ຮັກໃດຈະເທົ່າຮັກຄັ້ງແລກ ຜ່ານໄປຈັກປີກໍ່ຍັງຄິດຮອດ ແລະກັບມາກອດເມື່ອມີໂອກາດ

    0
    345

    ບໍ່ວ່າຊາຍຫຼືຍິງ ມັກຈົດຈຳຮັກຄັ້ງແລກໃນຊີວິດ ບໍ່ວ່າຈະເປັນການຫຼົງໃນໄວເດັກ ຫຼື ເປັນຄວາມຕັ້ງໃຈແຕ່ຕົ້ນ ແຕ່ຄົນທີ່ຄົບກັນທຳອິດມັກຈະຢູ່ໃນໃຈໄປຍາວນານບໍ່ວ່າການເວລາຈະຜ່ານໄປຍາວນານພຽງໃດກໍ່ຕາມ ທຸກຄັ້ງທີ່ຜິດຫວັງກໍມັກຈະນຶກເຖິງຮັກເກົ່າໆ ຫຼື ບໍກໍຍັງຝັນເຫັນ ຈິ່ງເປັນທີ່ມາຂອງໜຸ່ມໃຫຍ່ໄວ 60 ປີກັບໄປຂໍແຟນເກົ່າສະໄໝມັດທະຍົມແຕ່ງງານ.

    ເລື່ອງນີ້ເກີດຂຶ້ນທີ່ຈັງຫວັດປາຈີນບູຣີ ປະເທດໄທ ຊາຍຄົນໜຶ່ງໄວ 60 ປີໄດ້ຫອບຂັນໝາກໄປສູ່ຂໍສາວໜຶ່ງຊື່ອາຣີ ໄວດຽວກັນ ເຊິ່ງທັງສອງເປັນໝູ່ສະໜິດກັນສະໄໝມັດທະຍົມ.

    ທັງສອງໄດ້ຈັດງານແຕ່ງຢ່າງລຽບງ່າຍໃນໃນເຮືອນຂອງຕົນດ້ວຍເງິນສິນສອດ 1 ແສນບາດ ຜ່ານປະຕູເງິນປະຕູຄຳ ຜູກແຂນຕາມປະເພນີ ໂດຍມີຍາດພີ່ນ້ອງໃກ້ຊິດເຂົ້າຮ່ວມສະແດງຄວາມຍິນດີ.

    ສຳລັບຄູ່ສົມລົດໃໝ່ຜ່ານມາແມ່ນຕ່າງຄົນຕ່າງມີຄອບຄົວແລ້ວ ມີລູກຫຼານກັນມາທັ້ງສອງຝ່າຍ ແຕ່ຄູ່ຄອງຂອງທັງສອງຕ່າງກໍ່ເສຍຊີວິດໄປ ແລະພວກເພິ່ນໄດ້ມາພົບກັນອີກ ຈິ່ງມາຈີບກັນ ແລະຖາມໄຖ່ລູກຫຼານເຫັນວ່າບໍມີຜູ້ໃດຂັດຂ້ອງ ກ່ອນຈະຕົກລົງປົງໃຈເຂົ້າສູ່ປະຕູວິວາໃນບັ້ນປາຍຊີວິດ.

    ຜ່ານການສອບຖາມທາງເຈົ້າສາວເປີດເຜີຍວ່າ ຕົນແລະທາງເຈົ້າບ່າວຄົນນີ້ແມ່ນມັກຮັກກັນຕັ້ງແຕ່ເປັນເດັກ ເປັນຮັກຄັ້ງແລກສະໄໝມັດທະຍົມ ແຕ່ພໍຮຽນຈົບຕ່າງຄົນຕ່າງໄປມີແຟນໃໝ່ຈິ່ງພາດພາກກັນໄປ ຕໍ່ມາກໍ່ມີຄູ່ຄອງຂອງໃດລາວ ຈົນຄູ່ຄອງເສຍຊີວິດ ຈິ່ງກັບມາລົມກັນໃໝ່ ແລະຕົກລົງມາສ້າງຊີວິດຄູ່ຮ່ວມກັນໃນໄວທີ່ອາຍຸຫຼາຍແລ້ວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.