ນ້ອງແອນລີ້ ຂຶ້ນແທ່ນສາວຮັອດ

    0
    97

    ຕ້ອງບອກວ່າເປັນອີກໜຶ່ງ ນັກຮ້ອງ ນັກສະແດງເດັກ ທີ່ກຳລັງໂດ່ງດັງຫຼາຍໃນຕອນນີ້ ສຳຫຼັບ ແອນລີ້ ອະຊິລະຍາ ນິຕິພົນ ລູກສາວຫົວແກ້ວຫົວແຫວນຂອງນັກສະແດງລຸ້ນໃຫຍ່ ອໍ່ຳ ອຳມະລິນ ນິຕິພົນ ກັບ ຈອຍ ອັດສະລິຍາ ອັງຄະສຸວັນສິຣິ ອາຍຸ 17 ປີ ຍິ່ງໃຫຍ່ຍິ່ງງາມຈົນເຮັດໃຫ້ໜຸ່ມໆຫຼາຍຄົນໃຈລະລາຍກັນໜັກຫຼາຍເລີຍທີດຽວ ແຖມຕອນນີ້ເຈົ້າຕົວຄືປັງຫຼາຍມີວຽກອອກມາໃຫ້ແຟນໆໄດ້ຕິດຕາມກັນຢູ່ຕະຫຼອດເລີຍ

    ຫຼ້າສຸດ ແອນລີ້ ເປັນສາວຮັອດແຫ່ງປີຮັບງານພີເຊັນເຕີ 15 ແບນດັງໂກຍເງິນຮ້ອຍລ້ານ ໂດຍເຈົ້າຕົວໄດ້ຕອບຖ່ອມຕົວວ່າ ນ້ອງບໍ່ໄດ້ຮັອດຂະໜາດນັ້ນ ກໍ່ຂໍຂອບໃຈໃນທຸກໆແບນຫຼາຍໆເດີ້ ທີ່ເຫັນສັກກະຍະພາບ ແລະ ຄວາມພະຍາຍາມຂອງເຮົາ ແລະ ຖ້າຈະມີໃຜຈ້າງງານອີກກໍ່ພ້ອມຮັບເລື້ອຍໆ

    ສ່ວນເລື່ອງຄ່າຕົວທີ່ໂກຍຊັບໄປ ລວມ 100 ລ້ານ ເຈົ້າຕົວບອກວ່າເລື່ອງນີ້ບໍ່ຮູ້ເລີຍຕ້ອງຖາມທີ່ຄ້າຍເລີຍ ເຮົາຮູ້ພຽງເລື່ອງໂຊຂອງຕົວເອງວ່າເຮົາຈະເຮັດໄດ້ເທົ່າໃດ ບໍ່ໄດ້ຮູ້ເລື່ອງຕົວເລກເລີຍ ພຽງເຮັດວຽກໃຫ້ມັນອອກມາດີຂຶ້ນເລື້ອຍໆໃຫ້ຄົນໄດ້ເຫັນວ່າເຮົາພະຍາຍາມ

    ຂອບໃຈທຸກໆຄົນທີ່ຄອຍຊັບພອດເດີ້ ຮູ້ສຶກດີໃຈຫຼາຍໃນສະຖານະການທີ່ເຮົາເອງກໍ່ຍັງບໍ່ໄດ້ປ່ອຍເພງ ແຕ່ກໍ່ຍັງມີທຸກຄົນຊັບພອດ ກໍ່ຢາກໃຫ້ທຸກຄົນຕິດຕາມຜົນງານກັນໄປເລື້ອຍໆ ເຊິ່ງນອກຈາກຈະມີແຟນຊາວໄທແລ້ວ ຍັງມຮີແຟນອິນເຕີທີ່ຕິດຕາມຫຼາຍຂຶ້ນອີກດ້ວຍ

    ເຊິ່ງງານຕ່າງປະເທດລາວ ແອນລີ້ ກໍ່ຫວັງວ່າຈະໄດ້ເຈິກັນໃນໄວໆນີ້ ໜ້າຈະຊ່ວງປີໜ້າດຽວຈະຕ້ອງກັບໄປເກົາຫຼີປີໜ້າອີກດ້ວຍ ເພາະຕ້ອງໄປເຮັດເພງ ບອກເລີຍວ່າຕອນນີ້ ແອນລີ້ ລາວປັງຫຼາຍແທ້ໆ ມີງານເກືອບທຸກມື້ທັ້ງທີ່ຕອນນີ້ມີສະຖານະການໂຄວິດ-19 ທີ່ແຜ່ລະບາດໜັກ

    ເຫຼົ່າຄົນໃນວົງການບັນເທີງບາງຄົນກໍ່ຕ້ອງຢຸດງານຢູ່ເຮືອນກັນ ແຕ່ ແອນລີ້ ນັ້ນກັບມີງານລີວິວສິນຄ້າອອກມາໃຫ້ໄດ້ເຫັນຜ່ານອິນສະຕາແກມສ່ວນຕົວຢູ່ຕະຫຼອດເລີຍ ເຊື່ອວ່າໃນອະນາຄົດຕ້ອງໂດ່ງດັງຫຼາຍຂຶ້ນເລື້ອຍໆແນ່ນອນພໍ່ແມ່ຕ້ອງພູມໃຈໃຫ້ຕົວລູກສາວຄົນນີ້ກັນຫຼາຍເລີຍທີດຽວ ຫາເງິນໄດ້ຫຼາຍຕັ້ງແຕ່ອາຍຸຍັງນ້ອຍຂະໜາດນີ້

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.