ໄວລຸ້ນຈັບມີດໄລ່ຟັນຜູ້ດູແລວັດ ເຫດຍ້ອນປ່ຽນລະຫັດ Wi-Fi

    0
    147

    ອິນໂດເນເຊຍ ໄວລຸ້ນຈັບມີດໄລ່ຟັນຜູ້ດູແລວັດ ເຫດຍ້ອນປ່ຽນລະຫັດ Wi-Fi

    ວັນທີ 24 ທັນວາ 2021 ໃນສື່ອອນລາຍໄດ້ມີການເວົ້າເຖິງວິດີໂອຈາກກ້ອງວົງຈອນປິດ ທີ່ວັດແຫ່ງໜຶ່ງ ຢູ່ອິນໂດເນເຊຍ ເຊິ່ງມີພາບຊາຍ 3 ຄົນ ກໍາລັງແລ່ນໜີຢ່າງສຸດຊີວິດ ໂດຍມີໄວລຸ້ນ 2 ຄົນ ຈັບມີດຂະໜາດໃຫຍ່ກໍາລັງໄລ່ນໍາພວກເຂົາ.

    ຕາມການລາຍງານຂອງ ສໍານັກຂ່າວ Tribun News ລະບຸວ່າ ຕໍາຫຼວດທ້ອງຖິ່ນຮູ້ຕົວບຸກຄົນທີ່ກ່ຽວຂ້ອງທັງໝົດແລ້ວ ແລະ ເປີດເຜີຍວ່າ ເຫດການໃນຄັ້ງນີ້ມີຕົ້ນຕໍມາຈາກການຜິດຖຽງກັນ ລະຫວ່າງຜູ້ດູແລວັດ ແລະ ໄວລຸ້ນ 2 ຄົນ, ເຊິ່ງໄວລຸ້ນບໍ່ພໍໃຈທີ່ຜູ້ດູແລວັດປ່ຽນລະຫັດ Wi-fi ຂອງວັດ.

    ຜູ້ບັນຊາການຕໍາຫຼວດ ໃນເມືອງດັ່ງກ່າວ ເປີດເຜີຍໃນເວລາຕໍ່ມາວ່າ ໄວລຸ້ນທັງ 2 ຄົນແມ່ນຖືກຕໍາຫຼວດຈັບຕົວໄດ້ແລ້ວໃນຕອນເຊົ້າຂອງວັນທີ 25 ທັນວາ

    ຫຼັງໄດ້ຮັບແຈ້ງຄວາມເລື່ອງດັ່ງກ່າວຈາກພົນລະເມືອງດີ ແລະ ຜູ້ຖືກກະທໍາທັງ 3 ຄົນກໍຍັງໄດ້ຢູ່ໃນຂະບວນການເອົາຜິດກັບ 2 ໄວລຸ້ນນັ້ນອີກດ້ວຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.