ຍັງບໍ່ຮູ້ສະຕາກຳ…!! ເຫດເດັກນ້ອຍອາຍຸ 7 ປີ ຈົມນ້ຳທີ່ບ້ານເວີນແຄນ ຕັ້ງແຕ່ເຊົ້າວັນທີ 8 ກຸມພາ ກູ້ໄພເລັ່ງຊອກຫາ.

    0
    287

    ໜ່ວຍກູ້ໄພອາສາເພື່ອປະຊາຊົນໄດ້ຮັບແຈ້ງເຫດຜ່ານເບີສຸກເສີນຫມາຍເລກ 5432 3636 ວ່າມີເດັກນ້ອຍຈົມນ້ຳທີ່ ບ້ານເວີນແຄນ ເມືອງປາກງື່ມ ໜ່ວຍກູ້ໄພໄດ້ອອກກວດສອບເຫດພົບວ່າ:
    ທ້າວ ຫລືຢ້າງ ອາຍຸ 7 ປີ ອາຊີບ ເດັກ ບ້ານ ເວີນແຄນ ເມືອງປາກງື່ມ ເປັນລູກຂອງທ້າວ ບີຢ່າງ ອາຍຸ 44 ປີ ອາຊີບ ຊາວນາ ຊົນເຜົ່າ ມົ້ງ ບ້ານເວີນແຄນ. ໃນວັນທີ 8/02/2022 ທ້າວ ຫລືຢ້າງ ໄດ້ມາລ້ຽງຄວາຍນຳອ້າຍ ເວລາ 8 ໂມງ ຊື່ທ້າວ ອີເລັ່ງຢ່າງ ອາຍຸ 14 ປີ ລ້ຽງຄວາຍຢູ່ບໍລິເວນແຄມນ້ຳງື່ມ ບ້ານເວີນແຄນ ແລະໄດ້ລົງຫລິ້ນນ້ຳງື່ມນຳກັນ ເວລາປະມານ 9:00 ແລະນ້ອງໄດ້ຈົມນ້ຳຫາຍ ແລະ ຜູ້ເປັນອ້າຍ ຈຶ່ງໄດ້ຂຶ້ນຈາກນ້ຳແລ່ນຂຶ້ນມາບອກຫມູ່ ແລະ ພໍ່ຢູ່ເທິງເຮືອນ ວ່ານ້ອງຈົມນ້ຳຊ່ວຍບໍ່ໄດ້ ຜູ້ເປັນພໍ່ ຈຶ່ງຟ້າວມາເບິ່ງທີ່ຈຸດເກີດເຫດ ບໍລິເວນ ທ່າຊ້າຍສວຍກັບວັດ ບ້ານ ສົມປະເສິດ ແຄມງື່ມ ແລະ ໄດ້ໂທປະສານຫາທາງບ້ານ ເພື່ອຂໍຄວາມຊ່ວຍເຫລືອ ແລະ ທາງບ້ານ ກໍໄດ້ປະສານຫາໜ່ວຍກູ້ໄພ.

    ຕາມຄຳໃຫ້ຂໍ້ມູນ ຂອງຜູ້ເປັນອ້າຍ ແມ່ນອ້າຍແລະນ້ອງໄດ້ມາລ້ຽງຄວາຍນຳກັນ ຢູ່ທ່ານ້ຳງື່ມ ບ້ານເວີນແຄນ ແລະຕ່າງຝ່າຍໄດ້ລົງເຫຼັ້ນນ້ຳ ເຊິ່ງອ້າຍໄດ້ລອຍໄປບ່ອນເລິກ ແລະ ນ້ອງແມ່ນໄດ້ຫຼິ້ນບ່ອນຕື້ນແຄມທ່າ ເຊິ່ງຫ່າງຈາກອ້າຍປະມານ 2 ແມັດ ໃນເວລາປະມານ 9:30 ໄດ້ເຫັນນ້ອງມີທ່າທີ່ຈົ່ມນ້ຳ ແລະ ຕົນຈະເຂົາຊ່ວຍ ແຕ່ບໍ່ສາມາດໃຫ້ການຊ່ວຍເຫລືອນ້ອງໄດ້ ແລະ ນ້ອງໄດ້ຈົມຫາຍໄປກ່ອນທີ່ຕົນຈະລອຍມາຮອດ ຫລັງຈາກນັ້ນ ຕົນກໍໄດ້ແລ່ນຂຶ້ນເທິງທ່າໄປບອກຄົນ ເພື່ອມາຊ່ວຍເຫລືອ.

    ໃນຂະນະນີ້ທີມດຳນ້ຳໜ່ວຍກູ້ໄພຊ່ວຍເຫບືອຜູ້ດ້ອຍໂອກາດແມ່ນໄດ້ຖອນກຳລັງ ຍັງເຫລືອ ໜວ່ຍກູ້ໄພອາສາເພື່ອປະຊາຊົນ 1624 ປະຈຳເມືອງປາກງື່ມ ພ້ອມອຳນາດການປົກຄອງບ້ານ ໄດ້ສືບຕໍ່ລາດຕະເວນຄົ້ນຫາຫນ້ານ້ຳ ໃນເວລານີ້ ແລະສືບຕໍ່ຄົ້ນຫາຕໍ່ໄປຈົນກວ່າຈະພົບເຫັນ. ຂໍແຈ້ງປະຊາຊົນຜູ້ທີ່ອາໃສຢູ່ຕາມແຄມນ້ຳງື່ມ ລະຫວ່າງ ບ້ານເວີນແຄນ ຫາບ້ານປາກງື່ມ ຖ້າພົບ ເຫັນ ແມ່ນ ໂທແຈ້ງ ທີມງານເຮົາດ້ວຍ ເບີ 020 54323636

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.