ຫ້ອງວ່າການສໍານັກງານນາຍົກລັດຖະມົນຕີ ໃຫ້ທິດຊີ້ນໍາຕໍ່ກັບປະກົດການຫຍໍ້ທໍ້ໃນການຊື້-ຂາຍປີ້ໂດຍສານລົດໄຟລາວ-ຈີນ

    0
    277

    ຫ້ອງວ່າການສໍານັກງານນາຍົກລັດຖະມົນຕີ ໄດ້ອອກແຈ້ງການທິດຊີ້ນໍາ ທ່ານ ຮອງນາຍົກລັດຖະມົນຕີ, ຜູ້ຊີ້ນໍາຂົງເຂດວຽກງານເສດຖະກິດ ສະບັບເລກທີ 1745 /ຫສນຍ ນະຄອນຫລວງວຽງຈັນ, ວັນທີ 31 ທັນວາ 2021 ໃຫ້ຊາບ ແລະ ຈັດຕັ້ງປະຕິບັດ ດັ່ງນີ້: ມອບໃຫ້ກະຊວງໂຍທາທິການ ແລະ ຂົນສົ່ງ ຮີບຮ້ອນສົມທົບກັບພາກສ່ວນກ່ຽວຂ້ອງ ສຸມໃສ່ແກ້ໄຂບາງບັນຫາຄື:1) ສົມທົບບໍລິສັດທາງລົດໄຟ ລາວ-ຈີນ ລົງເລິກກວດກາສະພາບການຊື້-ຂາຍປີ້ໂດຍສານລົດໄຟລາວ-ຈີນ ວ່າມີ ປະກົດການສວຍໂອກາດ ໃນການກັກຕຸນີ້ໂດຍສານ ຫຼື ມີນາຍຫນ້າຈອງໄວ້ ເພື່ອເກງກໍາໄລ ຄືດັ່ງຫາງສຽງສັງຄົມໄດ້ສ່ອງ ແສງນັ້ນແທ້ ຫຼື ບໍ່, ຖ້າມີແທ້ ແມ່ນໃຫ້ດໍາເນີນມາດຕະການຕ່າງໆ ທີ່ກົດຫມາຍກໍ່ຄືລະບຽບການກ່ຽວຂ້ອງໄດ້ກໍານົດໄວ້ຢ່າງ ເຂັ້ມງວດ. ພ້ອມກັນນັ້ນ ກໍ່ໃຫ້ບໍລິສັດ ທາງລົດໄຟລາວ-ຈີນ ປັບປຸງວິທີການໃນການຈໍາຫນ່າຍປີ້ໂດຍສານລົດໄຟຄືນໃຫມ່ ໃຫ້ສອດຄ່ອງກວ່າເກົ່າ ເພື່ອສ້າງຄວາມສະດວກໃຫ້ແກ່ຜູ້ໃຊ້ບໍລິການ, ທັງຮັບປະກັນການປ້ອງກັນ ແລະ ຄວບຄຸມການ ລະບາດຂອງພະຍາດ COVID 19 ຢ່າງເຂັ້ມງວດ;

    2) ໃຫ້ສົມທົບກັບອົງການປົກຄອງທ້ອງຖິ່ນກ່ຽວຂ້ອງ ເພີ່ມທະວີການປົກປັກຮັກສາຄວາມສະຫງົບ, ຄວາມເປັນ ລະບຽບຮຽບຮ້ອຍຕາມເສັ້ນທາງລົດໄຟລາວ-ຈີນ ໃຫ້ເຂັ້ມງວດກວ່າເກົ່າ ໂດຍໃຫ້ອົງການປົກຄອງບ້ານ ແລະ ປະຊາຊົນມີ ສ່ວນຮ່ວມໃນວຽກງານດັ່ງກ່າວ ຢ່າງເປັນປະຈໍາ ແລະ ປົກກະຕິ.

    ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການສະບັບນີ້ດ້ວຍ.ລັດຖະມົນຕີ, ຫົວຫນ້າຫ້ອງວ່າການສໍານັກງານນາຍົກລັດຖະມົນຕີ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.