ເຈັບທັງຕົວແລະຜິດຫັວງ ໂຈນຖືກສາວໃຈກ້າເຈົ້າຂອງໂທລະສັບ ຂີ່ລົດຈັກຕຳເຂົ້າຢ່າງຈັງ

    0
    282

    ຍາດຊີງຊັບ ຖືກຈັບດຳເນີນຄະດີ ***
    ເຈົ້າໜ້າທີ່ ປກສ ກຸ່ມ 1 ຈອມມະນີ ໃຫ້ຮູ້ວ່າ: ເວລາປະມານ 18:40 ໂມງ ຂອງວັນທີ 19 ກຸມພາ 2022 ໄດ້ມີຄົນຮ້າຍ ເພດຊາຍ 1 ຄົນ ຂັບຂີ່ລົດຈັກ ສະແມດ ສີດໍາແດງ ບໍ່ຕິດປ້າຍທະບຽນ

    ຍາດຊີງຊັບເອົາໂທລະສັບມືຖື ຂອງນາງ ອໍາໄພ ອາຍຸ 19 ປີ ນັກຮຽນ ຢູ່ບ້ານອາມອນ ເມືອງໄຊເສດຖາ ນະຄອນຫຼວງວຽງຈັນ, ຕໍ່ໜ້າໂຮງໝໍ 150 ຕຽງ ແລ້ວຂັບຂີ່ລົດຈັກຫຼົບໜີໄປທາງຂ້າງ ກົມໃຫຍ່ພະລາທິການກອງທັບ. ນາງ ອໍາໄພ ຈິ່ງຂັບຂີ່ລົດຈັກໄລ່ນໍາຄົນຮ້າຍ ພໍຮອດ 3 ແຍກ ໜ້າອະນຸສອນສະຖານ ໄກສອນ ພົມວິຫານ ຈິ່ງຂັບຂີ່ລົດຈັກຕໍາລົດຈັກຄົນຮ້າຍ ແລ້ວລົ້ມລົງ ແລະ ຮ້ອງຂໍໃຫ້ຄົນມາຊ່ວຍເຫຼືອ ສາມາດຈັບໄດ້ ຊາບຊື່ພາຍຫຼັງຜູ້ກໍ່ເຫດຊີງຊັບ ແມ່ນ ທ້າວ ຈອນນີ ຫວ່າງງານ ຢູ່ບ້ານ ຈອມມະນີ ເມືອງໄຊເສດຖາ ນະຄອນຫຼວງວຽງຈັນ.

    ຕໍ່ກັບຄະດີດັ່ງກ່າວ ເຈົ້າໜ້າທີ່ ປກສ ກຸ່ມ 1 ຈອມມະນີ ໄດ້ນໍາສົ່ງໃຫ້ກອງບັນຊາການ ປກສ ເມືອງໄຊເສດຖາ ດໍາເນີນຄະດີຕາມຂັ້ນຕອນກົດໝາຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.