ຢຶດ ແລະ ທຳລາຍອາຫານແຊ່ແຂງນໍາເຂົ້າບໍ່ຖືກຕ້ອງເກືອບ 28 ໂຕນ

    0
    94

    ການນຳເຂົ້າສິນຄ້າແບບຜິດກົດໝາຍ ເຊິ່ງສ່ຽງຕໍ່ສຸຂະພາບ ແລະຊີວິດຂອງຜູ້ບໍລິໂພກ ຍັງປະກົດໃຫ້ເຫັນຢູ່ເປັນໄລຍະມາ ແຕ່ກໍ່ຊົມເຊີຍເຈົ້າໜ້າທີ່ກ່ຽວຂ້ອງທີ່ສາມາດສະກັດຈັບໄດ້ນຳມາທຳລາຍຖີ້ມ.


    ໃນວັນທີ 7 ກຸມພາ 2022 ຜ່ານມາ ເຈົ້າໜ້າທີ່ກົມຕໍາຫຼວດສິ່ງແວດລ້ອມ ກົມໃຫຍ່ຕໍາຫຼວດ ກະຊວງ ປ້ອງກັນຄວາມສະຫງົບ ຢຶດອາຫານແຊ່ແຂງນໍາເຂົ້າບໍ່ຖືກຕ້ອງເກືອບ 28 ໂຕນ ໄປທຳລາຍຖິ້ມ ເປັນປະເພດທະເລ (ກຸ້ງ ແລະ ປາໝຶກ), ເຄື່ອງໃນໄກ່ ແລະ ອາຫານອື່ນໆ ຈຳນວນ 27.767 ກິໂລກຼາມ ມູນຄ່າປະມານ 500 ກວ່າລ້ານກີບ ທີ່ຢຶດໄດ້ຈາກບໍລິສັດທີ່ລັກລອບນຳເຂົ້າໂດຍບໍ່ຖືກຕ້ອງໄປທຳລາຍຖິ້ມ ຢູ່ສະໜາມບຳບັດຂີ້ເຫຍື້ອຫຼັກ 32 ຕັ້ງຢູ່ບ້ານຜາສຸກ ເມືອງໄຊທານີ ນະຄອນຫຼວງວຽງຈັນ.

    ພັອ ວັນເຮືອງ ຈັນທະພອນ ຫົວໜ້າກົມຕຳຫຼວດສິ່ງແວດລ້ອມ ໃຫ້ຮູ້ວ່າ: ໃນວັນທີ 3 ທັນວາ 2021 ໄດ້ມີກຸ່ມຄົນຈຳນວນໜຶ່ງກຳລັງກະກຽມເຄື່ອນໄຫວນຳເຂົ້າອາຫານແຊ່ແຂງ ປະເພດຊິ້ນສ່ວນສັດ ປີກທີ່ນຳເຂົ້າບໍ່ຖືກຕ້ອງຈາກປະເທດໄທ ໂດຍຜ່ານດ່ານມິດຕະພາບແຂວງບໍລິຄຳໄຊ ເພື່ອນຳເຂົ້າມາຈຳ ໜ່າຍໃນນະຄອນຫຼວງວຽງຈັນ ຈຶ່ງໄດ້ແຕ່ງ ພະນັກງານລົງພິສູດຕາມເສັ້ນທາງ ເລກທີ 13 ໃຕ້.

    ຈົນຮອດເວລາ19:30 ໂມງກໍພົບເຫັນລົດ 6ລໍ້ ຍີ່ຫໍ້ ISUSUສີຂາວ ໝາຍເລກທະບຽນ ບດ 0681 ກຳແພງນະຄອນ ປົກຜ້າບັດສີດຳບັນທຸກສິນຄ້າແລ່ນຜ່ານເສັ້ນທາງ ຕະຫຼາດໂນນໄຮ່ຄໍາ ຈຶ່ງໄດ້ຕິດຕາມລົດຄັນດັ່ງກ່າວໄປ ເຫັນວ່າລົດຄັນນັ້ນແມ່ນໄດ້ຈອດຢູ່ຕໍ່ໜ້າສາງ ເຢັນ ບ້ານຄຳສະຫວາດເມືອງໄຊເສດຖາ ນະຄອນຫລວງວຽງຈັນ, ຈາກນັ້ນໄດ້ນຳກຳລັງເຂົ້າກວດກາລົດ, ກວດກາສິນຄ້າ ແລະ ເອກະສານການອະນຸຍາດໃນການນຳເຂົ້າສິນຄ້າ.

    .

    ຜ່ານການກວດກາເບື້ອງຕົ້ນເຫັນວ່າ: ບໍ່ມີໃບຢັ້ງຢືນການເສຍພາສີປະຈໍາດ່ານ, ບໍ່ມີໃບອານຸຍາດ ເຂົ້າຊິ້ນສ່ວນສັດປີກຈາກກົມລ້ຽງສັດ ແລະ ການປະມົງ ແລະ ບໍ່ມີການຢັ້ງຢືນຄຸນນະພາບຈາກກົມອາຫານ ແລະ ຢາ ກະຊວງສາທາລະນະສຸກເຊິ່ງມີພຽງແຕ່ໃບນຳສົ່ງສິນຄ້າຂອງ ບໍລິສັດ ວັນລອງ ການຄ້າຂາອອກ-ຂາເຂົ້າ ຈຶ່ງໄດ້ກັກສິນຄ້າໄວ້ເພື່ອນຳໄປທຳລາຍຖີ້ມ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.