ກຳນົດມື້ໃໝ່! ຜູ້ຕິດເຊື້ອໂ ຄ ວິ ດຫຼັງຈາກນີ້ເມື່ອປິ່ນປົວຫາຍດີປະຕິບັດຕາມເລີຍ

    0
    241

    ການລະບາດຂອງໂຄວິດ19 ຢູ່ລາວເຮົາປັດຈຸບັນນີ້ ຕົວເລກຍັງຈະຂຶ້ນໆລົງໆໃນແຕ່ລະວັນ ແຕ່ກໍ່ບໍ່ຄວນຖືເບົາເດີ ແລະບໍ່ຄວນຕື່ນຕົກໃຈຈົນເກີນໄປ, ສຳຄັນຖ້າຕິດເຊື້ອແລ້ວໃຫ້ຕັ້ງໃຈປິ່ນປົວເພື່ອໃຫ້ໄດ້ກັບຄືມາໃຊ້ຊີວິດປົກກະຕິໂດຍໄວ ມື້ນີ້ແອັດຈະພາມາເບິ່ງກຳນົດມື້ການອອກໄປໃຊ້ຊີວິດໃນສັງຄົມຫຼັງການປິ່ນປົວໂຄວິດມາຝາກກັນ.

    ອີງຕາມສູນຂໍ້ມູນຂ່າວສານການແພດ ແລະສຸຂະສຶກສາໃຫ້ຮູ້ວ່າ: ສຳລັບຜູ້ຕິດເຊື້ອໂຄວິດ-19 ແຕ່ລະຄົນແມ່ນມີອາການບໍ່ຄືກັນ ແຕ່ເມື່ອຮັບຮູ້ວ່າຕົນເອງຕິດເຊື້ອຈາກການວິໄຈຂອງແພດໝໍແລ້ວ ໃຫ້ດຳເນີນການປິ່ນປົວສຸຂະພາບ ແລະຈະໄດ້ອອກມາໃຊ້ຊີວິດປົກກະຕິຕາມນີ້

    ກໍລະນີບໍ່ມີອາການ:

    1. ໃຫ້ອອກໃນມື້ທີ 10 ນັບແຕ່ມື້ຮູ້ຜົນເປັນບວກ, ຕົວຢ່າງ: ຮູ້ຜົນບວກ ໃນວັນທີ 10/4/2021 ໃຫ້ອອກຈາກສະຖານທີ່ປິ່ນປົວ ໃນວັນທີ 20/4/2021.
    2. ບໍ່ຈໍາເປັນຕ້ອງກັກຕົວເອງ ຫລັງຈາກອອກໂຮງໝໍ ສາມາດໃຊ້ຊີວິດ ປົກກະຕິໃນສັງຄົມ ໂດຍນໍາໃຊ້ມາດຕະການປ້ອງກັນຕົນເອງຕາມວິຖີ ຊີວິດແບບໃໝ່.
    3. ຖ້າມີບັນຫາດ້ານສຸຂະພາບອື່ນ ຫລັງຈາກອອກໂຮງໝໍແມ່ນໃຫ້ໄປ ກວດຢູ່ສະຖານທີ່ປິ່ນປົວໃກ້ເຮືອນທ່ານ.

    ກໍລະນີມີອາການ:

    1. ໃຫ້ອອກຈາກສະຖານທີ່ປິ່ນປົວຢ່າງໜ້ອຍ 13 ມື້ (10 ມື້ຫລັງເລີ່ມ ມີອາການ + 3 ມື້ ທີ່ບໍ່ມີອາການໄຂ້ ແລະ ບໍ່ມີໝວດອາການລະບົບຫາຍໃຈ)
    2. ບໍ່ຈໍາເປັນຕ້ອງກັກຕົວເອງຫລັງຈາກອອກໂຮງໝໍ ສາມາດໃຊ້ຊີວິດ ປົກກະຕິໃນສັງຄົມ ໂດຍນໍາໃຊ້ມາດຕະການປ້ອງກັນຕົນເອງຕາມວິຖີ ຊີວິດແບບໃໝ່.
    3. ຖ້າມີບັນຫາດ້ານສຸຂະພາບອື່ນ ຫລັງຈາກອອກໂຮງໝໍແມ່ນໃຫ້ໄປ ກວດຢູ່ສະຖານທີ່ປິ່ນປົວໃກ້ເຮືອນທ່ານ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.