ບໍ່ແກ້ວເຂັ້ມງວດ ກວດກາເຕັກນິກລົດຈັກດັດແປງສະພາບ

    0
    116

    ໃນວັນທີ 27 ມັງກອນ 2022 ຜ່ານມານີ້ ໜ່ວຍສະເພາະກິດ ຂອງກອງບັນຊາການ ປກສ ແຂວງບໍ່ແກ້ວ. ໄດ້ລົງສົມທົບກັບ ກອງບັນຊາການ ປກສ ເມືອງຫ້ວຍຊາຍ ເຮັດວຽກງານກວດກາເຕັກນິກລົດຈັກດັດແປງສະພາບ ຢູ່ທີ່ເຂດເທດສະບານ ເມືອງຫ້ວຍຊາຍ ແຂວງບໍ່ແກ້ວ.

    ເພື່ອເຮັດໃຫ້ມີຄວາມເປັນລະບຽບຮຽບຮ້ອຍພາຍໃນສັງຄົມ, ຖືກຕ້ອງຕາມລະບຽບຂອງກະຊວງໂຍທາທິການ ແລະ ຂົນສົ່ງວາງອອກ ໃນນັ້ນໄດ້ກວດພົບເຫັນລົດຈັກ ຈຳນວນ 18 ຄັນ, ທີ່ໂຮງຮຽນ ມສ ສັນຕິພາບ ຈໍານວນ 09 ຄັນ, ໂຮງຮຽ ມສ ທົ່ງແສງຈັນ ຈໍານວນ 05 ຄັນ ແລະ ເທດສະບານເມືອງຫ້ວຍຊາຍ ຈຳນວນ 04 ຄັນ.

    ເຊິ່ງລົດຈໍານວນດັ່ງກ່າວນີ້ແມ່ນໄດ້ມີການດັດແປງສະພາບເຕັກນິກ, ທໍ່ສຽງດັງເກີນກໍານົດ, ໃສ່ຢາງນ້ອຍ, ດັ່ງນັ້ນ, ທາງເຈົ້າໜ້າທີ່ໜ່ວຍສະເພາະກິດຂອງພວກເຮົາຈຶ່ງໄດ້ນໍາເອົາລົດຈັກຈໍານວນດັ່ງກ່າວຂຶ້ນມາເກັບໄວ້ຢູ່ທີ່ ພະແນກ ຈາລະຈອນ ( ຫ້ອງຕໍາຫຼວດ ) ປກສ ແຂວງ ແລ້ວໃຫ້ເຈົ້າຂອງລົດ ຫຼື ພາກສ່ວນທີ່ກ່ຽວຂ້ອງປະຕິບັດຕາມຂັ້ນຕອນໃຫ້ຖືກຕ້ອງຕາມລະບຽບກົດໝາຍ, ເພື່ອບໍ່ໃຫ້ມີປະກົດການຍໍ້ທໍ້ຢູ່ໃນສັງຄົມ.

    ພາບ-ຂ່າວ ໂດຍ ສທ ໄພວີ ເກີດກອງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.