກັ້ນ ແລະ ສ້າງລາຍຄະດີ ຢ າ ເ ສ ບ ຕິ ດ , ພ້ອມທັງຍຶດຂອງກາງທີ່ມີສ່ວນພົວພັນກັບ ຢ າ ເ ສ ບ ຕິ ດ ໄດ້ເປັນຈຳນວນ ຫຼວງຫຼາຍ.

    ຂໍ້ມູນຈາກ: ກົມສື່ມວນຊົນ ປກສ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.